الإقامة الجبرية الجزء الثالث

ح ٢٣

الإقامة الجبرية الجزء الثالث

الحلقة الثالثة و العشرون

في صباح اليوم التالي

صحيت ميريت بفرحة وجدت والدها الحبيب يجلس بجوارها فبتسمت بفرحة و رفعت رأسها علي صدره فضمها لحضنة بكل حنان

ميريت بابتسامة: صباح الورد بابي
الحاج مهدي بحنان: صباح العسل الأبيض يا قلبي
ميريت: هو كان في ايه امبارح في البيت
الحاج مهدي بحنان: ابدا يا روحي اخواتك كانو عملين ختمة قرآن
ميريت بزعل: كنت عرفني كان نفسي احضرها اوي
الحاج مهدي بحنان: معلش يا روحي حقك عليا بس فرحت لما خرجتي مع ريان بصراحة حنين اوي
ميريت بابتسامة: اوي اوي بابي و انا فرحانة اوي انه مستحملش يسمع صوت عياطي و رمي كل حاجة ورا ظهرة و جه ليا و بس
الحاج مهدي بحنان: انبسطي امبارح
ميريت بضحك: ههههههههههه اسكت يا مهودي انا جننتة امبارح
و بشهقة: يا لهوووووووي المفروض اجهز علشان مسافرة معاه القاهرة
الحاج مهدي بحنان: براحة يا قلبي يالا قومي خدي دش جامد كده و لبسي و نزلي اكيد قاعد مستني تحت
ميريت بابتسامة: اشطا

جريت ميريت بسرعة الي الحمام حتي تحصل على دش منعش

مر الوقت سريعا و كانت ميريت تقف أمام الدولاب حتي تختار ملابس لها تليق بها و بحبيبها فاختارت بدلة نسائية باللون الأحمر مع بدي باللون الابيض و طرحة باللون الابيض و طرحة باللون الأحمر و عملت مكياج هادي و اخذت جذمة باللون الابيض و شنطة باللون الابيض و رشت عطرها و خرجت تجري إلي الخارج

محمود بحنان: اوبااااااا مين القمر ديه
ميريت بابتسامة: حودة صباح العسل
محمود بحنان: صباح القشطة قطتي الصغيرة
ميريت: هو ريان تحت
محمود بحنان: لا يا روحي شكلة لسه مصحيش
ميريت بكسوف: هو هو يعني يعني
محمود بحنان: عوزة تدخلي تصحية صح
ميريت بفرحة: ينفع
محمود برفع حاجب: انزلي يا بت علي تحت
ميريت بدلع: و حياتي عندك حودة
محمود بتنهيدة: ماشي ادخلي
ميريت: لا انت هتدخل لو لقيتة نايم بهدومة يعني محترم هدخل غير كده لا
محمود بتنهيدة: حاضر يا قوية

دخل محمود إلي غرفة ريان و جده بالفعل ينام بملابسة و لا يشعر باي شي يحصل بجوارة فخرج

محمود بارف: ادخلي يا ختي نايم بهدومة من امبارح

اخرجت ميريت لسانها له و دخلت و أغلقت الباب خلفها

في غرفة ريان

كان ريان ينام بهدوء علي السرير و لم يشعر بتلك الجميلة التي تنظر له بعشق فهي تحبة بشدة

ميريت بابتسامة: ريان ريان اصحي ريان حبي رينو تنيني المجنح اصحي بقي

كان ريان ينام بعمق و هو يسمع صوت تلك العصفورة الصغيرة تنطق باسمه و لكن اعتقد انه يحلم