متاهات القصر

البارت الثاني

" البارت الثاني "

.
سبحان الله وبحمده سبحان الله العظيم
.

القصر الملعون..؟

.

توليب ببتسامه:تواجدك هنا لسبب وسبب كبير..

كانت تناظر توليب وحاطه ايدها تحت فكها تتأمل كل كلمة تقولها توليب ..انتهت توليب من كلامها لكن مرت لحظة سكوت بينهم وهي منتبهه لنظرات شيث كيف تتأملها..
رفعت حاجب مستنكره تصرف شيث اللي توسعت ابتسامتها تدريجياً من شكل توليب المستنكره تصرفاتها الغريبه..

توليب:انا انتظر الاجابه..

شيث عدلت جلستها:مو فاهمه ايش تقصدين من كلامك لكن..اللي اعرفه اني مقدر اساعدك..

توليب بخبث:قلتي لي ساكنه هنا..

قالت توليب كلماتها اللي صدمت شيث وخلتها تضحك بصوت عالي..سمع ضحكتها اللي خلته يبتسم بخبث..كان الكرسي يترحك للامام والخلف..بسبب حركته..مستمتع بسماع حديثهم..

كانت توليب تحس بشئ بقلبها..تحس بثقل..بين فتره وفتره تحس بهذا الشعور الخانق من بعد دخولها هذا القصر...