الضالم والبريئه

الضالم والبريئه بارت 43

جاي أشتاگلك بسگوت چا ليش الوجع بين

الكاتبه: شهد علي

محمد: خابرني النقيب شهم وكال باجر معزومين يمنه ع الغده
ريان: وشكتله انته
محمد: وافقت طبعا
ريان: ليش وافقت جان تعذرت منه

محمد:  ريان فضلهم هواي صار عليه الي سوه الجن مو قليل والله اني خجلان منهم ومااعرف شلون اجازيهم ع وگفتهم ويانه

ريان: بقيت ساكته مكدرت احجي شي والح بلموضوع اعرف شهم ليش هيج يسوي  كملنه العشه كمت لملمت المواعين وغسلتهن وسويت جاي ورحت يمهم كعدنه انسوالف ع موضوع الدراسه والشغل

محمد: راح انام اني نعست تصبحن ع خير،
ريناد وريان:  وانته بخير
ريان: احنه هم كمنه انام 

ريناد: بقيت انتضر يراسل ماكو مراسل يعني سواه صدك اشوفه متصل بلواتساب بس، ميراسلني بقيت  كل شويه افتح الواتساب، علمود اشوفه مراسل لو لا لحد ممليت ونمت

ريان: ثاني الصبح كعدنه تريگنه وبدلنه واجه شهم خابر محمد وگله اني بلباب اذا مكملين اطلعو وفعلا طلعنه شفته لابس زي العسكري مالته وفاتح باب السياره ومخلي رجل بلگاع ورجل بلسياره ويدخن من شافنه شمر الجكاره سلمنه وصعدنه اني مسلمت عليه غلست عنه انطلقنه للبصره طول الطريق يسولف وي محمد وعينه عليه يباوع عليه بلمرايه مالت السياره واني دايره وجهي ع جامه كل مااصد عيني عليه الكاه يباوعلي  وصلنه ب11الضهر نزلنه من السياره ومحمد بقه صافن ع بيتهم هههه حقه مثلنه اول مااجينه هم اصدمنه من منضر البيت دخل محمد بلاستقبال واحنه رحنه للمطبخ انسلم عليهم اول ماطبينه سحر بلمطبخ اسوي غده سلمنه عليه ورحنه الخالتي هم سلمنه عليه

ريناد:  وصلنه البيتهم وگلبي يدگ صار طبل اول مره هيج يصير وياي متوتره عبالك اول مره اشوفه مااعرف شنو الجاي يصير وياي سلمنه عليهم واني عيوني ادور عليه ماموجود   مااعرف وين بعدين اجتي شهد كعدت يمي وكالت البالك ماموجود اليوم بلشغل كتله منو بالي

شهد: علينه يمعوده  شاهين بشغل مو هنا ادري عيونج ادوره
ريناد: انجبي عزيزتي  منين اجيبين هلكلام ومنو گلج ادور ع اخوج
شهد: اني اكول روحييي
ريناد: لعد انجبي ولا تكولين حب قلبي
شهد: اوك حنجب  هذا اخوج والله صاك يطك بلكاع
ريناد: ولج وين شفتي اخويه
شهد: شفته من شباگ الغرفه من اجيتو
ريناد: وانتي زحفتي على اخويه مووو
شهد:  انجبي لج مازحفة بس انتطيت رائي بي مو زين اكول اخوج صاك
ريناد: اي عفيه اي زين اسوين ههههه
شهد:  عابتلج اي والله ولي عني خلي اكوم اجهز الزلاطه

ريناد: تردين مساعده يول
شهد:  اي تعالي سوي البن وياي
ريناد:  تمام جايه

ريان: ساعدت سحر بلطبخ وخطيه هيه مقبلت بس اني اصريت عليه وخالتي جوريه راحت يم محمد وشهم