عَـوض الله

جزء السادس

لـو ڪان الأمر عائِداً ليّ

* (چان ضَميتك بروحي)
:
:
:
ثم أفترقنا
ما امر الفراق
وذابت النفسُ جوئ وأشتياق
وذقت كأس البُعدِ مُر المذاق ....
:
:
*حرت شردلة وشنو حيكون جوابي ضليت صافنة ع تلفون الى ان حظرني مااكدر ادز شي بعد وهاي هيج كل فترة شكل تجي فترة_ يعاتب _ ومرات يغازل ولكن بعتب _ مرة عصبي واحس بندم واضل ابجي محتارة دايخة ماعرف شحجي وشنو اصرف /وهل هذا الشي الذي افعلة صح ام لا ؟؟.
شمرت التلفون ع ميز اخذت الدفتر كلت اقرة شكم ورقة اعيد ذكرياتي وانام لان جان بعد وكت للنوم...اول مفتحت الدفتر اجاني اتصال من بنينة (بنين )..
بنين :.لج عوبة وينج اشو عايفتني لاسئلين لاتكولين هاي وينها شخبارها خلي اسئل عليها وانتي شعندج مختفية خما صاير وياج شي ضل بالي يمج
ريحانة :..موجودة بس دوخة دمرتني ..
بنين:..موخوش شغلة هاي ..شوكت تبلشين دوام ؟؟
ريحانة:..ماعرف بعد ماانطونة خبر
بنين:..خير أن شاءالله ...يلا گلبي اخذي راحتج امي تصيحلي مادري شعدها
ريحانة:..براحتج حبيبي مع السلامة
بنين:..مع السلامة
سديت التلفون وفتحت الدفتر ببتسامة ...
احمد:..نعست ع هالصوت اجاني كومني من المرجوحة كومي ريحانو كعدي ع فراش احسلج (نسيت اكول الكم جبت فراش فرشتة بالحديقة )..كمت واجة هو بمكاني مدد باوعلي وكلي ...اني علمودج ترة ويضحك
جان الچو بي برودة حلو وبدايتة شتاء ...ايهم متمدد وايدة ع خدة مبتسم ويستمع
احمد:..خر* براسك ايهم نسيت اكول الكم عكب باجر اني طالع للشمال
ايهم :.. انتة ماعندك بس راسي وشعندك رايح ...هيج سياحة اني وأصحابي أعزائي احبائي السرسرية ضايجين كلنا نروح نغير جو نشوف العالم العالم تشوفنة تروح وياي لا انتة متروح ابقى بالبيت بمكاني ميصير نطلع اني وياك تبقى بالبيت تسوك يحتاجون شي يم عائلتي وعائلتك اعزائي عزاز گلبي وايضا
احبابي هالله تذكرت اغنية احباب الروح ريحانة حافظتها
جاوبتة :..ههههههه انطي مجال لنفسك اتنفس اكلتنة وشربتنة حاصل فاصل والاغنية لا والله مو كلها ...ههههه نجبي علمتج امي ..عود احفظيها ...ههههههه صار يلا اني اترخص اروح انام ..الله وياج بوية ♡
اليوم احمد يسافر ضجنة شوية يبقى ١٠ ايام ولان هو مونسنة بالبيت ومن طلع خالة بجت ورا وايهم وصلة للشركة ورجع ..بهاي الفترة خالة علمتني الطبخ اكلها يخبل وهيج من نوع تعتني بالطبخ وتحب تسوي معجنات وحلويات كل يوم تعلمني شغلة وايهم فرحان اكثر مني يومية اتعلم شي طبخ وحلويات معجنات *ملاحظة( ميلتقون بأقاربهم نادراً عدهم الاقارب عقارب )
مرت ايام ورجع أحمد وأخيرا ورجعت الدوخة للبيت هههههه جايب كرزات وهداية جنت محظرة كيك وعصائر طبيعية وخالة سوت الاكل وهيج ماشي يومنة مرت اشهر وقررت ارجع ادراستي وايهم كال اقدملج خارجي افضل وسنوات الانتظار شالوها اجتي من جانبي عمامي ماكو خبر عنهم مسمعت شي ابد بس خوفة بگلبي دائما اسمع خالة تحجي ويا ايهم ...خايفة عليها حيصير الها شي ..!
جابولي كتب بس بعد وكت للقراية قررت شهر الجاي ابلش اقرة وماجنت اعرف شضاملي..
مرت ايام عادي واذكر جنة كاعدين كلنة نتعشة يوم عطلة ومسوين سمج اغلب العراقين يحبون السمج بليل لاتستغربون
احمد:..اريد اعترف بشي الكم
ايهم :..ياستار كول
احمد :.. اخخخ ياايهوم وكعت اني وكعت
ام ايهم :..اسم الله يمة وين وكعت شوكت وشلون خما تأذيت
احمد وايهم :...هههههههههههههههههه
احمد :...يمة شبيج وكعت بالحب حبيت بنية والعلم عد الله ....يااا هاي يامكرودة ؟؟...افا يمة والله عيب اذا الحبيتها مكرودة ياهي المسعدة بللة ...ردت بضحكة اسكت حبيبي اسكت روح سوي چاي ....صار ياست الحبايب.
ايهم :...لككك حمد ماكلت هاي منو
احمد :...وحدة كردية من رحت للشمال بيتهم بصف الشقة الكعدنة بيها وهي يمكن تروح لدوام اشوفها دمها عسل هي عسل عبارة عن شيشة عسل واني النحلة
الكل:...ههههههههههه ...هاهاها احمد
احمد : ..يمعودين خلوني مو صرت شايب واني لازواج ولاحب ومخلي الحب لايهم والسايحة البرغي
ريحانة :...ههههههه انتو طوال وضخمين
احمد :..باع شلون لوتية
ريحانة :.. كمت اخذت الصينية وغسلت المواعين ورتبت المطبخ ورجعت للبيت عزلنا اني والولد وغسلتة غسل شبعنة ضحك ع احمد كل شوية واكع خلصنة البيت طلعنة ع طرمة واخيرا خلصنة تعبت وعركت كلت اطب اسبح شفت الولد طلعو ميجون هسة نزعت الحجاب ونزلت ملابسي دخلت للحمام سبحت وطلعت انشف بشعري اني وامشي للثلاجة اسوي ماعون فاكهة خاتلة بنص الثلاجة واسمع صوت احمد وايهم وراي متفاجائين بشعري ابد مشايفي بس اني وصغيرة ومجان هيج طول ومن أخذوني للمستشفى وماضن منتبهين علية دائما لابسة حجاب
بلبيت ابد ماانزعة فقط داخل الغرفة واذا يطلعون اخلي يمي خاف يجون بأي لحظة ....
احمد :... خر** براسك ايهم ابن المحظوظ
ايهم :... انجب احمد سد عيونك سد عيون احمد بيدة وهو ضل يباوع.... اني طلعت اركض ادور حجابي واسمع خالة ترزلهم وهمة ولا عبالك يضحكون بصوت عالي ويتناقشون
صعدت لغرفتي واني ميتة خجل احير وين انطي وجهي مشطت شعري ع سريع كل مااكبر كل ميطول شعري سرح وسواد الليل وبس لمعة قوية خالة دائما تكول شعرج يخبل لاشوفي لحد خاف يحسدو وعيون الناس مالحة ...ليش خالة اني وين شايفة احد ....هههههه هم صحيح وتضل تقرة ايات ومعوذات ورا ساعة نزلت لكيتهم كاعدين ياكلون فاكهة ويشوفون فلم صاحتلي خالة يمها اكعد وانمدجت ويا الفلم حلووو ...
احمد :... احمم ريحانة والله اني اعتذر بس عبالنة نمتو ومادكينة الباب كلة صوج ايهم ابو راس المدحوس ...بس تدرين والله شعرج يخبل
رفع اصابع ايدة ويعد..
١-صوتج يخبل
٢-شعرج يخبل
٣-طبخج يخبل
٤-شعرج مثل شعرها الحبيتها الكردية الادبسزز ممتحجبة خرببب براسك ايهم ...لككك يمة انطي مجال لنفسك بالحجي شكد تحجي وفوكاها حتى منلحك نجاوب تلبك لبك .....ههههههههه
ايهم :... اني شعليةةة كل شوية غالط علية بعدين منو سمحلك تتغزل بريحانة بلازحمة ؟؟؟!
احمد :..اكل تبن لككك اخوك الجبير واخوها لريحانة هم يلا نجب صدك باجر يجي ابوية ..حجت خالة بلهفة اي يمة ان شاءالله..
احمد :..ها ها يمة شتاكيتي لحضن الحجي
ايهم :..عصافير الحب صارلج شهر مشايفتة
خالة:...طاح حظكم شلون مااشتاك الة هذا الروح والرية
الكل:...هالله هالله تصفيقق
ثاني يوم اجة عمو واستقبلتة خالة بلهفة وحب رئسا حضنها احمد وايهم هلاهل وتصفيق سلمت علية ولمة حلوة كلعاده واحمد فتح موضوع السفر ويا اهلة ولكن هالمرة علمود حبيبتة الخبصنة بيها ...صح احمد يضحك هواي ويسولف هواي بس ماكو منة انسان كلش راقي وحكيم بتصرفاتة رزن شخصيتة كلش حلوة ويضحك ويحشش بس ويانا او نكدر نكول فقط ويا اليرتاحلهم وايهم كذالك بس ايهم اعقل منة ... يوم بعد يوم اتعلق بهاي العائلة كلش ولكن ابقى اريد اهلي الحقيقين ابوية امي خواتي ؟!..
مرت الايام وهاي خلص الشهر ودااحظر جدول للقراية بدة ايهم يشجعني ويسوكلي حلويات وكرزات وشكد يجيب زبيب ... بلشت اقرة وهو الي يقريني ومرات اني الاحسها صعبة اروح علية يبسطها الي احب شرحة بدراسة ...بهاي الفترة نزلو جوارين جدد يمنة رحنة اني وخالة من باب تقدير الجار ودينالهم غدة وكيك وتعرفت ع بنتهم جانت حبابة ولكن خالة معجبتها حذرتني منها ...بنتي لاتقوين علاقتج كلش بيها ولاتثقين بيها الأبنية واضح وكحة انتي فقط اخذي حذر منها ....صار خالة وبقت نصيحتها بالي
مشت حياتي طبيعية حلوة هادئة..احمد تعرف ع بنية ومقرر يخطبها كلش فرحانين بس بقينة نتعرف عليها .. ريان الي هي جوارينة بدت تجي يمنة وتعرفت ع اسمي وعمري سئلت هواي اسئلة باقي الاسئلة جذبت بيها يطلع عمرها ٢٣ هيج شي المهم بقت كل فترة تجي بس ماروح وياها ومن تجي وتشوف الولد تسوي حركات وطك بعلجها مطلعة شعرها من الشال وتلعب نفسي والعائلة الكريمة كذالك احمد يقلد عليها من تمشي وتعوج نفسها وبعلجها ...مرت ايام عادية ويا الدراسة الى ان اجة يوم واجتي ريان.!
ريان :..ريحانة فدوة تعالي وياي للسوك
ريحانة:.. لا عفية ماروح لسوك وحدي الة امي وياي
ريان :... اوييي هاي شبيج قابل وين رايحة دمشي نروح منتأخر اصرت كلش علية !...ماشي بس اكول ال امي واجي...(مااكول كدامهم خالة كلة ماما وبابا )رحتلها للغرفة وحجيت وياها
ريحانة:..خالة ريان تريدني اروح وياها للسوك اروح ؟..
خالة :..فزت من مكانها لا يمة ممنوع
ريحانة:..لحت علية رغم كتلها ماروح ..اي كوليلها امي تعبانة والولد ميقبلون ..صار حبيبتي بستها من راسها
ورجعت للحديقة كتلها مثل مكالتلي خالة ضاجت وراحت سديت الباب وراها واني لعبانة نفسي منها دروحيييي شكد لزكة ...لليل اجوي الولد وانطونة علم نبدل حتى نطلع نتعشى برة طلعنة كلش تونسنة بس انتبهت ع ايهم بنص الطريق وضاج بدة يفتر ويغير الطريق ومن يسئلو يجاوب...نفتر ماعدنة شي لـ ١٢ ونص اخذنة لفندق والكل تفاجأت لكن ايهم مو ع بعضة شكد رادت منة خالة تعرف ليش جاين جوابهم .... كهرباء بالبيت ماكو ..
ايهم واحمد وعمو طلعوو يحجون برة ربع ساعة ودخلو لكن وضعهم مو طبيعي المهم نمنة من وكت وكعدنة من الصبح حتى نرجع للبيت قبل الكل كعدنة ورجعنة للبيت حذرونة منطلع ابد خالة زهكت عليهم حتى يحجون شكو
احمد :.... يمة بعدين اسولفلج بس خلي نرتاح وروحو نامو ...طشرو كل شخص راح لغرفتة يرتاح بس اني ضليت احوس ممرتاحة دزيت رسالة ال ايهم ..!
:💬
ريحانة:..ايهومتييي
ايهم :..عشگة
ريحانة:..ضل بالي يمك فدوة احجيلي شصاير
ايهم :..لاتشغلين بالج ريحاني ماكو شي
ريحانة:...حباببب
ايهم :...ضروري يعني ؟
ريحانة:..اكيددد
ايهم :...ماريدج تضوجين او تخافين بس عمج الخيخة ع كولت احمد ..ندل مكانة والبارحة لحكنة ودز تهديد يخطفج الغبي لهذا السبب فزيت السيارة ضيعتة واخذتكم للفندق .
ريحانة:..شلون ندل احنة وين ؟؟
ايهم:..مادري هذا الي مخبلني بس اجتي بالي شغلة يجوز لكة اسمي بالجامعه وراقبنة بس لاتشغلين بالج ..جبان كلشي ميسوي بس حجي
ريحانة:..احجي وارجف رجعت ذيج الايام بية بس قويت نفسي او تظاهرت بالقوة رديتلة...الله كريم راح انام اني
ايهم :.. نوم العافية يبعد العافية واهلها نامي ولاتفكرين اني موجود والله يحلها
ريحانة:... ان شاءالله
طلعت الصورة حضنتها ونمت من التفيكر.
ذبيت حيلي ع دراسة بهاي الفترة اقترب موعد امتحاناتي
ضبطت المواد الى ان اجة يوم اخذت ريست (عطلة) مااقرة بي كاعدة بالمطبخ اكتب يومياتي ومحد بالبيت خالة راحت للدكتور هي وايهم عمو واحمد بشغلهم ..رفعت راسي باوعت بالكاميرات شفت ريان اجتي حجيت بگلبيي اهووو بدت رحمة الله ..دكت الباب بقوة طلعت فتحتة من ورا خشمي ...سلمت وكالت ريحانة شعندج وحدج بالبيت تعالي يمنة وهم امي دزت عليج ...لايمعودة هسة تجي امي ..لا تتأخر امج واذا اجتي ارجعي ضلت تلح وافقت بنفاذ صبر لبست عباتي شكيت ورقة كتبت بيها رايحة يم ريان امها عزمتني مااتأخر وطلعت وياها لبيتهم بعد عن بيتنة ٦ بيوت( من غبائي ماسئلتها شلون عرفت اني وحدي بالبيت ؟؟)وهم كلت مااتأخر ..اول مدخلت عافتني بغرفة الضيوف كالت بدلي نزعي شالج ماكو احد بالبيت هسة اجي ..تفاجات ماكو احد بالبيت مو كالت امها؟؟؟ بس بطالة مشروب وجكاير وريحة تلعب النفس نصدمت من الشفتة ريان أختفت متتت بدمي رجف جسمي وحجيت بخوف وحروف متقاطعة ر..ي..ان ؟وينج سمعت صوت قفل الباب وصوت رجال صار عندي لعبان نفس قوي رجفة خوف قلق صدمة دخت كلة مر بدقيقة ركضت ختلت ورا التخم (قنفات ) جانت ذني الملكيات يعني مشوفني..اسمع صوت ضحكها ويا رجال لا مو واحد ثنين!!!!دقايق ودخلت لغرفة الضيوف العافتني بيها هي وشاب ولبسها فضيحة تخبلتتت اول مرة اشوف هيج ماكو اية ومعوذات ماقريتها لكن بصعوبة لساني نربط هاي حالتي من اخاف حجت بصوت مايع ..ريحانةةةة وينج وين رحتي مجاوبت حتى نفسي كطعتة اكدر اشوفهم من جوة التخم ..الشاب هاي وين راحت ..هسة تجي راحت للحمام تبدل اسمع صوت ضحكها وياهم صار هدوء بس صوت انفاسهم عالية...لعبت نفسي اكثر من الديسوو اختنكت ماعرف شسوي ورا دقايق اجة الثاني بس مااكدر اشوف شكلة اخاف يشوفوني...سمعت صوتة يحجي وياها !! هاي وينها وين راحت ؟ مو كلتي جبتها ؟؟هاا اي هسة غير دتبدل ..صاحتلي بصوت عالي .. ريحاننةةة وينج وين رحتي هاي شبيج شنو مستغربة لاتخافين مياكلوج ..! اطلعييي ريحانة ماسويلج شي بس اريد اعتذر منج ع السويتة
صدمت عمري ودماري ......سمعت صوتة وريحتة وصلتني اي هوة والله هوة ياربييي ماعندي غيرك ياربي انقذني بابا ايهم وينكم لحكوني شجابة ع ريان وشلون هيج صار؟؟؟؟

يتبعع
شتتوقعون يصير ويا ريحانة ؟
وعسى كل نفس صابرة يسقيها الله فرحاً يساوى الكون كله.
في قلمي 🖊
فرح"