السلام عليكم انا ادم مختار انا لا صاحب شركه ولا بتاع انا واحد ساقط ثانويه عامه سنتين ورا بعض والحمد لله خدت معهد خدمه اجتماعيه واتعرفت علي كيرو ومحمد مهما فشله زيي بس اصغر مني بسنه ودلوقت عاطل عن العمل بس عندي صفحه كبيره شويه علي الفيس بوك وبشارك تجاربي اليوميه لحد في يوم ما حصل اللي حصل
...............
ادم : يا شباب كتاب لعنه فرعون اي لعنه اي انتو مسلمين
كيرو : انا مسيحي
ادم : اسكت يلا
محمد بضحك: ياعم مسيحي مسلم الموضوع اصلا ميتصدقش
ادم : مهو دا قصدي حتي لو عاوزين هنلاقيه فين
كيرو : هجيبه بس ملكش دعوه انت
محمد بخوف: افرض الموضوع كان بجد يا كيرو
نهض ادم واضاف : اعملوا اللي تعملو انا هروح اشوف ماما كفايه قعده علي القهوه
كيرو : طب يا عم ادم
محمد بخوف : يارب احفظنا هقوم اصلي انا كمان
كيرو بسخريه : سلام يا شيخنا
ادم : قوم روح الكنيسه يخويا وبطل تريقه
كيرو بغمزه : عيب هقوم اهو
في منزل ادم
ادم : ماما مامااا
ام ادم : اي يبني صرعتني داخل عامل زي سرينه القطر ليه
ادم بضحك : جعان يا ستي
ام ادم بشهقه : قوم يواد روح شوفلك شغل جعان قال
ادم بهمس : هطفح اللقمه اللي لسه مش كلتها دلوقت
ادم : يا ستي بكسب فلوس من علي النت
ام ادم : ولما تيجي تتقدم لوحده هتقولها اي ولا تقول لابوها اي
ادم بسخريه : والله يماما ما عارف مش لما احب الاول
ام ادم بحنان : انت ابني الوحيد واتمني تعيش حلو النت مش مضمون يحبيبي
تنهد ادم بتعب : حاضر
رن هاتف ادم
كيرو: تعالي بسرعه علي بيتي يلا
ادم: فيه اي نظر للهاتف وجد ان كيرو فصل الخط في وجهه
أردف ادم بصوت عالي لامه : انا نازل
ام ادم بتأفف : انزل يفاشل
تنهد ادم بحزن ونزل
وصل ادم لبيت كيرو ودخل وجد والد كيرو جالس
ادم : ازيك يا عم مينا عامل اي
مينا بترحيب : اهلا اهلا بحبيب قلبي ازيك ياض
ادم ببسمه صغيره : بخير يا عمو كيرو فين
مينا : في اوضته ادخله
فتح ادم باب غرفه كيرو واردف : انا جيت
كيرو بضحك : نورتينا يا جورجينا
محمد بضحك : والله لولا دقنك ياض كنت قولت انك بنت
نظر له كيرو بخبث : لو كان بنت كنت اتجوزته
ادم بضجر : عاوزنا في اي
اخرج كيرو كتاب من تحت وسادته
كيرو : لعنه الفراعنه
محمد بخوف : ما قولنا بلاش
ادم : انت مصدق التخاريف دي
كيرو : متيلا
محمد : ادم الكتاب دا ملعون ولعنه فرعون مش سهل تطلع منها اسمع كلامي
كيرولوس : يا محمد متكبرش الموضوع دا كتاب انت بتصدق
ادم : متيجوا نقرأ ونشوف
فتح ادم الكتاب بهدوء
قرأ ادم اول صفحه
ادم: لمن يقرأ اعلم فقد ادخلت نفسك في مكان لا خروج منه مرحباً بك في لعنه فرعون
ابتلع محمد بخوف : اهو بدأنا
كيرو بتأفف : ياعم متخافش دا قاطع كلامه ضوء خارج من الكتاب
ادم بخوف : يالهوي
افاق ادم بنعاس وتعب ونظر حوله بخوف ووجد محمد وكيرو نائمان
ادم : محمد كيرو فوقو
كيرو بنعاس : اي فيه اي
محمد بنعاس : هو احنا فين
ادم : باين والله اعلم علي سفينه
محمد بفزع : اللعنه حقيقيه
كيرو برعب : الكتاب فين
ضحك ادم بهبل : مش لاقيه
محمد : احيه
ادم بفزع : محمد وكيرو نظر في الكتاب لازم نلاقي الكتاب
فتح الباب بقوه
....: من انتم
كيرو / محمد / ادم بصدمه : يالهوييي
