نَافِذة سَوْداء ، غُرفَةٌ حَمْرَاءلـ لارسا
البارت الاول
............................
تك ، تاك . تك ، تاك . تك ، تاك
اعلنت العقارب عن بلوغها الساعة ١٢ منتصف الليل
اكثر وقت اكرهه او صرت اكرههدقيقة مو اكثر وانفتح باب الغرفة واجاني صوته المقزز
: الله حيوووو
لتجيب اسم الله المقدس على لسانك القذر ، كلمات گلتها بگلبي لأن حلگي مربوطتقرب مني وشال عصابة عيوني ، حط ايده بين حواجبي حركت راسي منتفضة اريد ابعده
: اروح فدوة للحواجب المعگودة وللعصبية هاي ، تنافخين چنچ ثور شبيچسكت ثواني وراها حچى : هااااااا لك نسيييييت ، ضحك بصوت عالي واردف : ههههههههه متگدرين تحچي سوري كلش سوري
شال اللاصق من على حلگي بكل قوته ، توجعت ؟ لا الشي الي عشته والي دا اعيشه صارلي شهرين و١٣يوم يوجع اكثر
سحبت نفس عميق دنگ يريد يحچي تفلت عليه بنص وجهه ، مسح وجهه وگام وگف
غمضت عيوني ما اريد اشفه شراح يسوي
ماحسيت غير بلكمة قوية على حلگي خلتني اوگع بالگاع اني والكرسي الي مربوطة عليهكتمت صرختي ، سحب الكرسي عدله رجع ضربني اقوى حسيت سن من اسناني انكسر
لزمني من شعري : اصرخي
باوعت بعيونه ومرة ثانية تفلت الدم بوجههشدد لزمته على شعري ورجع رخى : اني اعرف شلون اخليچ تصرخين
نزع حزامه وبلش يضرب مثل كل يوم كل ضربة تاخذ روحي بس هاي بالبداية ، هسة جسمي تعود وجع روحي اقوىلحد الان مقاومة ومطلعت ال ( اخ ) الي يريدها مني ، شمر الحزام وقرفص گدامي مسح طارف شفتي
: چنت اتمنى اگدر اضوكها ، بس قرف كلچ دم اقرف حتى الزمچمسح على خدي : باچر اسبحچ ، راح تگولين ليش مو هسة راح اگلچ هسة وقت العشا
گام وگف وسحل الكرسي من ورا خلاني بالزاوية وشكل المغذي
فتح الضوا الاحمر وسد الباب وطلعچنت اصرخ ، اقاوم كل هاي الافعال چنت اقاومها بس ماكو نتيجة ، المنفذ الوحيد الي بيها شباك چانت تدخلي اشعة الشمس ، تبعث بنفسي الامل
حتى هذا الامل اخذه مني لمن بيوم من الايام حاولت استخدم هذا الشباك كوسيلة للهروب ، صبغ الجام لون اسود ، قفله وغطاه ببردة شفافة
ديعذبني ، لذنب مو اني سويته ، ليش مدا اموت ، الهي ساعدني ، الهي بحق نبيك محمد وال بيته الاطهار ساعدني تعبت ، اخذ روحي ياربي خلصني
أنت تقرأ
نافذة سوداء ، غرفة حمراء
Bí ẩn / Giật gânلا شيء سوى النافذة السوداء والغرفة الحمراء تحذير : غير مناسبة لأصحاب القلوب الضعيفة