عشقت حورية

20

#عشقت_حورية 💥🤎
20
بقلم يوستينا سامي

في المستشفي عند حور ..

الممرضة / الحق يا اسد باشا .مدام حور فاقت عمالة تكسر في كل حاجة جوا

اسد بخضة جري علي اوضة حور و اول ما دخل اتفاجاه بالادوية في وشه 😜 ( الصراحة انا عن نفسي مش طايقاه )

حور بعياط و زعيق/ اطلع برا ..انا مش عايزة اشوفك انت ازاي زبالة اوي كدة ..اطلع برا انا بكرهك اطلع برااااا

اسد بخوف / حور اسمعيني . ارجوكي اسمعيني انا فعلا بحبك ..

حور ضحكت بستهزاء / دلوقتي بقيت حور مش كنت معيشني في وهم جميلة .. و همتني اني مراتك كنت عايز مني ايه ..
و قعدت علي السرير و فضلت تعيط جامد / انت دمرت حياتي و كسرتني .. انت اللي موت ابويا انا شوفتك يومها .

اسد حاول يقرب منها بحزر / والله انا ما كان في نيتي اذيكي يا حور .صدقيني انا فعلا كنت بحاول اساعدك بس علشان كدة قولت انك مراتي و اكبر دليل اني ما لمستكيش
علشان ..

بس فاجأه حور ضربته برجليها في بطنه

اسد بالم / اعااا اهدي يا حور .ايه الغباء ده . اهدي وانا هفهمك كل حاجة والله.

حور بصريخ / انا مش عايزة اسمع منك حاجة و مش هسيبك يا اسد يا عقاد .. والله لاموتك انت السبب في كل حاجة وحشة حصلتلي اصلا ..

و جري الممرضات و مسكوا حور علشان يسيطروا عليها و دخل الدكتور واداها حقنة مهدئة و طلب من اسد انه يطلع برا .

_____________________بقلم ✍️يوستينا سامي

اسد فضل واقف برا مستني الدكتور يخرج واول نا خرج جري عليه بلهفة ..

اسد / دكتور طمني عليها .. اي حصلها

الدكتور / حضرتك ما ينفعشي تدخلها دلوقتي يا اسد باشا
هي لازم ترتاح 

اسد / حاضر انا هبعد عنها دلوقتي ..بس فهمني ايه حصلها

الدكتور / للاسف هي رجعتلها الذاكرة بس واضح ان في مشاكل كتير بينكم ..انا كنت متخيل انك هتقدر تهديها بس طلعت مصدر خوفها ..فارجوك امشي

اسد اتوجع اوي من كلام الدكتور و حس انه فقد اخر حد في حياته و بص للدكتور بوجع وقاله

اسد / انا همشي يا دكتور بس ارجوك طمني عليها انا فعلا خايف عليها اوووي اووي

و خرج اسد من المستشفي و ركب العربية و هو حاسس ان قلبه بيوجعه علي كل اللي حواليه و اتجاه للمستشفي الي فيها حسن ...
_______________________________________
في الفيلا عند حسام ..

حسام / انت بتقول ايه يا جاسر . اكيد انا مش هاذي حسن اينعم انا زعلان منه بس مش هعمل فيه كدة برضوو .

جاسر / انا هروحله المستشفي لازم اطمن عليه .

حسام مسك ايده / استني هنا انت اتجننت تروح فين انت فاكر ان اسد لو شافك هيصدق انك معملتش حاجة .

جاسر / انا مايهمنيش كلامك ده ..انا كل اللي يهمني ان حسن ما يفتكرشي اني عملت فيه كدة .

حسام / بس لو اسد عملك حاجة انا مش هسكت و بكدة هتعمل مشكلة يا جاسر ..

جاسر / ملكشي دعوة يا عم بيااا ..

وفعلا جاسر خرج من الفيلا و راح المستشفي

_____________________________________

في البلد عند علي و صالح فعلا قدروا يهربوا من البلد و خرجوا علشان يسافروا مصر ..

علي / انا مش مصدج اني سبت عيشة يا صالح ..انا فعلا ندل جوي كان المفروض ..

صالح قاطعه / لا انت مش المفروض تعمل حاجة يا اخوي ..انت مكنش يصوح تاخدها من جوزها و لو كنت جولتله اكده كان طاخك عيارين

علي بعصبية / بس ما تجولشي جوزها .هو اتجوزها بالعافية يعني جواز باطل وانا مش هسيبها يا صالح انا لازم ارجعها تاني لحضني ..

صالح / طيب اهدي يا علي ..اهدي بجي العصبية دي مالهاش عازة دلوجتي .. احنا بعون الله هنلاقي اسد العقاد ده و هيساعدنا ..

____________________________________

في الفيلا

رقية كانت قاعدة متوترة اوي علي جاسر و حسام اللي نزل وراه وكانت متاكدة ان هتحصل خناقة بينهم في المستشفي

حياه بتريقة / ايه يا حربوئة مالك جاعدة اكده زي اللي انكب طبيخها ..مالك في حد اهنا زعلك ولا ايه

رقية بصتلها بقرف / بقولك ايه انا مش طايقة اشوفك ولا حتي اسمع صوتك ..انت فاهمة ولا لاء واتفضلي بقي غوري من وشي

حياه / يا نهارك مش فايت يا بت .. صحيح جليل رباية
انا بجي هربيكي .. تعالي بقي وكويس ان جاسر مش هنا علشان محدش يحوشني عنك

و فعلا حياه ضربت رقية و رقية كانت بتحاول تجري منها و الخدم حاولوا يحوشوا بينهم و  قدروا و رقية جريت واستخبت في اوضة حسام و قفلت الباب عليها ..

_________________________بقلم ✍️يوستينا سامي

في المستشفي ..

مراد واقف مخنوق جدا و مش عارف يعمل اي حاجة غير انه يدعي لحسن .. هو كان لسه مخرجشي من العمليات

اسد دخل المستشفي و سال عن حسن و راح ناحية اوض العمليات و شاف مراد قاعد بيعيط ..قرب منه و حط ايده علي كتفه

اسد / اهدي يا مراد .. إنشاء الله ربنا هيسترها و هيقوم منها علي خير ..

مراد بص لاسد بضعف و خوف و فاجاااااااه ...

تفتكروا رد فعل مراد ايه ؟؟؟؟

لو التفاعل حلوووو هنزل بارت بكرة ..شجعووني بقي و عايزة اعرف رايكم في القصة بجد 💕🤎🤎