أملي

البارت 1

><><><><><><><><><><><><><><

للكاتبه: امنية ❤️

عائله متكونه من 3ولد و4بنات واب وام من سكان أربيل اكراد الاصل نتعرف على ابطال قصتنا

-الاب: احمد
-الام:رحمه
-الولد الجبير: هيمن
-الولد الثاني: سيف
-الولد الثالث:محمد
-البنت الجبيره: دلفين
-البنت الثانيه: زينب
-وبطلتنا والي المفروض اخر عنقود: ناز
-والضيفه الاخيره: نورا

سنة 1995
-رحمه: كعدت على وجه ببطني وضهري راح يتكسر الم فضيع يمكن راح اجيب اليوم كمت صليت الصبح وتعوذت من الشيطان وبديت اشتغل والدنيا مطر ورعد امشي واسند نفسي على حايط مت الم ضهري خبزت وصحت ل احمد يكوم ياكل ويروح لشغله ساعه 6:00الصبح احمد كوم تريك احمد صحه من نومه الثكيل وفات للحمام يغسل كعدت يم الصوبه وخليت ايدي على بطني وبديت ابجي من الوجع طلع احمد من الحمام واجه كعد يتريك على روح على شغله شغله باطراف الموصل شركة اسمند جديد فتحه هو وشريكه

-احمد:شبيج شنو كل شوي مسويتلي مناحه

-رحمه: ضهري احسه راح ينكسر يمكن راح اولد اليوم اخذلني يم القابله تشوف وضعي

-احمد: اليوم جاي ابو ارام يتعشه يمنا ماكو روحه ادزلج ذبيحه تسويها للعشه

-رحمه: يارجال اكلك راح اولد تكلي عزيمه

-احمد: بصراخ شنو انتي مو مره ماتكدرين تسوين عشه

- رحمه: خلاص خلاص الاطفال نايمين لايكعون اسوي اسوي والله

-احمد: شنو هل عيشه الزباله اني طالع

- رحمه :اكعد يارجال كمل اكلك

-احمد: اكلي انتي انسدت نفسي

-رحمه: كمت شلت الريوك محد اكل منه واني كوه امشي للا 9:00 الصبح اجه ابن حماي جايب ذبيحه وخضروات اخذته وبديت اشتغل واني اتوجع وجهالي ال5 يلعبون بالحوش بيتي جبير تقريبأ 400 متر وطابقين يعني الي يشوفه من برا يحسد اهله والي يزوره يتمنى يعيش بيه والي عايشين بيه يتمنون يطلعون منه للاضهر كليت بتيته وكعدنا ناكل اني والاطفال
ورجعت نومتهم حتى اعرف اطبخ ومايشغلون
للا ساعه 4:00 ونص كملت كلشي النغرب ياذن ب 5:23 بقيت منتظره احمد يرجع ويجيب خطاره وياه ماكو مارجع صارت الساعه 9:00وكلت الجهال ونامو واني زاد وجعي كمت على كيفي جبت ملابس الطفل لو الطفله مااعرف شنو ببطني
وحميت الماي كلت على اقل اجيب وحدي وبداخي اتمنى ماتنولد وتموت ولاتعيش بهل حياة
ساعه 11:30 بليل رجع احمد

-احمد: شنو شبيج

-رحمه:راح اولد متت ماكدر اتحمل ضهري انكسر فدوة جيبلي القابله

-احمد: طالعه من 6 الصبح وميت تعب بلشغل وتريدين ارجع اطلع والله مااطلع لو متي كدامي هسه

-رحمه: كلت حسبي احسبي الله ونعم الوكيل واني اصرخ من الوجع

-احمد: انجبي صوتج راح اجيب بيبيتي

-رحمه: اييي عفيه بسرعه طلع احمد وراح جاب بيبيته عمرها فوك الخميسن بس تعرف تولد هي صارت تساعدني وتبجي على وجعي وحالي طبعا بيت جدها الوحيدين من الكرايب الي هنا يمنا باقي اقرابهم كلهم بغير منطقه

-ايمان: يلااااااااااا ادفعي راح تجيبين يلااااا

-رحمه: حسيت بثقل راح من جسمي صارت بيبي تبجي وتكول يمه شنو هلجمال انخلقت بنيه مثل الكمرررر عيونه جوزيه ويلمعون ومسحوبه وجها عبالك مرسوم رسم والحنج والشعر الطويل اني اطفال كلهن جان عدهم شعر من ولدو يعني مو كرعان بس هاي غيير شعرها لحد ركبتها واسود من سواد اليل

-ايمان: اللهم مصلى على محمد وعلى اهل محمد شوفي شلون بنيه لفتها قماش وكعدت خلتها على رجلي ولبستها ملابسها وجابت داخلي بحضن امها دفعتها كالت مامتحملتها شكد ردت توكع وماتضل ببطني بسسسس ماراحت رحت اغسل الملابس الي توصخت وسويته ماي وشكر للطفله واني افكر شكد حظها قليل

-رحمه: كعدت الصبح شفت اختي وامي هنا بكد مافرحت بكدها خفت لا يطردهم احمد من البيت لان يكرهم وبدون سبب

-خديجه: يمه تتربه بعزج ودلالج جنها ملاك مو بنيه

-سالي: يمه جيبي اشوفها شلتها ومتت على شعرها اسوددد حسيتها بنتي وطالعه من بطني اني

-رحمه: يمه منو جابكم

-خديجه: جيت ويا ابوج وصلني وراح

-رحمه: اي هلا بيكم حبيبتي

-خديجه: يمه جبتلج خبز وكم طبخه طبختها على سريع على ماتكومين لعد ماتخلص السبع مالتج

-رحمه:ليش تعبتي نفسج امي حبيبتي

-سالي:يمه خلي اخذ هلطفله مدام رحمه ماتريدها

-رحمه: اخذيها مااريدها

-خديجه: شنو شبيج بنتي هاي بنتج شلون تفرطين بيها

-رحمه: يوم شنو نسيت شكد حاولت اخلص منها وماكدرت مااريد جهال تعبت تعبت

-خديجه: حسبي الله ونعم الوكيل

-سالي: رحومه شنو راح تسميهنا؟

صاح هيمن اني اسميها اتي اسميها جان عمره 8سنوات يعني يفتهم ضحكنا وكلنا شنو تسميها كال ناز