أملي

البارت 8

ارام: جنت بالمعمل اليوم سيف كالي راح يبنون بيت يم بيتنا يعني بيناتنا بس بيت واحد حسيت بفرحه ماتنوصف حبيبة كلبي راح تسكن يمنا

-ناز: فتحت عيوني ثاني يوم هم نفس الروتين كل يوم انضف البيت اكمل شغلي اكعد اقراء هويه اتسله بدو يبنون بيتنا انتظره بفارغ الصبر يكمل حتى اقضي وقتي كله ويا فاطمه وسلوى

-هيمن: نازووو تعالي نروح اشوفج بيتنا

-ناز: اجي والله بس ماما ماتخليني

-هيمن: روحي بدلي هسه اقنعها

-ناز: انشاء الله تقبل رحت بدلت نزلت جوه كعدت بالحديقه

-هيمن :ها ياحلوه ليش ماركبتي

-ناز: قبلت لو لا

-هيمن :اكيد قبلت

-ناز: احبك اني

-هيمن: هههههه روحي مصلحجيه

-ناز: لاتظلمني ضحك طلعنا اشترلي ذره اموت علي وصلنا لمنطقتنا الجديده حلوووه كلش هيجي منطقه هاديه نظيفه تجنن وصلنا اول مانزلت طلع ارام من بيتهم اكو بيت بين بيتنا وبيت ارام عارضه للبيع بابا يريد ياخذه علمود يزوج هيمن بي

-ارام: ابو احمد ليش،جايب الجهال وياك

-ناز: باوعت  ليمين واليسار مجان اكو احد هذا اكيد يقصدني هيمن كله لهذا السخيف لايحجي ويايه

-ارام: منو كلج اني احاجي الجهال

-هيمن: دكافي كل ماتجتمعون لازم تتعاركون كافي كبرتو

-ارام: كول لاختك
تعالو فوتو تعالو

-ناز :وينهم فاطمه وسلوى

-هيمن:تعالي ناز خلي اشوفج البيت بالاول رحنا ثلاثتنا شفنا البيت

ناز اسلوبها كلش حلو عفويه بنفس،الوقت تحسها فهمانه وذكيه صارت تدور بلبيت وتحجي هل زاويه راح اخلي بيه فلان شغله هاي الغرفه لفلان تمشي وتقسم البيت ههههه

-ناز :طرت بالبيت حرفيأ احلا بيت شفتها اول ماتفتح باب بي ممر لدرايج البيت شويه عالي من الصفحتين لممر تصير حديقتين كبار كلش الببت 600م تخلص الممر اكو ثلاث درجات صدته صار كدامي باب المدخل فتنا بيت انقسم لبابين باب يروح للديوان جبير كلش الباب الثاني جان الهول وبيه مطبخ مفتوح ومطبخ حراري  تحس نفسك ببيت تركي فعلا المهندس تركي اكو 3غرف باخر البيت بنص الهول اكو درج لطابق الثاني
الطابق الثاني كله غرف مابيه هول ومطابخ اختاريت الغرفه الي بيها بلكونه اطلالت الشباك على منطقه كله لان هيمن كله الغرفه الجوه وحده لنورا وحده لبابا وماما والثالثه سيف يكول اله
فرينا البيت كله طلعنا

-ارام: يوم اجه هيمن وجايب ويا الجهال

-ناز: خاله دكول لابنج دفعت رحت بوسة خاله عائشه خاله وينهم البنات