آثام مستباحه

Part 2

ضااقت الانفس، تشتت بال، ضياع احلام، موت بطيء، خذلان من اقرب الناس

هوسة بداخلي مصدرها مجهول مثل حياتي
كُلما الم روحي ارجع اطشر وافقد جزء مني
مثل السبحة الي يحاول صاحبة يصلحها وترجع
تنگطع ويضيع خرز منهاا

شلت راسي من الگاع من حسيت دم نزل من خشمي مرة ثانية مسحتة بردن القميص وشلت روحي گوة متكسرة
گعدت مثل المخبلة اسأل بروحي

: شيوجعج يروحي شيوجعج گلبچ، روحچ، جسمچ، خذلانچ وصدمتچ بـ اعز ناسچ شيوجعچ يروح روحي شبيدي عليچ اني اجيت اسوي حركتي و اخلي شعري ورة اذني ضحكت بقوة ضحك هستيري وگفت گدام المراية ماكو شعر رجعت اضحك اقوى من اذكر شلون زينة وارجع اضرب بروحي بعشوائية انفتح الباب واجه علية يريد يهديني چتال روحي

: كافي يروحي كافي جاي توجعيني وتخليني اگتلچ فوگ هذا حالچ

كلام مُتناقض شي ممرتبط بشي مجنون رسمي باوعت علية وتفلت بكُل حيلي

مااحس الضرب مدري منين يجيني بس جسمي ميت عقلي مسلوب راح يسويني مثلة راح اصير مجنونة مثلة من حلات روحي الي بادت من الضرب حضنتة بس حتى يخف الوجع گعد يحضني ويعتذر

: ليش تسوين بيه هيچي تخليني افقد عليچ ليشش شسويلچ اني يروحة اني اسف اسف ضربتچ

گعدت يبوس بية تخبلت نترتة بكُل قوتي كُلشي اتحمل وامثلة الا قربة يقرفني

: هوايي صبرت عليچ وانطيتچ عين وعينچ مانكسرت  وية كُل هذا الگتل

: فتحت عيوني على وسعها من شفتة يتقرب ضليت اصرخ بكُل وقت اضرب بية يربيي خلصنيي مالي غيرك شفت سلاحة مخلي بخُصرة مدري منين اجتني القوة واخذتة ورميت كُلشي صار بلمح البصر مو اني الي سويتها مو اني والله سيدي مو انيي....

___________

احس المُستشفى هي وناسها وكادرها ومرضاها صارو براسي الحيرة گتلتني بين روحي الي انخذت وانسانيتي

ضليت اباوع لـ علي بعيوني ضايعة

علي: روحي اني اتكفل بالسالفة

رحت اركض بدون وعي بين السيارات وصوت الهورنات العالية اريد بس اوصل اخذت تكسي عفت سيارتي بالكراج من الضياع الـ ترسني خلاني ما افكر بشي غيره لا اموت،اموت بدونة اطبك ايد بـ ايد اريد بس اخفف من رجفتي انتبة علية ابو التكسي

: اختي بيج شي وجهج موات

: مبية مبية ضلت احچي بال ضايع بس اريده يسكُت هز ايده وسكت وصلني لاقذر مكان عشتة بحياتي

نزلت برجل ترجف اخاف اذكر وانهار اخاف اخسر اكثر من هاي الخسارات سميت بگلبي عدلت شكلي بالمراية مال السيارة كُلشي ولا يشوفون ضعفي يحبون الضعيف ويستلذون بـ اذلالة جريت نفسي بعمق اهدي بروحي خليت شعري ورة اذني بحركة سريعة اتصنع القوة بعدني مواصلة للحُراس وطلع