كميل : كعدت الصبح ساعه 6 نزلت صبحت على امي وابويه
ورحت للديوان حلينه كم مشكله ورحعنه للبيت اني كاعد يم
أبوي اجاني اتصال من رقم ابن عمي اسمه وائل
المكالمه :
كميل📞 الووو هلا والله ابن العم
وائل 📞 الو السلام عليكم
كميل📞 وعليكم السلام موش رقم وائل هذه انته منو وائل وين
وائل 📞 خويه ابنكم بالمستشفى اندعم واحنه اخذنه مبايله وخابرناكم والولد هسه بالعمليات ممكن تجون عنوان المستشفى ........... احنه بانتظاركم
كميل📞 جاي جاي
كميل: غلقته من الرجال وخابرت عمي و اخوان وائل وأم وائل راحت لبيتنه وتدك وتلطم اخذت أبوي ورحت للمستشفى
جنت فاير نار اريد اعرف شلون اندعم وائل دخلت سئلت دلوني على غرفه العمليات ورحت لكيت ولد مكلبج وشرطه
الولد يجي بكد وائل اجيته لزمته من ياخته وكلتله خلي يصير بي شي احسب نفسك متت خلص افتهمت
همام : كعدت الصبح وطلعت للبصره عندي صديقي هناك كل فتره اروحله اليوم رحت البريك علك طلع كدامي واحد ردت
اغير الطريق ما كدرت نزلت لكيت الولد مدمى اجرت تكسي
وطلعت لاقرب مستشفى وخابرت اهله بلغتهم واجو مبينين
شيوخ وعشائر لان كلها ناس معكله اني رحت سلمت نفسي وكتلهم ما اروح لمن يجون أهل الولد وفعلا وكفوني يم غرفه العمليات طلع الدكتور وكال الولد دخل بغيبوبه راح نراقبه لمده 24 ساعه ويصحه لا تخافون الضربه مو كلش ماذيته
ماي بارد ونزل على كلبي خابرت اخوية وبلغته كال راح اجي وبلغته انو همه يريدون كعده عشائر وكال راح أجيب الشيخ مال عشيرتنه اجي وانه رحت اجرت عرفه بفندق خابرت لموسه
همام 📞 هلو لموس حبيبي شلونج
الماس📞 هلو حياتي شلونك وين راح بابا
همام 📞 اوووووف يا لموس راح اسولفلج من طلعت للبصره لحد هاي اللحظه
الماس 📞 ماشي اسمعك حياتي
همام 📞 سولفتلها كلشي وأجيت هسه للفندق والكعده باجر
ونشوف شنو يطلبون
الماس 📞 هذه كله صاير واني ما ادري تمام شيطلبون انطوهم فلوس وحلوها وارجع الي تره الولد باجر يكعد من الغيبوبه بعد شنو عود يريدون دم اجي انه ادميهم اذا يتقربون لحبيبي
همام : ماشي حبي راح أغلق الموبايل اريد انام بال 8 بابا افتحه واخابرج تمام طمني البيت عليه وعلى ابوج تمام
كالت تمام وراحت ضليت افكر شنو راح يصير اكيد راح
يكولون نريد فلوس اكيد ماكو غيرها
''''''''''""""""""٫٫٫٫٫٫٫٫٫٫٫٫٫٫٫٫٫٫٫٫٫٫"""""""""""""""
في مكان آخر
كميل : طبعا حددنه يوم الكعده باجر راح يجيبون شيوخهم
وابويه الي راح يحدد شنو يأخذ من عدهم وانه اكله دم يكول
يصير خير خلي يجي باجر والله كريم رجعت للبيت صعدت كبل لغرفتي نمت ما حسيت اله المنبه يدك ساعه 5 كمت صليت ونزلت صبحت على امي وابويه لكيته نوع كاعد وراح يصلي صبحت عليه وكتله اني رائحة للمستشفى كال
الشيخ : الله وياك ابني
كميل : رحت للمستشفى وصلت دخلت للدكتور وحاجيته
دكتور شنو وضع وائل
الدكتور : والله ما ادري شنو اكولك شيخ بس وائل غيبوبته
احتمال اتاخر ما نعرف ليمته يكعد لان مرن 24 ساعه وهوه ما كعد بكلشي توقعوا
كميل : دكتور انته شتحجي ابن عمي مستحيل يموت مستحيل
الدكتور : شيخ اهدا الضربه صايره بالدماغ انه ما كلت يموت كتلك انتظر وانشاء الله يكعد
كميل : شكرا دكتور شكرا ما قصرت اني اترخص
الدكتور : مرخوص شيخ
كميل : طلعت من المستشفى رحت لابوي لكيته يريد يروح للمستشفى كتله يابه لا تطلع ولا تروح اني جنت هناك وهاذه الي صار ................ وانه اكول تأخذ من عدهم فصليه لمن يكعد وائل من الغيبوبه ارجعها انه كتلك هذه الحجي حته خاف يكعد وائل وره يوم يومين وانرجعها فالاتفاق يكون من
يكعد وائل
محمد الشيخ : انته تعقد عل فصليه
كميل : تامر
محمد الشيخ : خلص بويه امشي نروح للديوان ننتظر الشيوخ تجي هسه همه على جيه
كميل : رحت وي أبوي كعدنه بالديوان شويه واجهة عمي وشيوخ عشيرتنه وولد عمي شويه ودخل اخو الداعم وائل
والدعم وائل هم وشيوخ من عدهم وبدت الكعده ونهيناها بالفصليه وهمه عارضوا بالبدايه كالو ما عدنه والدعم وائل كام وصاح ما نطي فصليه وهاي اني كدامكم وكتلوني احنه بيا عصر عايشين ما تكلي كتله انته جبتها لروحك تعال سحبت سلاحي وابويه وكفني وخلصته الكعده وانه اتحلف للفصليه
