أحفاد الباسم

بارت 18💌

هلو متابعاتي اليوم البارات المنتظر يجننن
تابعوا احبكم
_______________________________
سيلا/ حطيت الهدايه على صفحه وحتفلنه وخلصت الحفله كالت حبوبه شي فاجئني

الجده/ مادام الكل موجود اجوي خطابه على سيلا البارحه وصارين كلش يريدوها ويخلوها تكمل دراسه وجامعه وتتعيين والناس خوش اوادم وناس محترمين

الجد/ كل الهله بس من مهمه

الجده/ ام كرم معرفتها بيت ابو كرم كرايب اختي

الجد/يي والله ونعم الأصل ونشالله الالمن طالبيها

الجده/ الابنهم الجبير كرم خوش وليد وعنده شركه ودارس طب ماشاء الله ودكتور وعنده بيت وخير من الله

ابو سيلا/ وشوكت يريدون الرد

الجده/ وره يومين يعني الأحد  سيلا بنيتي والله الولد خوش ولد وناس محترمين وهم يخليج تكملين دراسه تلفوتي

الجد/ بنيتي فكري زين وبكيفج ويجرالج الي تريديه
يله تصبحون على خير

سيلا/ حجت حبوبه واني ضليت صافنه وشردت بغير مكان والكل يحجي واني صافنه وطلعت من صفنتي من جدي كال تصبحون على خير

الكل/ وانت من اهله

الكل كام اهلي راحوا وبقينه اني وميرا ونور وليان وريم
لمينه كلشي وصعدنه بغرفه ميرا كلهم يسولفون واني مو يمي بعدني مصدومه انو جاييني خطابه

ميرا/ من كالت حبوبه هيج الكل مصدوم وسيلا اكثر شي كرم اني شايفته وهوه خوش ولد وكلش حلو اشكر وعيونه عسلي وطويل صراحة الولد يجنن هههه
( حسام/ نحن هنا شنو هل حجي
ميرا/ احم نعتذر عيني انت احلى
حسام /بده الجذب
ميرا/ ههه )

ميرا/ لمينه كلشي وصعدنه بغرفتي وسيلا صافنه بالاخير كلت خلي احجيلها عن كرم يجوز تقبل لان الولد خوش ولد

ميرا/ سيلا سمعيني الولد خوش ولد وصراحه خوش مواصفات وانتي عاجبج هيج شخص ادري بعدج حايره ومتردده بس الولد حباب ومرح وشخصيته رزنه وثكيل
عمره ٢٥ سنه وطبيب وعنده شركه وخوش انسان وماعنده مكسرات لو الف بنيه كدامه ميباوع عليهن
وحليوه وشوفتها صورته من حسابه مال انستا
ويخليج تكملين دراستج يعني المواصفات الي تريديها بهل شخص لذلك وافقي وخلي تصير فتره خطوبه وتعرفي عليه معجبج الوضع فصخي الخطوبه وكأن شي لم يكن وهذا الي عندياه كتلجيا وبكيفج عقلج براسج تعرفين خلاصج ههه

البنات/ هههه

سيلا/ صراحه ضليت محتاره دك عليه حسام حتى نروح لان تأخر الوقت جان كاعد هوه والولد بالحديقه هوه والشيخ حارث ويزن وانس وحمزه نزلت ورحت عليهم شفت الشيخ مثل الضايج وحمزه وجه حزنان

سيلا/ يله حسام باي شباب

الولد /باي

سيلا/ رحت للبيت فتت سبحت وبدلت وصفطت الهدايه والغراض ومددت ضليت افكر يعني هوه حلو والله منطيه وحباب ويخليني اكمل دراستي والله مدري احس خايفه ضليت افكر ومحسيت غير واني نايمه

الشيخ حارث/ من كالت حبوبه هذا الكلام عقل مضل براسي كاعد على نار يعني اكو احد خاطبها زين ليش خاطبها طبعا هيه حلوه لا يربي هسه تقبل واتخبل ضلوا يحجون طلعت بالحديقه وطلعوا الشباب ورايه شويه ودك حسام على سيلا كللها يله نروح نزلت واني اشوفها احس مدي احطها بين ضلوعي واقفل عليها سلمت وراحت راحوا الشباب اني ضليت كاعد اشرب جكاير وراها صعدت مدري شلون نمت

سيلا/ كعدت الصبح ساعه ٧ نزلت اهلي محد كاعد بس اني كاعده حتى ادرس لان بقه ٩ ايام وامتحانات نصف السنه لذلك كمت اكعد من وكت حتى أقره شربت كهوه وصعدت لبست برموده كصيره ويشيرت واخذت كتبي وملازمي وطلعت بالحديقه وضليت أقره لحد ما صارت الساعه ١٠ طلعت ماما وكالت

ام سيلا/ صباح الخير حبيبتي

سيلا/ هلو ماماتي

ام سيلا/ عفيه بنيتي اقري زين

سيلا/ نشالله ماما ضليت أقره وكل ساعه اخذ ربع ساعه استراحه وارجع حتى ما اتعب صار الضهر صليت واخذت استراحه ورجعت أقره بعدين صاحتني امي وكعدنه على الغده خلصنه غده لميت المواعين والاكل وغسلت كلشي وصاحني بابا

ابو سيلا/ تعالي سيلا بنتي

سيلا/ها بابا

ابو سيلا/ بنيتي تعرفين اجوج خطابه وانتي سادس هل سنه بس الولد خوش ولد وخوش ناس وحالته زينه ولولد مرتب وحباب وخوش انسان ذلك من جهتي اني موافق واخوج يكول خوش ولد وهم ما عنده مانع وامج من رأينه لذلك انتي شنو تقررين ماكو اي مشكله بقرارج
واحنه وياج وبكيفج وكوليلي قرارج باجر وها باجر احنه 
عازمينه بيت عمج ابو صكر عازمين كل عمامج وعماتج ماشي بنيتي باجر كوليلي قرارج واني ماجبرج على شي يله مع السلامه اني طالع

سيلا/ بعد هذا الحجي عن الولد صراحه كلت ليش ما أوافق وأهلي سائلين عليه وخوش انسان بلاخير كلت باجر اكول الأمي انو اني موافقه واخلي هاي المده كلها خطوبه ومن اخلص سادس نزوج احسن هيج

سيلا/ عده اليوم وماكو شي تعشينه ولميت الاكل وصعدت أقره وراها نمت

ثاني يوم

////////////////
لقطه من البارت 19
(...... اني ناهي عليها

......ميصير هذا الحجي

..... ماااا شنو هيه بكيفه اهئ اهئ 😭)

اتحمسوا انتضروا البارت بعد يومين بايييي تفاعلووووا
احبكم جميلاتي 💗💗💗😘