හිමි අහිමි | ᵍˡ

දෙවන කොටස.

අතීතාවර්ජන ✧ ඇල ✧ අකුරින් දැක්වේ.

____________________________________

✧

එකල මහේන්ද්‍ර උසස් පෙළ හැදෑරූ කාලය විය. ඔහු දින කිහිපයක පටන් කලා අංශයේ වූ එක් සුන්දර ගැහැණු ළමයෙකු පිළිබදව උනන්දුවක් දැක්වූයේය.

ආපන ශාලවට ගිය හේ තේ කෝප්පයක් හා මාළු බනිස් ගෙඩියක් මිලට ගෙන සුපුරුදු පරිදි ශාලවේ කොණක වූ කණුවකට හේත්තු වී තම ආහාරය ගන්නට විය. ටික වේලාවකට පසුව ආපන ශාලාවට පිවිසියේ බොටම් කලිසමක් සමඟ ටීශර්ටයකින් සැරසුනු මහේන්ද්‍රගේ සිත ගත් ගැහැණු ළමයාය. ඇය ක්‍රීඩාවක් ලෙස නෙට්බෝල්වල යෙදෙන බව මහේන්ද්‍ර පෙරේදා දැනගත්තේ තමාගෙ යහළුවාගෙ මාර්ගයෙනි. ඇයද ඇනවුම් කළ දේ ශාලවේ කොණක සිට රස බලනු මහේන්ද්‍ර බලා සිටියේ තේ කෝප්පය සෙමින් තොල ගාමිනි.

ආහාරය ගෙන අවසන් වූ තරුණිය පිටත් වන්නට යනු දුටු මහේන්ද්‍ර වීදුරු කෝප්පය බැම්ම උඩින් තබා ඇය පසුපස යන්නට කටයුතු කළේය.

කලිසමේ සාක්කු ද්විත්වයට අත දමා ගත් ඔහු තම සිත ගත් තරුණියට කෙසේ කතා කළ යුතු දැයි සිතම්න් ඇයගේ පසුපසින් ඇදුනේය.

මදක් දුර ආ මහේන්ද්‍ර ඇයට අඩියක් පමණ දුර තබා ඇයගේ අතින් ඇද්දේය.

"නිරාශා"
නිරාශා ඇස් විසල් කොටගෙන මහේන්ද්‍ර දෙසත් ඔහුගේ අත දෙසත් බැලීය.

" ඔහ් සොරි.. මන්-"හේ ඇයගේ අත අතහැර හිසකේ සකසන්නට විය.

" අම්.. ඇයි?"

මහේන්ද්‍ර කතාබහට දක්ශයෙකු විය. ඔහු නිරාශා සමඟ කතාබහෙන් සමීප විය. ඇයද ඉතා සුහදව ඔහු සමඟ කතාබස් කළාය.

"මං ඔයාට කැමතියි " අවසානයේ මහේන්ද්‍ර තම හැගීම් ප්‍රකාශය සිදුකළේය.

නිරාශා නිරුත්තර විය. ඇයට තම එකම මිතුරිය මතක් වන විට උගුරෙහි යමක් සිරවෙන්නාක් වැනි විය.

✧

~~~