هلو بنات وشباب خلي احجيلكم قصتي طبعاً اني اسمي
شهلاء من مواليد ٢٠٠١ عمري حالين ٢١ سنه احنه عائله متكونه من اربع اشخاص اثنين ولد وثنين بنات اكبرنه اختي اسمها شهد عمرها ٢٧ سنه حالين واخوي سجاد عمره ٢٥ سنه واني الوسطانيه واخويه الاصغير عمره ٢٠ سنه بدت قصتي من واني صغيره
شهلاء:من واني صغيره جنت دامن منعزله عن اهلي وعن لبيت كولياته كاعده بزويه واحجي ويه روحي طبعاً اهلي ملاحضو عليه انو اني بيه حاله نفسيه لان ماعدهم شي اسمه حاله نفسيه او طراب نفسي وجنت مااحس بي شعور تجاههم وكذالك جانت معاملتهم دامن جافه حيل ويانه امي من لنوع العصبيه حيل حيل .. ومحسيت نهاين بحنانها او عطفها جنت دامن اسوي نفسي مريضه او تعبانه بس حته يصير عدهم اهتمام ليه بس للأسف لشديد جان دامن يجي لعكس كبرت شوي ودخلت مدرسه وهنانه صارت الكارثه استعابي بطيئ حيل وهم صرت انسه كل الي قريته واضل ابجي ومن ارجع للبيت تتلكاني امي وتكولي انتي كسوله انتي مابيج خير اني بطبعي ماحب ادرس صرت لان شنو ادرسه ينسي احب اسوي شي واحد هوا لتنضيف حته اخفف من لتوتر لي عندي كضيت طفولتلي حته لو انكتل هم مبتسمه ابجي وهم مبتسمه كبرت شوي وصرت بلمتوسطه وهنانه الكوارث صارت اختي واني اعترف احله من عندي بس جانو العالم تحجي حجي لدرجه جنت اصلي واطلب من ربي اكون حلو جانو يتنمرون عليه العالم وصديقات اختي جانو يكولون شهلاء ليش ضخمه واختها ناعمها شهلاء سمره وموحلوه شهلاء خشمها جبير شهلاء متشبه اختها شهلاء بس اسمها حلو
