البارت السادس((الحب المجهول))💕
الجزء السادس
#عليك ان تكون صبورا على الزمن فأما يكون معاك او يكون ضدك..
علي..واني ابجي وانعي وحيدي وما احس الا واحد كسر الباب من الدك ما فتحته بس احمد جذب عليه وكالي امك تخربطت اني نهضت لا أراديا" فتحت الباب جان تطلع امي كبالي واكفه يم الباب حضنتني وكامت تبجي
امه..يمه تحجي صدك حاصر روحك بين اربع حيطان علمود مره.يا يمه
علي..بس يمه هاي مو كل مره هاي حبيبة كلبي وحب سنتين شلون تريديني انساهه بالسهوله
احمد..ادري شنو تضل كاعد بغرفتك وتارك دوامك علمود وحده ما صارت من نصيبك.كافي عاد حس على روحك شوف امي شلون كلبه تكطع عليك وانته ولا هامك..
علي ..اني ما يهمني امي اهم شي امي وصحته
احمد ..ما دام هيج تحب لعد انزل تعشى ويانه
علي..ما اشتهي
احمد ..لعد يمه ازعلي عليه
امه ..اي يمه اني زعلانه عليك لا تخليني اغضب عليك
علي ..لا يمه كلشي ولا غضبج راح انزل اتعشى
نزلت تعشيت وي اهلي وثاني يوم كعدت الصبح بدلت وصلني اخوي احمد للكليه ودخلت المحاضره بس مالي خلك
الاستاذ دا يشرح وآني بآلي مو يمه
وآني صافن وما احس الا واحد يصيح عليه
علي علي لك علي
نعم نعم استاذ
شبيك وين صافن شنو ما دا اشرح
علي..العفو استاذ شويه دايخ
استاذ .صارلك يومين ما جاي وفاتك امتحان ومحاضرات ليش
علي..استاذ ظروف
الاستاذ..هاي خوش كل واحد مخليله عذر هذه ظروف هذه خطيبته تاركته شلون راح نكضي السنه ضروف وحب كافي عاد مو مللتونه شني السالفه شوفو اليوم آخر يوم الكم الي ما ينتبه يطلع بره اسمعون بدون زعل
علي..صار استاذ
يله وهسه نرجع الدرسنه
علي ..كملت المحاظره بعد ما حصلتلي رزاله معدله وأني امشي اجاني سامر.
سامر..ها ابو الحب اليوم نورت الجامعه
علي..ااشكرك
سامر..اكلك مو طوخته حيل
علي ..شني
سامر..سالفتك وي زينب يعني شنو اول آخر واحد يحب انته
سويته قصه كافي البنيه تزوجت وراحت البيت رجله دنساها يا اخي..
علي...عندك علاج نسيان حتى انسى
سامر...ههههه كل عقلك ما تكدر
علي..اي ما اكدر شتريد تسوي سوي
بهالاثناء دا انسولف وجان تجي وحده من زميلاتي جانت تحبني بس اني ما عندي مشاعر اتجاهه
فاطمه..سلام عليكم
علي ..وعليكم السلام
فاطمه..شدعوه سلامك ثكيل عليه
علي ..العفو شويه تعبان
فاطمه ..بيك العافيه
علي..اشكرج خيتي..شو أني كلت خيتي عساني ما كلته هههه
هاي انكلبت علي طنطل
فاطمه..شنو خيتي هاز كاروكي بس انته مو مآل واحد يحبك صدك روح على ذيج الحبيته وضحكت عليك بس انتم الزلم خليكم هيج
علي..كامت حتى ما تعرف تسولف..كتله كملتي كالتلي بحركه
فاطمه ..اااي
علي..اشوفج بخير لأن ما الي خلك اسولف عفته وخليته بحركته.كملت دوام ورجعت للبيت تلكاني اخوي احمد
احمد..ها بشر شلون صرت اليوم
علي ..بخير الحمدالله.اكلك احمد امي وين تلكاهه بالمطبخ تغسل اماعين . رحت على امي وسلمت عليه وحبيت راسهه
شلونج حبيبه الله يساعدج على التعب
امه..الله يوفقك وليدي..اكلك يمهزوالله اني تعبت شوكت تتزوج انته اخوك حتى ارتاح وتجيني جنه وتشتغل بمكاني
علي..انشالله تهون
امه ..شوكت يا يمه
علي..الله كريم
علي ..مر على زواج زينب شهرين واجاني خبر مثل الصاعقه
وكالولي زينب حامل عبالك مرتي صعدت عندي الغيره فول
هسه مره واتزوجت شلي بيه بعد بس بعد الكلب مصيبه.
من يحب..من حبلت زينب اني كطعت نفسي .صار اهتمامي الدراستي فقط.ما افكر بغير شي لازواج ولا حب شكد اجن رادن يرتبطن وياي بس اني مغلس لأن من غدرت بيه زينب اني صرت اعتبر الحب مجهول .اجتني امي كالت يمه انريد مسواك ..كلتله ماشي.اتسوكت وكملت.وأني بالشارع وشفت واحد يتحارش ببنيه وهيه تمشي يذب كلمات اهله من الصدفه اني فتت هيه الابنيه تكله انته ما عندك خوات تتحارش بيه مو عيب عليك هو ولا هامه اني جنت ما منتبه عليه حيل..بس ما تحملت رحت عليه ..توني اريد اضربه واشوفه ابن عم زينب ورجله وأني كلبي موجر علي
كتله.ولك ما تستحي ذاك اليوم تزوجت وتتحارش بيه اليوم الا اصمط والديك ضربته بوكس كسرت خشمه وهو هم قاوم ضربني بوكس اجه بجتفي ..واناملك عليه دك بوكسيات من صنفته تصنيف اجو العالم فكونه والبنيه كامت تعيط اجيت عليه كلتله لا تخافين هذا ساقط وما متربي وخلي بالج من هالشباب لا تطلعين وحيدج بعد هيه اتشكرت مني وراحت
توني ارتاحيت كسرت خشمه وكسرت خشم زينب لأن وافقت على هيج انسان قذر..رجعت للبيت وجان يتلكاني احمد
احمد..ها شسويتنه مصيبه انوب وجهك اصفر
علي ..اسكت ولك كتل رجل زينب طلعت كل حركتي بيه احمد كام يصيح
احمد..تحجي صدك بينه حيل يوميه نفصل
علي ..طبه مرض لكيته يتحرش ببنيه جان جاب النه العار
احمد..احنه شلنه شغله بيه عساه ما يزني انته ليش دائما منزل روسنه هم حب وحب خالك وراح تبدي المشاكل علي والله تعبتنه حيل حب الاكشر هذه شنسوي وشيخلصه ما كيفنه خلصنه من ذيج المحنه انوب جبتنه هاي
علي ..ابوي وامي سمعو اصياحنه اني واحمد واجو يركضون
حسين ابوعلي..ها يابه شمصخم انوب
احمد ..كاتل رجل زينب الاخ
حسين..افه ولك ليش تريد تنزل راسي يوميه ليش ولك ذيج المره كوه دبرنه المليونين هسه اذا اجونه منين انجيب الفصل
علي..كولو ياالله شنو فصل هو اعتدى عليه وأني دافعت عن نفسي بعد شني هيه.
احمد..انته مو تدريهم شرانيين وحقك خاف ذيج المره رضو بمليونيين هالمره ما راح يرضون بعشره
علي..وطبهم طوب شيصير خل يصير محد كايللهم ما يربون ابنهم.
حسين ابوه..ولك انته صاير لسانك طويل ولك خاف عبالك ما بيه حيل والله اطردك من البيت مثل الجلب سمعت لو لا
علي..هيج صارت يابه علمود واحد ساقط تريد تطردني.
حسين..اطرك وانعل والديك
احمد..كافي لا يصعد ضغط ابوي هسه مو وكت هذه الحجي
خلينه نشوف حل لهاي المصيبه.
علي ..واحنه متعاركين بالحجي وصياح وما انحس الا الرمي صار علينه طشار.وما احس الا احمد.............
#هذه هي الحياة تأخذ منا من تحب وتبقى لنا من تحب
