البارت السابع((الحب المجهول))💕
#الجزء السابع
#عليك ان تكون قويا حتى تتحدى الاقدار
علي..واحنه دا نصايح ومتعاركين ما انحس الا الرمي صار علينه طشار ..وما احس الا احمد وكع اجت طلقه بجتفه ورجله كلنه انبطحنه بالارض اني وابوي وامي بس اجمد فقد بنفس اللحضه اني كلت خلاص مات اخوي وحزام ضهري كله بسببي ..ضلينه مبطوحين الى ان خف الرمي اني رأسا خابرت على عمامي سمعو تخبلو كلهه اجت مسلحه وهي علكت ..اني ضليت حاير امي متخربطه احمد متصوب لا اكدر اكوم من الصدمه والهبطه على اخوي وامي واشوف ابوي كام يبجي يكلي ..ها هسه ارتاحيت
علي..يابه مو وكت هذه الحجي هسه ..سمعت واحد يصيح عرفته رجل زينب الحقير
مروان...لك اطلع حقير هسه ختلت مثل البزازيين يا خايس اطلع خل افرق هذه المخزن كله براسك واشوفك الزلم شلون تصير..
علي..هو دا يسب بيه سمعت عمامي اجو وهيه علكت
وللعلم اني خزرجي اجه شيخ خزرج مو العام انما شيخ فخذ مثل ما يكولون..
همه دكونه وراحو يعني من اجو عمامي كاللولهم الكم عطوه يومين وراهه يصير الحجي مو زين عافوهم وراحو..
اجو عمامي يركضون عليه وشالو احمد للمستشفى وامي هم
لأن ضغطه صاعد.
الشيخ..ولك علي ليش مكلتنه قبل ميجون
علي ..شيخ والله اني ما سويت شي بس دافعت عن وحده يتحرش بيه ابن عمهم
الشيخ..وانته شلك شغله عسى ما يغتصبه
علي..شيخ اذا انته دكول هيج لعد الا
شيخ.لعد شنو الساقط شيكول
علي لا حشاك شيخنا مو قصدي عليك شيخ مروتك هسه مو وكته خلي انشوف يعيش يموت
الشيخ..والله ما افوته الهم صارو زلم هسه عشيرة فلان ولكم بس لو ملحكين عليهم الا جان وكلناهم وحل...ما يستحون الى متى ننتهي من هاي السالفه ما #الدكات لازم نوكفهم لحدهم...
علي ..وأني حاط ايدي على راسي من القهر وما احس الا الدكتوره تصيح منو اخو المريض
علي..اني اني خير خو ما بي شي
دك....اي حالته حرجه ومحتاجيله دم بأسرع وقت
علي ...اني دمي يطابق دمه
دك....لعد يله بسرعه خل نسحب
علي...سحبت مني بطل ونص زلو ما شويه اكله اسحبي دمي كله..
خلو دم الاحمد بس حالته ما طمن اجت الدكتوره كالت تره حالة المريض حرجه ويمكن نفقده هيه كالت هيج لو آني تخبلت
علي...ولج شنو يموت هذه اخوي ياناس هذه حزام ضهري هذه روحي ولكم هذه عشرة عمري كوم احمد ولك كوم الاخوك ولك احمد كوم خليني اخطبلك الاتحبه وازفك بأيدي يخوي ولك احمد لاتعوفني ما اسامح روحي يبعد كلبي كمت اعيط مثل المره وتوني اريد اروح اركض على الانعاش وما احس الا ولد عمي مجلبين بيه .
ولكم هدوني خلوني اشوفه اخره مره يخوي لا تكسر ضهري لا تعوف اخيك مذنب ولك احمد صدكني بعد ما ازعل عليك ولك احمد احمد لا تعوفني وكمت ابجي وادك على راسي😭😭😭😭 الى ان الدكتوره اجت تركض كالت الحمدالله المريض عاد وعيه اني هنا وكعت بالكاع من التعب والبجي وتأنيب الظمير..بس حقا الاخو من يروح ينكسر ضهره ..
علي ..طلعوا احمد من الانعاش..عاد اني ارتاحيت رجعت على امي..
علي..ها يمه شلون صرتي
امه ..بخير ييمه ليش هيج دون متعبنا اذا كل واحد يحب هيج على حجيك العالم تموت
علي ..بعد ما تشوفون مني الشي المو زين بس كومي بسلامه
امه..بشرني يمه على احمد
علي..بخير يمه بخير..ما كدرت اكول اله خاف يسعد ضغطه وهيه تعبانه..علي حبيت امي وطلعت من غرفته رجعت على اخوي احمد نايم لاحس ولانفس..اباوعله من الشباج..تعبت رحت نمت بحديقة المستشفى ..وما احس الا واحد يكعدني باوعت هذه ابن عمي فؤاد
فؤاد..ها يخوي خيرك جنك تعبان
علي ..اي والله
فؤاد ..روح نام واني هنا يم امك واخوك روح اخذ ابوك وارتاح وراك انوب كعده وهذوله غافلين هالمره بس ولا يهمك احنه بضهرك ما نتركك.
علي..ما اعرف شلون اشكرك صدك انته ابن عمي
فؤاد..ولا يمك انته اخوي
علي..صدك امنت فؤاد على اهلي واخذت ابوي للبيت نمت وارتاحيت..مر اسبوع على الحادثه واحمد طلعوه من المستشفى..بس شويه تعبان وضعفان طبعا امي ثاني يوم طلعت ..توني دخلت احمد متكئ على جتفي تلكتنه امي توه تريد تحضنه.وجان اكول اله لحضه لحضه مو زين عليه ..دخلته غرفته وارتاح ..دزو الي خبر عمامي على الفصل لأن فاتت المهله ٥ايام .رحنه أني وعمامي وشيخنه ..
اول ما طلب اامحكم شهادتي..اني
المحكم..احجي ابني
علي ..شيخنه اني من ضربته لكيته يتحرش ببنيه واني شالتني الحميه وهو هم غلط عليه وسبني
واحد من عدهم كمز...وانته هيج سبع وتتبلى على ابنه
الحكم..من اوجهلك كلام احجي ما علموك الاصول
علي ..اني شلون ترتاحيت من رزله..كملت للشيخ الحجي كله شلون دكونه وصوبو اخوي
الحكم ..خلصت
علي ..اي شيخ
اجه ..رجل زينب حجه حجته..وجذب هواي يكله هيه تجدي واني اجيت انطيه فلوس وهو يكلي تتحرش بيه المهم جذب من كال بس
رجع الشيخ طلب حجتي..وكتله هسه احنه اهل الحك لأن هو تهجم عليه واهوي راد يموت بسببهم واني من ضربته بأيدي
ما ضربته بتفكه لان هاي بس ااجبان يسويههن المهم من حجيت هيج هيه كبت العالم وما سكتهم المحكم بالشافعات.
كالي كمل ..
علي..احو هجمو علينه رمي مال موت يعني لو ميتين جان من ضل لعوائلنه..يعني لو يريدون حك ليش ما طلبو نكعد مثل هاي الكعده ونحله..
المحكم ..تعاطف وياي وطلب دليل تصويب اخوي فؤاد ابن عمي شاطر رايح للبيت وجايب التقرير ..وانطاه للمحكم قراه المحكم وثبت الدليل ..اباوعلهم عيونهم صارت حمر يريدون ياكلوني..المحكم كال..
اني راح احكم بالعدل والعدل يكول بالبدايه جان الكم حك بس هسه سقط حككم ..وانتم مطلوبين حك لبيت فللان وادفعون مبلغ قدره ٤ ملايين ..واذا احد اتعرض الهم ادفعون ..٢٠مليون وسلامتكم..
علي ..محد اقتنع وهذه اليذبح وهذه اليصلخ وصارت هوسه بس بالاخير احنه الربحنه ربك بالمرصاد وينطي الحك لعبده..كل من رجع البيته ..وجابو الفلوس وانطوهن الولد عمي ..بس ضلو يخبثون ..المهم اني ما الي شغله بيهم اخذت حكي وزود وخليتهم بحركتهم..
مر شهر على الحادثه..واحمد تقريبا تعافى وصار زين اجيت عليه..
علي..ها شلونه البطل
احمد ..زين ما دامك يمي
علي..يخوي تدري لو صاير بيك شي جان ما خليت واحد عايش.
احمد..والله انته اخو ونعم الاخو..
علي..دا اسولف اني واحمد وما نحس الا اب
