I Will Never Let You Go(Completed)

Ep 12

Unicode

I Will Never Let You Go (12)

Ep_12

" ခင်ဗျားပြောတာတွေက အမှန်တွေလား "

သူမရဲ့လေသံမာမာနဲ့စကားဆုံးတော့
ချီယိုကောက ပခုံးတွန့်လျက်

" ဒီလောက် အကောင်လိုက်ကြီးမြင်နေတာတောင်
အဲ့လူကိုယုံကြည်ချင်နေသေးတာလား
မှန်လားမှားလား မင်းကိုယ်တိုင်မေးကြည့်ရင်သိရမှာပဲလေ "

ရန်ချီယိုကပြောတာ
ကိုကိုက ကျွန်တော့်ကိုအကွက်ကျကျလက်ထပ်ယူခဲ့တာတဲ့
အဲ့တာကလည်း ချစ်လို့မဟုတ်ပဲ အမြင်ကပ်လို့
သူ့တူအစား အချစ်ပြိုင်ဘက်ကိုရှင်းပေးတာတဲ့လေ
မဖြစ်နိုင်ပါဘူး
မယုံကြည်ချင်ပါဘူးလို့ စိတ်ထဲကငြင်းနေပေမဲ့
ခုရက်တွေမှာ သူမကိုအိမ်ထဲအကျယ်ချုပ်ထားတဲ့သဘောနဲ့
ဘယ်မှမသွားစေတာ
အပြင်သွားရင်လည်းသူပါမှ
ပြီး ကိုယ်ရံတော်တွေကမျက်စိဒေါက်ထောက်ကြည့်နေတတ်တာ
ဒါ့အပြင် သူမကိုလက်ထပ်ယူတုန်းက
အကွက်ကျကျခြိမ်းခြောက်ခဲ့တာတွေ
လီရာဝေလာတော့ ဟန်ဆောင်ပြပြီးစကားလမ်းလွှဲတာတွေက
မျက်လုံးထဲရုပ်ရှင်အနှေးပြကွက်လို အစီအရီပေါ်လာလေသည်။
ဒီထက်ဆိုးတာက သူသာရိုးသားရင်
သူ့တူ လီရာဝေနဲ့ငါ ရန်စရှိခဲ့တာကိုမသိဘူးလို့လိမ်စရာလား
ဘာမှ ရေးကြီးခွင်ကျယ်မဟုတ်ပဲနဲ့လေ
အဲ့ထက် တိုက်ဆိုင်တာက
သူ့တူ လီရာဝေဆိုတာက ချီဝမ်ရဲ့ရုပ်ရှင်ကားအတွက်
ပရိူဂျူဆာတဲ့လေ
မတိုက်ဆိုင်လွန်းဘူးလား
ကျန်သေးတယ် ဟာဝိုင်ရီကကိစ္စ
တဖက်လူတွေက
ရန်ပြုတယ်ပြောရအောင်ကလည်း ကိုယ်နဲ့သူ့ကို
အသက်အန္တရယ်အထိ ဒုက္ခပေးသွားတာလည်းမဟုတ်ပဲ
ကြောက်လန့်ရုံ ခြိမ်းခြောက်ရုံတင်လေ။

" ချာတိတ်..ရှဲ့ထျန်း..!

ရှဲ့ထျန်း..‌တစ်ယောက် တခဏမျှငိုင်ကျသွားပြီး
မျက်နှာအပျက်ပျက်ဖြစ်နေတာကိုမြင်လိုက်ရတော့
ရန်ချီယိုမှာ မိမိအကွက်ထဲ ချာတိတ်ဝင်သွားပြီဆိုတာသိလိုက်ရလေသည်။
ပထမတော့ ရှဲ့ထျန်းကိုပြန်ပေးဆွဲပြီး
ဟော်ရှန်ဖုန်းဆီမှာ မိမိဆုံးရှုံးခဲ့သမျှ ပြန်ယူမည်ဟု
စဉ်းစားခဲ့သော်လည်း
ယခုအခါ အတွေးပြောင်းသွားပြီး
ရှဲ့ထျန်းက ဟော်ရှန်ဖုန်းကို အမုန်းကြီးမုန်းစေချင်သည်။
ဒါမှလည်း ကိုယ့်အတွက်အခွင့်အရေးရမည်လေ
ရှဲ့ထျန်းအကြောင်း မိမိသိရသလောက်ဆို
အဲ့ကလေးက
လူချမ်းသာတွေဆီကလှည့်စားလိမ်ညာတာကိုခံရတာအမုန်းဆုံးဆိုတာပင်။
ကဲ မီးလျှံနတ်ဘုရားဆိုတဲ့ ဟော်ရှန်ဖုန်းခင်ဗျ
မင်..ဘယ်လိုတွေဖြေရှင်းမလဲဆိုတာ
ကျုပ် စောင့်ကြည့်ချင်ပါသေးတယ်။