عشقت حورية

41

#عشقت_حورية
41

بقلم /  يوستينا سامي

حسام ابتسم وبص لاسد وقاله / تفتكر الموضوع ممكن يخلص بسهوله كده، بس اقولك انت عندك حق يا اسد
انا كمان مش قادر على كره او خناق من جديد ،  انا غلطت اصلا لما رجعت من بره عشان اخذ حقي منك .

اسد / حسام انا عارف اللي حصل بينا زمان صعب انه يتنسي ،بس أوعى تنكر ان الايام اللي فاتت هونت علينا كلام كثير و حاولنا اننا نتعامل مع بعض و نجحنا في ده .

حسام/ و اللي انت عايزه مني دلوقتي هو اني اسامحك مش كدة ، طب ازاي يا اسد انا عايزك تحط انت نفسك مكاني
انا فعلا مش قادر اكرهك ولا قادر اذيك برغم كل اللي عملته فيك الا اني كنت موجوع برضو عليك ، لكن انا لو سامحتك هقل في نظر نفسي ودي اخر حاجه فاضله ليا  هي كرامتي …

اسد / طب علي الاقل كفاية مؤمرات ..حسام انا عايز اعيش حياه طبيعي .. و حور نفسي افرحها بقي و اعوضها عن اللي شافته هي كمان .

حسام / اسد …انا هسافر لاختي .

اسد /😳😳😥…

______________________________

مراد برا المستشفي و جاسر كان جيه وقف معاه ..

جاسر / هو فين حسن صحيح .

مراد ابتسم / حسن ده الوحيد اللي محظوظ فينا والله اديه اتجوز و عايش حياته و احنا كنا بندور عليك انت ومراتك

جاسر / انا تعبتكوا معايا اوي انا عارف .

مراد / ما تقولش كدة ، ده انت لو كان حصلك حاجة عمرنا ما كنا هنسامح نفسنا ..بس المهم بقي دلوقتي ..

جاسر قاطعه في الكلام  / ايوة ان حياه تقوم بالسلامة هو ده المهم فعلا

مراد / احم ايه الاحراج ده .. انا كنت هقولك اني عايز اخطف واحدة بحبها و ابوها رافض يجوزهالي

جاسر / اه ابوها رافض تقوم تخطفها .. ما هو ده اللي ناقص ما انت ابن عم اسد العقاد هستني ايه منكوا يعني  و بعدين ابوها رافضك ليه يعني ..

مراد / علشان دي ضريبة اننا رجال اعمال ناجحين و معروفين ..

جاسر / مين الكداب اللي قالك الكلام العبيط ده ..

مراد بستغراب / كلام عبيط ليه .. ده حسن اللي قاله ليا

جاسر / اخوك بيضحك عليك طبعا ..لانك لا راجل و لا معاك اعمال  و لا حد يعرفك اصلا . اسكت خلي الطابق مستووور .

مراد / لا والله ماشي يا جاسر ..هزر ما انا ناقصك اصلي ..ايه ده .. مش ده  حسام اللي  نازل من المستشفى اهوو 

جاسر / حسااام تعالي رايح فين يا ابني

حسام بحزن / عادي بقي رجعت تاني ماليش مكان هناا انت هتقعد جمب حياه و اسد مع حور و هعمل ايه يعني