لا تسألوني من انا ..

البارت الرابع ...

الكل : اي تفضل

الجد : بوويه ريحانه نريد نخطبج الأحمد ابن عمتج طيبه..

مرحبا.. إني احمد اصير ابن عمه ريحانه مواصفاتي عيوني لونهم عسلي طولي 165طبعا ريحانه ابوها خابر جدي وكله تعال اخذ ريحانه يمكم واخطبهة لأحمد لان من جنه صغار دائما يكولون احمد لريحان اني كلش فرحت انو ريحانه راح تجي يمنه واتعرف عليها أكثر....
وجان قرار جدي مجان يعرف بيه اي شخص

ريحانه : هاي شديصير احمد الي اتذكره جنه اني وياه مثل الاخوان اوكي انو دائما يكولون من جنه صغار واحد للثاني بس اشوفه مثل اخوي...

جدووو هاي شديصير من كال خذيتوا رأيي اني اول يوم الي هنا تجي تخطبني الأحمد الي مثل اخويي؟؟؟؟

احمد : ريحانه شنو هل كلامم....!

العمه طيبه : يمه ريحانه انتي مثل حسبه بناتي واحمد بعدج متعرفيه انطي فرصه النفسج والاحمد يعرفج عن نفسه

عبدالله : عمه شجاي تحجين جاي تكلج بحسبه اخوي...

ام عبدالله : عبدالله انت لا تدخل همه وجدك..

الجد : اي بويه انطي فرصه لأحمد يعرفج عن نفسه وانتي اتخذي القرار محد راح يجبرج

ريحانه : ابويه ؟؟

الجد : بويه اني حاجيت والدج وما عنده مانع

ريحانه : باوعت لعبدالله وجان مبين ضايج وعاقد حواجبه.. معقوله معجب بيه.. ومنين طلعتلي سالفه احمد..

تمام جدوو افكر....

الجد : براحتج بووويه

ريحانه : طلعت من الديوان وجان يلحكني عبدالله

عبدالله : راححح توافقين؟

ريحانه: ما اعرف بعدني ما متعرفه عليه

عبدلله : هااا يعني عجبج وتريدين تتعرفين حلووو

ريحانه : عفوا.!

عبدالله : لا هيج

احمد : ريحانه بلا تعاي ب الحديقه عندي موضوع وياج

ريحانه تمام...
اباوع على عبدالله عيونه صارت بكصته هههههه

ريحانه : تفضل احمد

احمد : ريحانه اني معجب بيج وجدا وانطيني فرصه اعرفج عن نفسي واذا تريدين اليوم نطلع

ريحانه : احمد انت جاي تحجي وكأنو تعرفني وعايش وياي احمد اني اشوفك مثل اخوي واني مجاي اجرحك او من هاي السوالف لا ب العكس اصارحك علمود ما اخليك تتعلق بيه

احمد : ريحانه اني لو ما احبج حب صادق ما اجيت ورحت كلت الجدي  مو اجي اقشمر عليج واني عندي نيه زواج

ريحانه : احمد انت نسيت اني عمري 17 سنه اني بعمر اختك زهراء انت شجاي تحجي بس اني وافقت علمود ما افشل جدي كدام الكل والكل كاعد

احمد : كلت انطيني فرصه ( بعصبيه)

ريحانه : الله كريم..زهراء : ريحانه جده تصيحج

ريحانه : تمام حبيبتي جايه

هلاووو اني زهراءء.. اخت أحمد طبعا احنه بس ثلاث أفراد ب العائله احمد واني وكوثر عمرها 11 سنه.. إني عمري 18 سنه اكبر من ريحانه بسنه ما افكر ب الزواج بس اني معجبه ب عبدالله وهواي همين مواصفاتي.... عيوني خضر شعري نوعا ما اشقر.. وطويل طولي 156.. 😂

ريحانه : هااا جده كالوا تريديني

جده : تعاي يمه كعدي يمي

ريحانه : كولي جده

جده : ريحانه يمه انتي تعرفين احمد يحبج وهو خوش ولد ويمه انطيه فرصه وفكري كلش زين لان يمه هاذا زواج يعني مو ثوب وتنزعيه حبيبه جدتج فكري ومحد راحح يجبرج

ريحانه : جده بس اني ما ممفكره ب الزواج وتعرفيني اني عمري 17 مو مال مسؤليه..

جده : يمه چا انا تزوجت وعمري 13 سنه بجدج
وتعاي شوفينه محد يكدر بدون الثاني

ريحانه : الله يديمكم جده .. جده اريد اصعد فوكك شوي ارتاح تعرفين كل هاذا الي صار

جده : حبيبتي أخذي راحتج

ريحانه : صعدت فوك وجان اسمع ب الممر احمد يحجي وي شخص

احمد : اني كم مره كلتلج الي بينه انتهى جاي تفهمين اني شجاي احجي اشششش لا تبررين بعد لا تتصلين ..

ريحانه : وجان يسده اني كبل رحت ركضت للغرفه علمود ميشوفني .. دخلت للغرفه وجان اشوف ..

وجانن يخلص البارت الرابعع .... شنووو شافت معقوله دخلت غرفه احمد ... كل هاذا راحح نعرفه ب البارت الخامس ....