حبني كما احبك

الجزء الثاني

وللة ضليت هيج اني تعلقت بي كلش هواي يعني لو يريد يروحي هم انيطيها الة مادري ليش هيج تعلقت بي هواي ورا فترة عرفت حسابات بل بلفيس  يوم من الايام رحنا البيت عمتي بتنا عدهم بتها عدها ثنين موبايلات اخذت واحد بي فيس هسة تلعب بوبجي كالت خليني اراسلة جانت بوكتها شتاء وعلكين صوبة لن باردة وللة كتبت اسمة طلع راسلتة جنت خايفة كلش وجسمي كلة يرجف لن اول مرة ارسلة وراح احجي وياة جان شي جديد بحياتي جان يمكن بل محل لن مارد بسرعة بعدين بيها بل ٢بليل رد كلبي كام يدك بسرعة المهم راسلتة كالة منو كتلة حبيبتك كال اني ماعندي حبيبة هنا نصدمت كلش وخفت وبجيت ليس راسلتة ياربي 😔وللة بعدين كالت لا خليني احاول ويا لزم يعرفني ذكرت بكل شي بيناتنا كال ها عرفتج انتي نور كتلة اي كال عبالي كرايبنا سوي بي مقلب اني هنا فرحت ودي واكوم ااكمز وركص شي يوخر الطاقة العندي بي ماكدرت لن كلها نايمة هههه كال حبيبتي منين جاي ترتسليني كتلة من بنت خالتي احسن كال مو خايف عليج جان كلش خايف علية جنت مامتوقعة هيج راح يصير ههه كال اريد دزيلي صورتج علمود اتاكد اني دزيتها وبلا اي تردد هههه خبلة مو بيدي وراها كال يلة روحي نامي وصبح اراسلج لن الوقت متأخر يمة فدوة  كتلة بعد لا تراسل على هذا الحساب لن مو مالتي اوكي كال يي المهم راح اني جنت ميتة من الفرح اول ليلة هيج حلوة وللة جانت احلى ليلة واحلى شي بحياتي وللة نمت كعدت الصبح ذكرت الي صار البارحة وشلون راسلتة نزلت من الغرفة وضحكتي تارسة وجهي هههه حتى امي نتبهت كالت ليش هلكد فرحانة كتلها لا هيج  ماكو شي وللة رجعنة للبيت اني حفضت الرقم مالتة من هذيج المرة من دك على رقم امي حفضتة بالي كالت خليني اشوف عندا وتساب حطيت رقمة طلع عندا وتساب وللة ضلينا نتراسل على وتساب  اني ارسلة من موبايل امي وبعدين احضرة خاف يراسل والموبايل مو عندي ضلينا هيج ورا فترة صارت مشاكل بين امي وابوي وامي راحت ال بيت أهلها صرت بعيدة عنا جنت من اشتاقلى ارسلة وهوة مرت يرد علية ومرات لا كالت خاف مشغول أو شي ضلينا لحد سنة ٢٠٢١تقريب مرة دزالي فيديو بي غنية احمد فاضل خلة ينتشر

جان احلى فيديو اول فيديو من عدا نت فرحانة بي

صار هوة كل حياتي ورا مارسلتا وتعرفت علية أكثر بس ولا مرة حاجيتة مكالمة بس محادثات هوة ولد مودب وحباب وكلش متفهم يعني ابد ماكللي شي خلني ازعل من عدا ولا اني زعلتة يعني ابد مصير مشاكل بيناتنا اني ويا ورا هاي الفترة كام يتغير علية ماجنت اعرف ليش جان يطول يلة يرد وبعدين بس يستلم وميرد علية اني تفاجئت. بهذا تصرف مالتة اني كلشي ماسويتلة ولا مزعلتة  ذل على هذا تصرف مالتة ماعرف ليش شكد راسلتة وكتلة ليش سيف هيج سوي بية ماجنا اعرف سبب ولا هوة يرد علية بل مراسلت هنا كلبي كام يوجعني خاف لكى وحدة غيري لن بعيدة عنا اني

وللة ضليت سنة تقريبن على هاي الحالة هيج اني ارسلة وهوة يستلم ومايجاوب

ضليت قطعت عنا ابد ماراسلة

ورا فترة كالت لا خليني ارسلة
لن احبة ماكدر على فراكة وللة راسلتة كال منو كتلة ماعليك اني منو بس اني حبيبتك  كال ماعرفتج كتلة احسن ورا شوية دز رسالة كال عرفتج كتلة منو كتبلي اسمي حروف  مقطعة كال  بل اول عاند ماقبل يكول وبعدين كال اني هنا فرحت وكالت يجوز رجعت علاقتنا مرة ثانية كتلة بعد مو ماجاوب علية كال لا ابد بعد اجاوبج دز الي فيديو ثاني بي عبارة ا(انتي اميرتي وسجعل نساة العالم تغار من طريقت حبي لكي) هنا كالت يجوز رجعلي مرة ثاني وللة بليل راسلتة رجع يستلم. ومايجاوب هنا نكسر خاطري ضليت على هاي الحالة شكيت بكل شخص وياي كالت خاف اهلي درو احبة وهددو لا مامعقولة جا كلي بس هوة ابد ولا حجى ولا شي وللة خلصت هاي سنة دخلنا سنة جديدة ٢٠٢٢هاي احنا بيها بدايتها جنت ارسلة هوة ميجاوب هنا نقهرت من كلش كالت بعد مارسلة ابد بس ماكدر وللة اني عندي صديقة كلش غالي علية كلش احبها واموت علية يعني هية سندي واختي تفقنا عود هية تراسلة على تلكرام وللة وافقت اني راسلتة وكتلة علية يكلها اني ماعرف وحدة بهيج اسم ولا متعرف علية وإذا صدك واني قبل مراسلها خليها دزلج المحادثات هنا كرهت هواي كتلها خلي يولي بعد لا تراسلينا ميستاهل شخص اناني كلش وللة هية هم ب مارسلتة هسة بطلت ماريدة يرجعلي اريد اعرف سبب ليش بتعد عني ليش شنو سويتلة اني بس ماقبل يكول وللة ضليت مهتما بل دراسة مالتي وضحك وسوالف ويا  صديقتي بديت انساء شوية شوية وللة جاي العب موبايل اخوي  دخلت على تلكرام لكيت اخوي مستر كروبات مالت دردشات بنات وشباب هنا اجت فكرة بالي انو اكتب المعرف مالتة لكيتة داخل بهذا الكروب اني مرات اشوف الحساب مالتة بل تلكرام مالتي الكي يفتح كلة صبح ٣:٣٠ هيج اوقات وبل اربعة هنا عرفت سبب اكيد لكالة وحدة غيري اني هم ماهتميت هذا شي خلي يولي هو خسرني

هوة لو صدك رجال يجي ويخطبني بس هوة حرامات هيج فكرت بي ماكو ولا شخص يحب من صدك

بهذا زمان حب المصلحة

البحر مالح والناس مصالح

اني من حطيت بهذاك الجزء المعرف مالتة اني ماميتة علية بس اريد يقراء ويشوف اني مو بحالة اريد اروي اني قوية ونسيتة 🤣😝