كميل : رجعت للبيت لكيتها ماهيه كلت لازم احقق بالوضع اريد اعرف شلون هيج صار اخذت الموبايل الي بيه الصور والمحادثات ورحت دزيته لصديقي بالاستخبارات وكتله يشوفه ويراقب الرقم ويعرفلي الموقع ويعرف الاسم واطيته الرقم الي راسلني وما كال شي كلش اشتاقيتلها وكل ما ادخل للغرفه كل ركن يذكرني بيها كمت ما ادخل للبيت ابد لان كلش اشتاقلها ولا اكل وره اسبوع خابرني صديقي وكالي انو اسم الحساب الي راسل التليفون رجاء...... اني هنااا فولت ركضت لبيت عمي وسولفتله السالفه وكالي راح اتخلص منها العار راح ازوجها اني طلعت من عمي ورحت بوجهي للبيت سولفت لامي الي صار وكالت لازم تروح ترجعها كتلها بيا عين اؤجعها واني حته اغتصاب اغتصبتها كالت
ام كميل : حاول وهيه تحبك واكيد راح تقبل ابني لتيأس من الحياه رجعها حاجيها وفهمها نرجع نخطبها من اهلها رسمي
كميل : قنعني حجيها ما صدكت صعدت للغرفه واني الضحكه تارسه حلكي بس يا فرحه ما تمت اول شي سويته اتصلت عليها مغلق ما ارتاحيت اتصلت الف مره مغلق كمت و ركضت اخذت السياره وتوجهت لبغداد مشتاقلها شسوي رحت لبيتهم دكيت الباب طلعلي همام
همام : بعد ما اجت الماس وعرفنه المشكله الي صايره ما اتحملت وسافرت لتركيا واني وجلنار بس نحلم لان مستحيل تصير الي بعد الي صار بس متأملين انو تصير الي وكلش احبها وتحبني فد يوم جنه كاعدين واندكت الباب كمت طلعت للباب طلع كميل كتله خير شرايد الك عين تجي بعد الي سويته
كميل : هيجي تستقبل الضيف مع الاسف عليك
همام : بعد الي سويته الك عين تحجي اتفضل اتفضل
كميل : ( اي والله ما الي عين ) دخلت عدي كم حجايه ويه عمي ابو الماس وياك
همام : ثواني اصيحه واجي
كميل : راح همام ضليت ماكو خمس دقايق واجه همام كتله السلام عليكم عمي
ابو الماس : وعليكم السلام ابني اتفضل زارتنه البركه
كميل : تسلم عمي اني اجيت اليوم اريد اوضح الي صار
ابو الماس : كلشي نعرف ماكو داعي توضح الماس ما غلطانه بشي انته الي غلطان وما سامع من الطرفين
كميل : عمي بلحظتها ما عرفت شنو اسوي لان الصور والمحادثات يخبلن الما يتخبل بس اني اتاكدت وطلعت بت عمي وره هذا كله وادبناها وهسه نريد نصفي النفوس وارجع الماس واسويلها احله عرس
ابو الماس : اعذرني عمي بتي ما تتقبل واصلاا سافرت من زمان وكالت بعد ما ارجعله ابد لان السويته انته مو قليل واني بنفسي ما راضي عليك
كميل : ( بحاله صدمه ) وين سافرت ؟؟؟
ابو الماس : سافرت ابني مترضه نكلك وين اعذرني عمي ما عدي بنات الك
كميل : عمي لازم احجي وياها ميصير هيج هيه مرتي
ابو الماس : هيه مو مرتك انته طلكتها عمي لتحاول الماس مترجعلك
كميل : اترخص اني عمي
ابو الماس : ابقه اليوم اهنا ابني لتروح واصل من طريق طويل ابقه هنا
كميل : لا عمي اني اترخص مشكور وما قصرت
ابو الماس : الله وياك ابني
كميل : رحت واني اله شويه ابجي رجعت للبصره وسولفت لامي كلشي ؤكالت ربك يحلها كتلها والنعم ب الله ضليت 7 اشهر اني ادور وما لكيتها ابد فص ملح وذاب كلبي وياها اريد اشوفها اشتاقيتلها كلش مرن 4 سنوات واني كلشي ما اعرف عنها و همام طلب ايد جلنار و قبلت لان رجال حباب وهيه تحبه وهوه يحبها وافقنه وسوينالهم عرس وازوجت وره سنه من فقدان الماس واني ما راحت من بالي يوم وقررت ما انساها ولا اتزوج لمن ترجعلي واني كلي امل انو ترجع
الماس : رحت لتركيا وكملت دراستي هناك وعرفت انو كميل عرف انو اني بريئه من هذيج السالفه وصح هوه اخذ شرفي بس بعدني احبه وما نسيته ابد وره 3 اشهر عرفت انو اني حامل من كميل كلش فرحت واتمنيت انو كميل يدري بس كلت لاا خل اكمل دراستي وانسى وافرغ نفسي ل طفلي واهلي دروا وكالوا لترجعين لان همه شيوخ ويكدر ياخذه قانونيا وعشائريا سكتت وما رجعت للعراق ولدت وجبت بنيه سميتها ماريا كلش احب هاذه الاسم وعجبني عليها اجت عيونها خضر على زرك يخبلن وشحم عليه والباقي على ابوها
وره 3 سنوات صار عمر ماريا سنتين 12 شهر بعدلها كم يوم وتدخل 3 سنوات جنت مقرره ارجع للعراق حته تتعرف على اهلي هيه تعرفهم وكلش تحبهم وصدك ترس همام اعتبر حضرته لان الصور وتسجيل القاعه كله شايفته وكلش فرحتله انو اخذ اليحبها وما افترق عنها بسببي كلش فرحت وهسه جلنار جابتله ولد وسموا احمد واني خلصت دراستي كلت خلي ارجع رجعت واني كلي امل انو اشوف كميل بيوم رجعنه والتقيت بأهلي وهااا الكل يدري حته جلنار تدري انو اني اتزوجت وجبت بنيه و زوجي توفى من قبل لا اجيب ماريا
ماريا تجننن كلامها عسل عسللل وهيه هم عسل كلش متعلقه بيه هيه وتحبني المهم وصلت للبيت وسلمت على اهلي ودخلت انام اني وماريا ما اعرف انام اله احضنها وانام
