خفايا العالم الاخر

البداية

ازيك يا صحبي اتمني انك تكون بخير متقلقش
مش هطول عليك انا جي ادردش معاك بس شويا
بس قوم حضر قهوتك عشان احتمال الوقت
يسرقنا واحنا بتكلم مع بعض.

اه اسف يا صحبي نسيت اعرفك بنفسي انا رامي محمد الفقي طالب في السنه الرابعة كلية هندسه عمري21سنه مش كبير اوي يعني بس الي شوفتو وعرفته كفيل يخلي الشب يشيب اسف لو برغي كتير بس مش هطول عليك و هدخل في علي طول.

الموضوع كلو بدء من لما كنت طفل
عندي11سنه
هو بصراحه كان يوم عادي زي باقي الايام كنا
بنجهز نفسنا انا واختي يمنا عشان نروح
مدرستنا مع العلم اختي اصغر مني بتلت سنين
بس الغريب اننا مشوفناش ماما دخله علينا
بقرطاس الطعمية كعادتها ولما سألنا ابويا الحج محمد قالنا ان ماما تعبانة شويه مركزناش في
الموضوع بصراحه قولنا اكيد دور برد عادي
بس جينا ندخل الاوضه بتاعت امي نطمئن عليها ابويا رفض قال لما تيجو من مدرستكم قولنالو ماشي بس يشاء القدر اننا نرجع في اليوم ده بدري بس كان في حاجه غريبه بجد احنا لقينا باب البيت مفتوح ولما دخلنا لقينا ابويا مكتف امي وحد بيقرء عليها قران بس صوتها كان يخوف اوي ولما ابويا لاحظنا قال ليمنا تدخل الاوضة بتاعتها وانا قالي تعالي عاوزك ولما رحتلو قالي بص يا رامي انت مبقتش صغير
ولازم تفهم الي بيحصل مع ماما انت هتفضل لحد لما الجلسة تخلص قولتلو حاضر وفضلت لحد الاخر وانا مش فاهم حاجه ولما بصتلو قالي بص يا رامي ماما كانت ملبوسه بجن عاشق قولتلو انا مش فاهم حاجه قالي مش مشكله مع  الوقت هتفهم وبعدين قالي انت هتبقا مع الشيخ مختار هو هيعلمك ويعرفك كل حاجه قولتلو حاضر كنت طفل مش فاهم حاجه لسه بس كان عندي فضول كفيل يوديني في دهيا
وفعال فضلت مع الشيخ مختار لحد لما بقيت شب عندو18سنه بالمعني الاصح تقدر تقول تربيه شيخ بس طول الفترة دي كنت بدور وببحث عن الي انا بتعلمه ده
يتبع...