آثام مستباحه

البارت 1

‏(فَفِرُّوا إِلَى اللَّهِ )
‏الهُروب الوحيد الذيّ لا خسارةَ فيه

مسحت دموعَي باطن ايدي ولميت سجادتي باوعَت الساعَة ب6 الا ربع اخذت ملابسي ودخلت سّبحت بسرعه ماكو وقت طلعت مشطت شعري وعفته مفتوح مالي خلكه سمعت اميري يبچي رحت شلته اسكت بيه غسلت وجهه وبدلتله وكعدته على كرسي الخاص بيه طلعت الممه سويت بسرعه وانطيته اله باعت ب7 الا عشره صخام عندي عمليه ب8 هسه الازدحامات تخليني اوصل ب12 رحت بسرعه الغرفه فلق دفرته برجلها واني اللبس بجواريب واصيح طفرت من مكانها بسرعة بخوف

فلق: اسم الله الرحمن الرحيم

_كومي بسرعة يم امير ما ضل وقت اذا صارله شي لو لكيتج نايمه محد يخلصچ مني

فلق: شلون عطلات من الصبح سرسحي بابا خفت وبعدين امير مثل ما هو اخوچ اخوي سمعتيييي

_ديلا كومي بسرعه بس البارحه واكع على راسه وحضره جنابچ مخليه سماعات كومي

فلق: كلبت عيوني ميعجبني كُل حچيها عدها طحن خواطر بشكل مُريب طلعت تركض وشعرها مبلل فريت ايدي عود هاي دكتوره هيچي هاملة صحتها كمت لميت شعري كباية غسلت وجهي وفرشت اسناني باوعت على وجهي بالمرآية تفلت عليه وطلعت ! وجهي يذكرني باحقر شخص لو ما اخاف من ربي چان شوهته جبت امير يمي بالمطبخ خليت بيده مصاصه لو تدري رُخام اسوي هيچي تذبحني عصبيه بشكل مُفرط سويتلي ريوك وضليت اكل واسولف ويه امير من الملل وهو يضحك ممفتهم شي كمت انظف بالبيت

رُخام: كمت اركض بالمرمر ب8 الا ربع بين ما اجهز نفسي يصير الموعد كلها صبحت عليه واني اجاوب بال مشغول

هدير: دكتوره المريض جاهز بقيتي بس انتِ

رُخام: اي تمام ب 8 وخمسة نبلش خلي مُسلم يخدره

غسلت ايدي بسرعة دالبس بالمريول اجه دكتور علي حجة ببتسامته المُعتاده

علي:صباح الخير دكتوره

رُخام: بطل رسميه ضحك وتقديم يعدلي بالكمامة علي اكثر من كونه صديق بالنسبة الي سند من بعد الله محد وكف ويايه مثله

علي: يلا دكتورة انتِ كدها

رُخام: ابتسمت على تحفيزه سويتله حركة باي رجعها  دخلت المريض بعده ما فاقد الوعي بالكامل ضليت اسولف عليه لحد ما نام باشرت بالعملية بذكر اسم الله نزعت الكمامه والكلافس وذبيتهم باوعت الساعه ب1 اخذت نفس عميق حمدالله نجحت

اجه علي شايل بيده بطل مي قدمه الي اخذته وشربت وهو يباوع عليه وترني رفعت حاجب بمعنى شكو انتبه النفسة تحمحم

علي:امشي ناكل ميت جووع

رُخام: ليش انتظرتني يا عيني

علي: نكدر نكول تعويده