فضلا وليس امرا اضغطو على زر التصويت..
نهى: وبهيج مرت الايام بمرارته..
وصار عندي اخوان من بابا ولد اسمه عمار وتوؤم ولد وبنية البنية فاطمه والولد يحيى ..
مرت السنين ببرودتها وحرها وصار عمري 14 سنه وادرس ثالث متوسط
وبنين 17 سنه وتدرس سادس علمي
ورقية تدرس اول متوسط
اما بلنسبة لعباس فهو ضل يرسب وبطل من المدرسة لان ميحبها ولايريد يتعلم .. جان مكضيها بلشوارع ..
اما اخواني الي من بابا هذولة بعدهم بلابتدائية..
وهيج مشت الامور وصار روتينا عبارة عن..
نكعد الصبح نروح للمدرسة ولمن نرجع ننضف ونكعد نقرة ..
ويمر الوقت بين كعدتنه سوية وحدنه بس اني واخواني كلهم
كبرنا وتعودنه ع مرت بابا الي جانت تحرمنا من كلشي..
جانت وياي وويا رقية شوية احسن من ما ويا بنين الي شادة وياها كلشش
وبس يتعاركن ثنينهن .. وكبرنا وكمنا منسكت ابدا
نعرف شلون نتصرف ونحجي وكلشي نعرف ..
خصة بنين موصغيرة بعد سنه تدخل الجامعه..
__________
رقية: نهى نهى كومي تاخرتي ع المدرسة
نهى: كمت بسرعه غسلت وبدلت وطلعت للمدرسة
وكالعادة من دون ريوك لان مرت بابا متسمحلنه ناكل
واذا سوينا اكثر تسبي الدنيا علينه وتصير مشكلة شكبرها ع بيضة او ايشي قليل .. واساسا
اتضم الاكل كلة بغرفتها لو اذا بلثلاجة تقفل الباب حتة محد ياكل..
رحت ارركض والجو بارد كلشش واني بطبعي ما البس هواي ملابس مجرد قميص وسترة خفيفة..
طبيت للمدرسة ولكيت ثرية
الي هية صديقتنا المقربة والي هية همين كرايبنا اتكون بنت بنت عمتي اني هية بصف ثاني حاليا
ماننسى وكفاتهم ويانا ابد دوم همه الي يجيبولنه اكل
وامها يومية تحضر لفتين بلمدرسة وحدة لثرية ووحدة الي ..
ووياها فواكه والف دينار اشتري بي.. ويستمر هلحال يومية..
ثرية دائما تجينا ونتونس كلش هواي لمن تجي
تجي بحساب تدرسها بنين بس كلة جذب انكضيها
سوالف وضحك وشقة واشكال نلعب ونسوي ...
___
دخلت الدرس وبدت المدرسة
وبين حصة وحصة اني وثرية نسولف ونتمشى سوية
والى ان كمل الدوام ورجعت لبيتنا ..
طبيت ولكيت عمتي جايتنا .. عمتي الثانية مو الي خطبت البابا..
طبيت وسلمت عليها بس مستغربة جيتها لان هية بلعادة متجينه وقليل نشوفها
بس هية تحبنه واكثر شي تموت ع بنين اختي....
رحت بدلت وكعدت يمهم وجان تحجي عمتي
ام سلام : بعدكلبي اني اجيتك بموضوع واتمنى متردني
بابا: تفضلي ام سلام كولي وانشاءالله ماردج..
وبدت عمتي تحجي بأنو اتريد تخطب بنين لسلام ..
كملت كلامها عمتي وراحت لبيتها
بابا: نهى بابا اخذي اخوانج وطبي بلغرفة اريد احجي ويا اختج..
كمت اخذتهم وطبيت اتسنطت من الباب واسمعه يكول..
بابا: بنين بابا اني وعمتج جنا ولف موبس اخوان اصدقاء وكلة جنه سوية 24 ساعه من دون كل اخواني واني احبها واعزها كلش هواية
بس يا بابة ماريد ازوجج لسلام لان انتو ثنينكم صغار نفس العمر هو 18 سنه بابة بعدة مومال زواج وعمتج اعرفها ميتعاشر وياها
بنين: بابا اصلا قبل لتكول اني ما اوفق اساسا لان اني سادس واريد اكمل دراستي مامفكرة بلزواج اصلا
صبيحة: شبيك عيني ابو عباس ترة البنية كبرت ومال زواج ترة عود هناك تكمل جامعه خليها تتزوج
وبعدين وين تلكه مثل عمتها تموت عليها اشو دنطيها
بابا: لتدخلين بهذا الموضوع خلص بنين ما انطيها
صبيحة وهية تتمسكن:يعيوني ابو عباس بكيفك قابل اني شكلتلك بس اني علمودها قابل شعندي وياها..
اجت بنين للغرفة وبيومها سولفنه شوية ونمنه...
مر اسبوع ع هذا الحال
بيوم جمعه جان .. عمتي الي تصير بيبية ثرية عزمتنا ع عشة .. احنه هوواي انحبها هية كلش حنينه علينا
بدلنه ورحنه وماما صبيحة ما اجت ويانا.. بس اني واخواني وبابا طبينه وجانت هووسة بناتها خمسة جايات وجهالهن وعمتي ام سلام همين هناك
طبينه وجان نتفاجأ عمتي محضرة جهاز عروس كامل لبنين .. ضلينه صافنين احنه ومنعرف شنو نسوي ..
ام سلام:عيني ابو بنين والله اني قافلة ع بنين واريدها لسلومي ابني ع سنه الله ورسولة شكد حاجيتك وانت كل مرة تكلي الله كريم واردلج خبر
ومترلي عاد طلعت وشفت جهاز مرتب لبنونة تستاهل
بابا: بس ام سلام اني ماموافق ماريد ازوجها هسة
.. وبدة النقاش وبنات عمتي هذني الخمسة بدن يحجن ويا بابا
والكل ضل يقنعه الى ان وافق بس هوة مامقتنع وقبل مثل الغصب عنه والا هو ماراضي ابد
بس عمتي خلته بلامر الواقع وجهزتلها كلشي
مر الوقت ببيت عمتي وسوت العشة الي يجنن
وحيل تونسنا وكضيناها سوالف والى ان تأخر الوقت رجعنه للبيت الي كمت اختنك لمن اشوفة...
ولهنا يكمل البارت اتمنى يعجبكم..دمتم في امان الله♥️
