أملي

البارت 5

><><><><><><><><><<><><><><

للكاتبه: امنيه ❤️

الكل ضحك

اخذتنا خاله عائشه وفاطمه طبعا سلوى جانت نايمه

-هيمن: رجعت علبيت واني متكسر فتحت الباب ودخلت لغرفتي طلعت ملابسي رحت اسبح واني بالحمام سمعت صوت من غرفتي سديت الماي ولبست ملابسي وطلعت

-احمد: وينها اختك شووو وحدك

-هيمن: عمو احمد اخذه يمه الدكتور منع عنها اي ضغوطات لان راح تتعرض لاعراض خطيره

-احمد: راجل كد الحايط دازك تخيط راسها وترجعها ماخليت احد ماكايلها شنو ماتخاف على سمعتك سمعتي سمعت شغلي

-ارام: جان خفت على سمعتك من حرمتها من مستقبلها جان خفت على سمعتك من ضربتها وكدامك دمها بطوله ماتقربت منها

-احمد: انجب شنو تحاسبني

-هيمن: لااستغرالله بس داذكرك

-احمد: هسه تروح ترجعها هسسسسه

-هيمن: والله مااخليها ترجع لهل بيت اله لما اتاكد طابت بعدين خاف على سمعتك اذا ماتت تصير بلطين سكت وطلع من الغرفه رحت تمددت بفراشي ونمت

-ناز: يمه ليش جبتي اكل مااكل اني نفسي مسدوده

-عائشه: شنو تريديني تزعليني منج

-ناز: اريد انام والله راسي راح ينفجر احس اكو هوسه براسي

-فاطمه: اشووو عوفوني اروح اصيح ارام يجي يوكلها غصب

-ناز: خاااااااله شوفي بنتج شلون تهددني

-عائشه: ادبسزز فاطمه هيجي اني ربيتج امسكي الصينيه اني اروح اصيله لارام

-ناز: على فكره اني مااكل بيض سلك اريد بيض عيون وجاي بارد

-عائشه :فاطمه روحي سوي لاختج وتعالي وكليها اني اروح اكعد سلوى تروح لدوامها وانتي ياناز اذا مااكلتي اكلج واخذتي ادويتج اكول لاخوج ارام يعقلج

-فاطمه: ناس ماتجي اله بالعين الحمره

-ناز: طلعت خاله عائشه جان اكو دب يم على جربايه شلتها وشمرتها على فاطمه بس كفيلي خلي اطيب واني اعرف شسوي بيج طلعتي وهي ميته ضحك

-ارام: رجعت للبيت وجيبت ناز وياي ارتاحيت ورخت اعصابي شويه لان اطمن عليها هاي كبرت كدامي ويايه مااكدر اعوفهم يزعلونها مااعرف شلون يجي من كلبهم يزعلونه
دائما اشوف بعيونها خوف من كلشي وبرغم من هلشي لسانه ماكو اطول منه وتعاندد يااخي تموت على عناد شكد اتعصب من تعاندني تالي بكلمه وحده تطير ام عصبيتي
غمضت عيوني وتمنيت مايسوي مشاكل ابوها وتضل يمنا

كل تفكيري شنو اسوي واخليها تكمل دراستها وتحقق حلمها رحت حجيت لابوي رفض يحاجيه ويقنعه بس عاندت وابوي يحبني فا سواها لخاطر وياريت لو ماحجه راح ضربه هل عديم الضمير

-رحمه: ها وينها البنيه

-احمد: يم صلاح

-رحمه: احسن بيه حيل اداري دلعها اني ولج زينببب تعالي اخذي اختج غيرلها اجت زينب اخذت نورا اخر العنقود هاي غير عن جهالي روحي بيها درت وجهي على ابو هيمن بارحه اجو بيت ابو وليد طلبو زينب اني رفضت بعدها عمرها 15 بعدين كلت كل ما زاح همهم اسرع ارتاحيت اكثر

-احمد: خوش ناس اذا رجعو مره ثانيه كولي انطيناكم
اني رايح لشغلي اودعناكم

-رحمه: الله وياك
زينب كعدي اخوانج خلي يرحون لشغلهم وسويلهم ريوك اني راح افوت انام

-ناز: جابت فاطمه الريوك وكعدنا ناكل اني وياها جابتلي ادويتي اخذتهن هي راحت لمدرستها واني نمت حسيت على ايد تلعب بشعري فتحت عيوني شفتها خاله ام ارام جابتلي غده يعني نمت 4ساعات بدون ماانتبه اني نومي متقاطع بشكل فضيع كل نص ساعه افز تغددينا  والبنات جانو راجعين من الدوام

-عائشه :بنات يلا اخذو ناز وروحو لغرفتكم لاتعبونها نامو ارتاحو حتى تكعدون العصر تدرسون

-فاطمه: يلا كومو بنات

-سلوى: الي بيكم تكول انام اموتها نكعد نلعب

-ناز: ادعي اوصل للغرفه واني صاحيه شو هل مسكنات مخليتني سكرانه

-فاطمه:  ياحبيبتي الف الحمدالله على كل حال

-ناز: رحنا للغرفه تمددت بفراش فاطمه واباوعلهم شلون لطيفين يسلفون سوا ويحبون بعض عائلتهم تجنن دائما جنت اتمنى اخون من هل عائله شويه وغفيت صحيت العصر على صوت رجال يم راسي من الوجع الي براسي ماميزت الصوت فركت عيوني وشفت ابوي وعمو صلاح وخاله عائشه وارام واكف بالباي ومجتف ايدي مبين علي العصبيه

-احمد: يلا كومي خلي نرجع عالبيت

-ناز: مااريد خليني هنا

-احمد: التفت على صلاح مو كتلك شكلت اني هي تكفرني تخليني اعصب

-صلاح: كول يالله بعدها طفله اكيد راح تعاند

-احمد: لعد خلي تتحنله الي يجيها من ورا العناد

-عائشه: اخويه على كيفك وياها بعدها طفله

ناز مسكني ابوي من جتفي بقوه ديعليني حتى اكوم مسك ايده ارام كال

-ارام: عوفها عمي اني ارجعها الكم اليوم

-ناز :عاف ايدي ابوي باوعت ل ارام وعيوني مدمعه صدك راح يرجعني لو كال هيجي حتى يسكته ويخلي يعوفني طلعو كلهم وارام بقه اخر شي سد الباب وراهم سحب الكرسي من ميز القراء مال فاطمه وخله مقابيلي

-ارام: نازتي

-ناز: انت مو كتلي مراح ارجعج بعد ليش هيجي كلكم تخدعوني وتجذبون عليه

-ارام: لكيت حل انسب ارجعج واجي اضل يمكم لما تطرديني انتي

-ناز: والله جذاب

-ارام انجبي انطيتج مجال هويه يلا كدامي

-ناز: كمت وعيوني يجرن