الضالم والبريئه

الضالم والبريئه بارت 35

بس انتَ العزلتك بين هاي الناس
ورممتك وانا بيوت أهلي مهجومه

الكاتبه: شهد علي

ريان: اشوف خالتي جوريه كاعده يم ريناد رحت سلمت عليه وبوسته
جوريه:  ليش هيج يمه ريونه متخابرني وتكليلي ع الصار وياج
ريان: اعذريني والله المشاكل والمصايب مخلتني افكر بشي
جوريه: انشاء الله  ينحل كلشي انه اجيت اخذجن وياي للبصره

ريان: اعذريني مااكدر اروح واعوف محمد بلسجن هنا
لازم اشوفله محامي يخلصه من هلقضيه الي وكع بيه
جوريه: شهاب شاطر بلقضايه وهوه محامي جبير بلبصره احجي وياه يجوز يلكه الج حل القضية اخوج
ريان: والله راح من بالي شهاب انطينا رقمه خلي اتصل عليه
جوريه: باجر احجي وياه من نروح للبصره

ريان: بس خاله بعدني ممكمله كلامي قاطعتني

جوريه: شوفي ريان تره ازعل منج ولا تكولين مكالت انه اجيت من البصره لهنا ع مودج  تالي اترديني  

ريان: جيتج ع راسي والله وانتي عزيزه عليه بس مااكدر والله
جوريه: يعني رايده زعلي خوش اني رايحه وبعد مشوفيني ولا تكولين  خالتي جوريه بعد
ريان: كلشي ولازعلين مني هاهيه اروح وياج
جوريه: اي هاي بنيتي الي اعرفه ام عقل الجبير

ريان: مكدرت ارفض اروح وياه لان خالتي الي سوته اليه مو قليل كعدت ريناد وبوسته وتحمد اله ع سلامته وخطيه جايبتلنه عشه وياه تعشينه  وبقت يمنه ساعتين وراحت لان ميقبلون  غير مرافق واحد للمريض كالت الصبح اجي عليجن  الثاني يوم الصبح  اجتي الدكتوره جيكت وضع ريناد كالت الحمد لله  وضعه احسن تكدرون اطلعون  بدلت الريناد ملابسه خطيه متكدر من متنه واني هم لملمت الغراض مالتنه وخابرتنه خالتي جوريه كالت اجينه احنه بلباب  صحت للعامله اساعدنه بلغراض مالتنه واني سندت ريناد عليه وطلعت اتلكانه شاب  كال خويه الحجيه بلسياره تنتضرجن بقيت صافنه بعيونه عيونه صفر يخبلن ولولد وحنطي  ضخم كتله اي خويه  جاين رحنه وياه شفنه خالتي كاعده بلسياره سلمنه وصعدنه وياه كتله خاله بس انمر ع البيت ناخذ كم شغله النه نحتاجهن كالت ميخالف يلا يمه ماهر امشينه فعلا اخذونه للبيت نزلت خالتي ويانه ام علي منضفه البيت من الكزاز خطيه لان من رمو علينه كزاز المطبخ  نصه اتفلش شفتهم مسوين جام جديد رحت لملمت كم حاجه النه واخذت فلوس من قاصة محمد خليتهم بلجنطه  موبايل ريناد هم خليته اله بلجنطه قفلت البيبان وطلعنه صعدنه بلسياره وانطلقنه للبصره  اني تعبانه والطريق الطويل يخليني انعس  خطيه ريناد خلة راسه ع جتفي ونامت واني هم نمت فزيت ع صوت خالتي تكول وصلنه بنياتي من فزيت شفت الولد صافن عليه استحيت كلش منه نزلنه ونزل النه الغراض وكال

ماهر: محتاجه شي عمه بعد
جوريه: يايمه سلامتك مرايده شي يلا فوت ويانه
ماهر:  غير مره انشاء آلَلَهّ  عندي شغل هم يالله اخلصه بلبصره وارجع
جوري:  يايمه فوت تغده ورتاح من الطريق وارجع عودن
ماهر: بعد گلبي والله مااشتهي وعندي شغل ضروري اخلصه يلا ثيملا
جوريه:  الله وياك تحرصك الزهره يمه