Unicode
အာရုဏ်ဦးအတက်ကလေးဖြစ်သည်ကြောင့် မြောက်ဘက်မှ တိုက်ခတ်လာသော လေများသည် ခပ်အေးအေးလေးဖြစ်နေကာ နွမ်းနယ်နေသော စိတ်များကို အေးချမ်းသွားစေသည်။ ငါးနာရီဆိုသော အချိန်ကိုလာဗန်မြို့တွင်နေထိုင်ကြသော သူများက စောလွန်းသည်လို့ မသတ်မှတ်ကြပေ။ သူတို့သည် အချိန်ကိုလေးစားပြီးအလုပ်ကို ကြိုးစားကြသော သူများဖြစ်ကြသည်။
လာဗန်မြို့တွင် ပန်းပေါင်းစုံစိုက်ပျိုးသောအလုပ်က အဓိကစီးပွားရေးတစ်ခုလိုပင်ဖြစ်နေသည်။ လာဗန်မြို့ဆိုသည်နှင့် လှပသောရှူခင်း၊ မွေးပျံ့သော ရနံ့များကို တွဲမြင်ထင်ဟက်စေသည်အထိ ဖြစ်သည်။
ယနေ့တွင် နေကြာပန်းခင်း၌လူများစုဝေးနေကြသည်။ ရာသီပွဲတော်လည်း ရောက်တော့မည်ဖြစ်သောကြောင့် လုပ်ငန်းရှင်ကြီးများက ရာနဲ့ချီ ပန်းများကို အလုအယက် မှာယူနေကြသည်။
"ဒီတစ်ခြမ်း ပြီးရင် ရိပေါ် မနက်စာလာစားတော့နော်"
မလှုပ်မယက်နှင့် ပြောလာသော သူကို မျက်လုံးလှန်ကြည့်၍ နေကြာစေ့အမှုန့်များကို ထပ်မံချေမွနေသည်။ထိုပြောနေသူကလည်း ရိပေါ်ဆီက အဖြေမကြားမချင်း ထိုနေရာ ထွက်သွားပုံ မရှိတာမလို့ ရိပေါ်, နည်းနည်းလေး ညစ်သွားသည်။
"ဟေး ! ချီစတာ အနောက်ဘက်ကမ်းမှာ လူသေလောင်း ထပ်တွေ့ပြန်ပြီတဲ့ "
ချာကို က နေကြာပန်းခင်းထဲရှိလူများကြားအောင် အသည်းကုန်အော်ချပြီး ရိပေါ် နားကို ပြေးသွားလိုက်သည်။
ချီစတာ ဆိုသည်မှာ ရိပေါ်၏မိခင်ကို တစ်မြို့လုံးကခေါ်သောနာမည်ဖြစ်သည်။ ချီစတာတို့သည် တရုတ်လူမျိုးများဖြစ်ပြီး လာဗန်မြို့တွင် လာကြီးပြင်းကြသော သူများဖြစ်ကြသည်။
ချီစတာတွင် ဝမ်ဖန်းဖန်းလို့ခေါ်သော သမီးကြီးနှင့်ဝမ်ရိပေါ် လို့ ခေါ်သော သားငယ်လေး နှစ်ယောက် ရှိသည်။ ချီစတာတို့ မိသားစုသည် လာဗန်မြို့တွင် အသင့်အတင့်ချမ်းသာသော လူမျိုးထဲတွင်ပါဝင်သည်။ အရှေ့ဘက်ခြမ်းရှိ ပန်းအမျိုးစားငါးမျိုးကို ပိုင်ဆိုင်သော သူများဖြစ်သည်။ လာဗန်မြို့တွင် ပန်းစိုက်ပျိုးခြင်းကို သူ့ပန်းအမျိုးအစားနှင့်သူခွဲကိုင်ကာ စီးပွားရေးလုပ်ကိုင်ကြသူများဖြစ်သည်။ လွယ်လွယ်နှင့်အမြင်ရှင်းအောင်ပြောရလျှင် နားလည်မှုနှင့် အလုပ်လုပ်သူများဖြစ်ကြသည်။
YOU ARE READING
Until Then..
Fanfictionကောင်းမွန်တဲ့အရာတွေကို မင်းနဲ့ အတူ ဖန်တီးချင်တယ်။ P.S -ချစ်ရတဲ့ရှို့ရှို့လေးအတွက်ရေးပေးထားခြင်း ဖြစ်ပါတယ်💛
