Three Bears - 곰세마리
Omegaverse
________________
နာမည်က ပတ်ဂျီမင်း
အသက်က ၂၅ နှစ်
အလုပ်အကိုင်က flight attendantရုပ်ရည်ရူပကာကိုလည်း ဦးစားပေးပြီး အပြုံးမပျက် ကြွကြွရွရွ လှလှပပလေး နေထိုင်ပြုမူရတဲ့ အလုပ်အကိုင်ပေါ့။ Global Asia Airlines ရဲ့ ထိပ်တန်း လေယာဉ်မောင်၊ လေယာဉ်မယ်စာရင်းတွင် အမြဲတမ်းအတွက် နံပါတ်တစ်နေရာဟာ သူဆိုတဲ့ ပတ်ဂျီမင်း။
တိုးတက်ပြီးရင်း တိုးတက်နေတဲ့ နှစ်ဆယ့်တစ်ရာစု ကမ္ဘာကြီးထဲမှာ Alpha မှ၊ Omegaမှ ဆိုတဲ့ ခွဲခြားဆက်ဆံမှု အယူအစွဲတွေ မရှိသလောက်နီးပါးဖြစ်နေခဲ့ပြီ။ ဒါပေမဲ့ လုံးဝမရှိဘူးလို့တော့ တစ်ထစ်ချ မဆိုလိုချင်ပါ။ တချို့နေရာတွေမှာတော့ ကျန်ကောင်းကျန်နေဦးမှာပေါ့လေ။
"မင်္ဂလာပါ။"
လည်စည်းပဝါ လှလှလေးကို လည်တိုင်မှာ ကျော့ကျော့မော့မော့ စည်းနှောင်ထားပြီး လေယာဉ်ပေါ်အသီးသီးတက်လာသည့် ခရီးသည်တွေကို အပြုံးလှလှလေးနှင့် ကြိုဆိုနှုတ်ဆက်နေသည့် အမျိုးသားတစ်ဦး။
လေယာဉ်ပေါ်လိုက်ပါလာသည့် ခရီးသည်များထဲမှ Alpha တော်တော်များများ ထိုအမျိုးသားလှလှဆီက မျက်လုံးမခွာချင်ကြ။ Global Asia မှာ ပတ်ဂျီမင်း တာဝန်ထမ်းဆောင်တဲ့ လမ်းကြောင်းတိုင်းက ဒီလိုဖြစ်တတ်မြဲမို့ ဘယ်သူကမှ အထူးတဆန်းမဖြစ်ကြတော့။
"ဒီကလူကြီးမင်း အအေးယူဦးမလားမသိဘူး"
"အာ ဟုတ်ကဲ့"
"အအေး ရပါပြီ"
အအေးထည့်ကာ ဖန်ခွက်ကို ကမ်းပေးလိုက်တော့ လှမ်းယူရင်း အနားကိုကပ်လာဖို့ အချက်ပြလိုက်တာမို့ ကိုယ်ကိုကိုင်းကာ ဘာပြောလာမလဲ နားထောင်နေလိုက်သည်။
"အချိန်ရခဲ့ရင်ပေါ့ ပတ်ဂျီမင်းရှီး"
ဝတ်စုံပေါ်မှာ တပ်ထားသည့် Name Tag လေးကို ကြည့်ရင်း အတော်ချမ်းသာပုံရသည့် High boss လိုလို ဘာလိုလို ထိုခရီးသည်က ရွှေရောင်ကဒ်လေးတစ်ကဒ်ကို သူ့ထံ ကမ်းပေးလာသည်။ ဂျီမင်းသည် အနူးညံ့ဆုံးဆိုသလို ပြုံးလိုက်ရင်း ဘာမှပြန်မပြောဘဲ ကဒ်ကို အသာလက်ခံကာ ထိုနေရာက ထွက်လာခဲ့လိုက်သည်။
YOU ARE READING
Three Bears - 곰세마리
Fanfictionအိမ်ကလေးထဲမှာ ဝက်ဝံသုံးကောင်ရှိတယ်။ အင်း သိပ်တော့မတည့်ကြဘူး။ Highest Rank (14.9.2022) #1 in jikook #8 in kookmin