True love 3

البارت الحادي عشر 💜

اخذ يتقدم خطوة بخطوة وفي كل خطوة كان قلب أميرة يكاد ان يتوقف وضعت يديها على عينيها وهي تتوسل الي الله أن يبعد عينيه عنها تقدم هشام خطوتين تقريبا ثم نظر أسفل الدرج (السلم) فإذا به يرى قطة صغيرة تخرج من تحت السلم
بدر بتسأل : اي لقيتها ولا اي؟
هشام : لا دي قطة صغيره
بعد مغادرة هشام وبدر اخذت تتنهد بشدة كانت أنفاسها تخرج بصعوبه ظلت جالسة مكانها تواسي نفسها  حتى حل الليل وبدأت تهداأ ثم خرجت من المبنى بسرعه خوفاً من أن يعودا مرة أخرى اما انس فقد كان يقضي الليل يمرح مع أصدقائه في إحدى المقاهي المشهوره ف المنطقه حتى شعر بالملل وقرر ان يعود إلى المنزل وفي الطريق وأثناء عودته شعر بأنه شاهد فتاة تحاول الهرب من شيئ ما أسرع الي المكان ليتأكد من شعوره وكانت تلك الفتاه هي أميرة التي تحاول الهروب من ذالك الذي يلحقها لم يكن سوي شخص منحرف يحاول الإمساك بها استطاعت الهرب منه واختبأت خلف إحدى الجدران في مكان مظلم اخذ الرجل ينظر هنا وهناك ولكن  لم يراها وذهب من جانبها مسرعاً بحثاً عنها نظرت أميرة الي السماء المليئه بالنجوم اللامعه وهي تتنهد وتردد ليه ليه بيحصل معايه كدا؟ نزلت الدموع من عينيها تبكي على الوضع الذي وقعت فيه لم تجد لنفسها راحة منذ ذالك اليوم وبينما هي شاردة في تفكيرها جاء شخص من خلفها
قائلاً وهو يبتسم : أخيراً اتقابلنا تاني
كاد قلب أميرة ان يتوقف من الخوف وعندما التفت الي الصوت ورأته اخذت تبكي كالطفل الصغير
انس : اي في اي مالك بتعيطي لي احكيلي؟
نظرت اليه أميرة نظرت عتاب وحاولت تهدئة نفسها وتمالكت دموعها ثم قالت له وهي تغادر
"مشش عايزةةة حاجةة منكك)"
قالت كلمتها وهي تغادر حاول انس ان يوقفها ولكنه لم يستطع
انس : استنى مينفعش تمشي لوحدك فالليل دا وبعدين مشيتي من المستشفى ليه؟
أميرة : انت ملكش دعوة سيبني فحالي
انس : طب انتي زعلانه مني لي انا عملت اي؟
أميرة : معملتش حاجه سيبني فحالي
انس : طيب ماشي مدام انتي عايزة كدا انتي حره
أميرة : احسن بردو
بعد شوية
أميرة بغضب : انتتتت لسه ماشي ورايا ليه؟
انس : مينفعش اسيبك هوصلك لحد البيت الاول
أميرة : مش عيزاك توصلني ولا عايزة شفقة منك يلا روح من وشي
انس ببرود: براحتك انا مش رايح اي مكان غير بعد ما اوصلك البيت
أميرة : انت معندكش دم؟؟ حقيقي يعني متحس على دمك وتسيبني ف حالي اي البرود دا ولا هو عند وخلاص
انس : بصي انا ساكت وصابر اهو بطلي رط وامشي خليني اوصلك للبيت عشان تعبان وعايز اروح انام
أميرة : بس انا معنديش بيت انا ماشيه كدا وخلاص مفيش مكان اروحله يلا بقا شوف نفسك هتروح فين؟
انس : انتي بتقولي اي؟! ازاي يعني معندكيش بيت؟اومال رايحة فين
أميرة : معقوله يعني المنظر دا يكون منظر حد عايش حياه طبيعيه زي باقي الناس هه
انس : مش فاهم قصدك اي؟
نظرت أميرة الي الأعلى للسماء تحديداً وعيناها تمتلاأ بالدموع وقالت مقصدش حاجه " متشغلش بالك
/////
كان يغط في نوم عميق في غرفته وكان هاتفه يرن لمرات عديدة ولكنه لم يستيقظ فقد كان متعباً للغايه وهناك شخص آخر انزعج من صوت الهاتف وكان يتجه الي الغرفه بتأفف
رنا : الواد دا تصرفاته غريبة اليومين دول لا بينام ولا بيطلع من البيت وحتى الفون مش هيرد عليه
فتحت باب الغرفه بغضب وهي تقول ااااانت ياااا ززز
لم تكمل جملتها ثم تابعت نااايم؟!
الموبايل رن جابني من آخر الدنيا وحضرته نايم مصحيش هو نايم ف مية دا ولا ايه؟
الام : رنا فيه اي عندك تعاليلي بسرعه
رنا : حاضر يا ماما جيه
لم تتحرك من مكانها حتى شعرت بأن شيئا ما يطرق شباك الغرفه فتحت الشباك لترى زياد يقف بالأسفل
رنا : زياد
زياد : محمد فين
رنا : نايم مجيتيش من الباب لي؟
زياد : عمال ارن عليه مش بيرد
رنا : مهو نايم وراكوا حاجة ولا ايه؟
زياد : اه اتفقنا هنتقابل الليله؟
رنا : طيب تمام استنى اصحيه
زياد : اشطا انا واقف اهو
اخذت تناديه وهي تحاول ايقاظه ولكن بلا فائده
رنا : ما تقوم يبني اي النوم دا قوم زياد مستنيك تحت
محمد بنعس : اي؟ يلهوي دا انا نسيييت قام بيجري من السرير
///
اي دا المكان دا مألوف ليا اااه دااا يوووو دنا ساكن هنا
أميرة : ي راجل؟
انس : والله
أميرة : طب الحمد لله وصلت لنهاية الرحله أخيراً يلا على بيتك بقا
انس : لا طبعاً لما اطمن عليكي الاول
أميرة : تتطمن عليا لي وانا هفرق معاك ف ايه هااا سيبني فحالي كفايه اللي حصل
انس حصل ايه وبعدين انا ذنبي اي عماله تحسسيني اني السبب فاللي حصلك ليه قوليلي اي مشكلتك معايه
أميرة : دا سؤال ليك انت اي مشكلتك معايه سيبني فحالي خلي عندك دم يلا
انس : كدا يعني
أميرة : ايوة
انس : تمام ماشي روحي إياك يموتوكي ولا يتحرشوا بيكي انا مالي مش هتدخل تاني اصلاً دي آخرة اللي يفكر يساعد حد
أميرة : برافو أخيراً فهمت
اتجه الاثنان كلاً في طريق مختلف عن الاخر ظل امس ينظر إليها حتى اختفت ف الظلام وقف قليلاً وهو يتردد فاللحاق بها وعندما قرر ان يغادر واستدار للمشي سمع صراخها وهي تستغيث وتطلب النجده
اسرع انس الي مصدر الصوت
ومن ناحية أخرى كانت أميرة تحاول الهروب من احد المتحرشين
أخيراً لقيتك
ابعد عنيييييييي
يا حرام حد يسيب العسل دا ويبعد
كان الشخص يبدو كأنه شرب حتى جن جنونه فقد كان يتصرف بغرابة عندما سمعت أميرة تلك الكلمة استشاطت من الغضب وقامت بصفعه على وجهه وهربت كادت ان تسقط على الأرض وان يمسكها ذالك الوقح الا ان انس تدخل فاللحظه الأخيرة وقام ببضرب الشخص ضرباً مبرحاً حتى فقد وعيه
شعرت أميرة بسعادة عندما رأته يقاتل من أجلها ولكن سرعان ما تحولت وجمدت ملامحها بتتعامل معه بحدة مرة أخرى.
انس : اوووه اول مرة اضرب حد كدا ههه
أميرة : شكرا
انس : الشكر لله يلا
أميرة : على فين
انس : هتيجي معايه البيت وابقى امشي الصبح
أميرة : عمرها مهتتكرر تاني مستحييل
انس : انتي بتقولي انك كنتي مخطوفه َعايزه ترجعي لأهلك بسلام ودا الحل الانسب ليكي
أميرة : لا مستحيل
انس : متخفيش محدش هيشوفك هتدخلي بالسز
أميرة : قلتلللك لااااااا سيبني بقا

انس وهو يضغط على شفتيه: الناس بتبص علينا من البلكونات
أميرة : انا اعملهم ايه؟
انس: بدل ما تحطيني ف موقع المتحرش امشي معايه من سكات انا عمال اسايس فيكي من الصبح متحاوليش تجربي غضبي وعصبيتي
أميرة : طيب ماشي بس تجبلي لبس غير دا عشان اعرف اتحرك براحتي لحد ما اوصل بيتنا بأمان
انس : اشطا
دخلوا الشقه بالسر كانت أم واخت انس نايمين دخلوا أوضة انس
أميرة بخجل : فين الحمام؟
انس : ههه مكسوفه لي هه هوريكي اهو تعالي بس براحة عشان محدش يحس
أميرة : طيب بس هتجبيلي لبس منين
ادخلي بس وانا هتصرف
بعد عدة دقايق جابلها دريس نبيتي اللون وتحته شميز ابيض
أميرة ينهار ابيض مالو ضيق كدا لي؟
انس : هنعمل اي انتي اللي تختوخة
أميرة : اناااا تخينه؟؟!على الاقل احلى من العصعوصه المعصعصه بتاعتك
انس : قصدك ايه؟
أميرة: مقصدش حاجه اسكت متعصبنيش
دخلوا الاوضه
انس الاكل اهو كلي عشان اخد الصينيه وهطلع انام فالصاله برة عشان تعرفي تنامي براحتك
أميرة : اطلع شويه عقبال ما اكل عشان مينفعش اخلع النقاب قدامك
انس : هههههه انتي مسميه دا نقاب
أميرة : ملكش دعوة يلا على برة
بعد عشر دقايق رجع انس عشان ياخد الصنيه
أميرة : مفيش عندك نقاب يكون تايه هنا ولا هناك
انس : للأسف لا لأن اختي مش بتلبس نقاب
أميرة : اختككك؟! انت عندك اخت؟
انس : اه عندي اخت اسمها سمر
أميرة : سمررر؟! الي كانت معاك
انس بمقاطع ايوة كانت معايه اول مرة شفتك فيها ذاكرتك قويه مشاء الله
أميرة وهي تحدث نفسها : يادي النيله يعني انا كنت فاهمة غلط
انس : بتقولي اي؟
أميرة بتوتر : لا مش قلت حاجه يلا تصبح على خير
انس : وانتي من اهل الخير
خرج انس من الغرفه وذهب لينام على الاريكة(الكنبه) وهو يفكر ويقول انا حاسس اني اعرفها اول مرة اتعامل مع حد كدا يتري هي مين وليه شايله مني كدا؟
كانت أميرة تجلس على السرير تستعيد ذكريات ذالك اليوم والقصص التي رسمتها في خيالها وتعتب على نفسها لأنها تسرعت فالحكم وصددقت تلك الكذبه التي هيأها لها عقلها والشيطان واللي كان محيرها اكتر هو ازاي نسيها ف الفترة دي وقررت تبحث عندو فالاوضه يمكن تلاقي دليل يساعدها ف معرفة سبب نسيانه ليها
///
كان محمد وزياد جالسان في إحدى المقاهي كان محمد شارد الذهن في كل مرة يحاول زياد التحدث اليه يقاطعه ويقطع عليه الكلام حتى رن الهاتف عدة مرات َوهو لا يريد الرد اخذ زياد الهاتف واجاب
زياد : الو مين
الشخص : انا السيد صالح ي محمد
زياد : صالح مين
عندما سمع محمد هذا الاسم اخذ الهاتف من يد زياد بسرعه
محمد : الو سيد صالح اخيرازاتصلت
وسط نظرات الاستغراب من زياد
صالح : اي يبني فينك انا قلت الواد مات ولا اي برن عليك من العصر
محمد : بجد مخدتش بالي فيه جديد؟
صالح : اه عرفت ان بدر وأشرف ف القاهرة ف منطقة (****)
محمد : القاهرة طيب تمام شكرا جدا جدا جدا جدا جدا جدا جدا
أغلق الخط وهو ينظر إلى السماء بتحدي ويقول انت تلعب مع محمد يا اشرف
زياد : فيه ايه مالك بتبص كدا ليه؟ ومين دا
محمد وهو ينهض من مكانه بسرعه : مش وقت اسألتك دي هعرفك كل حاجه فالسكة يلا
زياد : يلا على فين فهمتي
محمد : عالقاهرة يبشا
انطلق الصديقان في رحلتهما الي القاهرة وتحديداً الي العنوان الذي أعطاه صالح لمحمد ترى ماذا سيحدث سنعرف هذا لاحقاً