Three Bears
곰세마리
အပိုင်း (၉)
“ပြော အစ်ကိုကြီး”
ဖုန်းဝင်လာသည်နှင့် ချက်ချင်းကောက်ကိုင်လိုက်သည်။ ဟိုရက်က ပတ်ဂျီမင်းနဲ့ပတ်သတ်ပြီး ဘာတွေဖုံးကွယ်ထားလဲဆိုတာ သိရဖို့ ထပ်အစ်အောက်မေးကြည့်မယ်ဆိုပြီး အစ်ကိုကြီးဆီ လှမ်းဆက်သွယ်ခဲ့တာ။
ဒါပေမဲ့ အချိန်ကျရင် ငါ ဖုန်းပြန်ခေါ်လိုက်မယ်လို့ ပြောသွားခဲ့တာမို့ ဘယ်အချိန် ပြန်ဆက်လာမလဲဆိုပြီး အစ်ကိုကြီးဆီက ဖုန်းကို ငါးစောင့်တဲ့ဗျိုင်းလို ဆက်တိုက်မျှော်နေခဲ့တာ။ နောက်ဆုံးတော့ ဝင်လာခဲ့ပြီ။
“အခုငါပြောမဲ့ ဆေးကို ဆေးဆိုင်ကနေ သွားဝယ်ပြီး ငါ့ဆီလာပို့ပေး”
ငိ။
တစ်ခုခုများ သိရလေမလားဆိုပြီး မျှော်လင့်နေခဲ့တာကို အခုက ညာတာပါတေးနဲ့ ခိုင်းစားဖို့စဉ်းစားနေတာလား။ လမ်းကြုံမှာတာလည်း မဟုတ်သလို သူက ဆေးခန်းက တောက်တိုမယ်ရ အကူဝန်ထမ်းလေးလည်းမဟုတ်။ Triple J ရဲ့ ဒုဥက္ကဌတစ်ယောက်လေ။
“အချိန်က နေ့ခင်းသုံးနာရီအရောက်လာခဲ့။ ဒါပေမဲ့ အိမ်ထဲကို ချက်ချင်းဝင်မလာရဘူး။ ငါက ဝင်ခဲ့လို့ရပြီဆိုတော့မှ ဝင်ခဲ့။ တံခါးလုံးဝခေါက်စရာလည်း မလိုဘူး”
“ဘယ်လိုကြီးလဲ”
“အချိန်လွန်တော့မှ နောင်တမရချင်ရင် ငါပြောတဲ့အတိုင်းသာလုပ်”
ပြောသွားတာကတော့ အလာကြီး။ နောင်တမရချင်ရင်တဲ့။ နာရီကြည့်လိုက်တော့ နေ့ခင်း နှစ်နာရီထိုးနေပြီ။ ဘာအဓိပ္ပါယ်နဲ့ ဘာအတွက် ဒီလိုခိုင်းလဲဆိုတာ မသိသေးပေမဲ့ ထိုင်ခုံမှ ထရပ်လိုက်ရင်း ချွတ်ထားသည့် အပေါ်ထပ်ကိုယူကာ ရုံးခန်းထဲမှ ထွက်ခဲ့လိုက်သည်။
“အော ဒုဥက္ကဌ”
“ရိုအာပါလား”
“အပြင်သွားစရာရှိလို့လား”
“ဟုတ်တယ် ရုတ်တရက်ကြီး အရေးပေါ်ကိစ္စလေး ရှိလာလို့”
YOU ARE READING
Three Bears - 곰세마리
Fanfictionအိမ်ကလေးထဲမှာ ဝက်ဝံသုံးကောင်ရှိတယ်။ အင်း သိပ်တော့မတည့်ကြဘူး။ Highest Rank (14.9.2022) #1 in jikook #8 in kookmin
