رباب: بقينه اني وامير نتراسل فتره وعرف اخويه مومل اني احب امير وهم راح راسله حته يهدده يتركني بس امير كدر يقنعه وبقينه على هل حال كل يوم بليل نتراسل ولصبح اروح للدوام لحد ما بيوم حاولو تلث شباب يخطفوني واني ريحه للمدرسه
مامه: رباب مامه رباب كومي يله عندج دوام
رباب: حاضر مامه كايمه كمت واني بل طريق سمعت صوت ورايه
مجهول: هلاو شلونج
رباب: مهتميتله وكملت طريقي رجع مره ثانيه وكال
مجهول: عبرنه يحلو لو مو من مقامك 😂
رباب: متحملت صرت نار لتفتت عليه ضربته وكتله انته متستحي ما عندك اخوات
لمجهول: لج انتي تضربيني زعطوطه تضربني بصيطه
رباب: ايييي ايدي تركني ساعدوني يناس بس محد يسمع لن لشارع الي اروح بيه للمدرسه ما بيه ناس ابدن
لمجهول: تعالو شمنتضرين ساعدوني
رباب: صاح وياه ثنين من اصدقائه حطو ايدهم على حلكي حته ما اصرك معرف شلو اجتني لجرئه وضربت واحد منهم ما تحمل لضربه وتركني ولثنين الي بقو لزميني راحو يشوفون صديقهم معرف شلون شردت بوقته لان ولله العظيم رجليه كوه شايلتني شردت ولحكوني دخلت بخرابه (بيت توه مئسس ما مكتمل لبناء مالته) دخلت بيه وضليت لىده ودخل وراي لمن لكو مكاني جانت اكو يمي حديده ضربتهم بيه وشردت للمدرسه لان لبيت صار بعيد ولمدرسه اقرب وبيه لمعلمات هنه يحمني ركضت للمدرسه اول ما دخلت تلكتني لمدرسه
لمدرسه: هاي وين حضرت لدكتوره وين جنتي لهسه تعرفين بيش لساعه
رباب: ركضت عل مدرسه حضنته وبجيت
لمدرسه: خير بنتي شكو شصاير ليش ترجفين وخايفه
رباب: حجيت للمدرسه كلشي اتصلت على اهلي يجون يخذوني وطتني اجازه رحت للبيت وحجيت كلشي لهلي
مامه: يمه بنيتي عزه لعزاني يمه لو مسويلج شي
رباب: يمه فدوه لتبجين هياتني جدامج ما بيه شي
مامه: 😭😭😭😭😭
رباب: فدوه مامه حبيبتي كافي وحضنته
بابه: كافي ام رباب لحمد الله ماصارله شي
مؤمل: منو ذوله عرفتيهم ولله لندمهم شلون يسون هيج
رباب بخوف ورجفه وهيه تبجي: لا ما اعرفهم
بابه: كافي اميرتي لتبجين
رباب: رحت لبابه حضنته وكتله ما اريد اكمل مدرسه راح ابطل لان بعد لصار خفت واني من لنوع لجبان 😂
بابه: لا متبطلين ليش تبطلين منا ورايح مؤمل او علي يوصلونج للمدرسه
رباب: لا بابه فدوه اريد ابطل. وفعلن بطلت
