وَقَعِت بحُب خاطفِي..!

بارت①

﴿بسم آلَلَهّ الرحمٰن الرحيم﴾
🍃🍃🍃🍃🍃🍃🍃🍃🍃🍃

الاء
......
رجعت من المدرسه الساعه بـ2:00 تعبانه كللش دخلت للفر؏ مال بيتنه لكيت حبيب الڪَلب واكف ويمه اصدقائه خطفت نضره وحده اله ولكيت صديقه يباوع عليه استحيت وكملت طريقي للبيت
دكيت الباب محد يفتحه الي دكيت اقوى سمعت صوت ولد يحجي وياي درت شويه لكيته صديق حميد وحميد  سلم على صديقه ودخل للبيت

: على كيفج وي الباب راح يتفلش

غلست عليه مرديت رجعت ادك بالباب والدنيا منا بارده ثللج فلشت الباب وطلعت اختي الجبيره ساره طبعاً لازم ارزلها لان بطت يله فتحت الباب

غسلت وبدلت وتغديت ورحت اراسل "حميد"

دزيت الوو
اجيت وينك

تقريباً مرت 4 دقايق يله فتحها دز

: هلا

: شبيك شو مالك خلكي🙂

: الاء البارحه خطبتج من ابوج وما وافق

: شنوو اني مو كلتلك ـلا تحاجي هسه لان اني اريد اكمل المتوسطه

: شنو تكملين متوسطه تره امي كامت تلح عليه ازوج تكلي شنو عمرك راح يصير 28 وكلت اشوف ابوج اذا وافق ادز امي ومرت اخوي

: حميد تره واذا صار عمرك28هم بعدك شاب طلعلها عذر مثلا اريد اشوف حياتي بعدني شاب

: والله ما ادري اشوف عود اذا اقتنعت اله اردح للصبح خوب هاي لو يحيى ما مزوج وهيج كاللها تسكت عنه من اول مره واكلج انا راح اطلع وي جماعتي للكوفي

: خوش انا هم نعسانه راح انام

: يله نامي حته تكعدين تقرين

: تمام عود خابرني الساعه بـ5 كعدني

: خوش يله بيباي حبيبتي  اني رايح

: بايات حبيبي

نهيت المحادثه وي حميد واني ميته نعاس طفيت الفون ونمت كعدت على عرك اخواني يوسف وبنين الصغار
صحت بيهم صووت

: امشوو اطلعو بره زمايل ادبسزيه ما تعرفون واحد نايم

يوسف وبنين: انجبي احنه محاجينج

: لا ابد بس تتصايحون فوك راسي
امشو انزلو جوه العبو بالصاله الجوه لو تعلبون بالصاله الفوك

:خاب شو ما تسكتين

طارت النومه من عيني خذت تيليفوني باوعت للساعه بـ4:35 لكيت واصلني اشعار من اليوتيوب لملا مسلم الوائلي قصيده جديده رحت نزلتها انتظرتها تكمل تنزيل وطفرت احجي وي حميد راسلته ما رد
اتصلت عليه طلع يرن شال الفون عبالي هوه توني مخليته على اذاني  كلت ها حم.. سمعت صوت امه

: الوو انتي منو شتردين من الولد ما تخلينه نايم

: ساكتت ما رديت

: ما تحجين بسلا خرسه

هم سكتت ما رديت

سمعت صوت ولد يمهه

: ها يوم ويامن تحجين

: تلفون حمودي وحده مسميها ام الچفافيص سطرني رديت محد يرد

كلتلها انا اعلمه مسميني ام الچفافيص ادك واراسل ماكو عبالي مثل ذيج المره هم مسوي حادث💔🤦‍♀️

: ها هاي يجوز صاحبته

اجه يوسف يصيح كبل سديته لا انوب يروح يفضحني

رحت للمحادثه كتبتله

: يمه خرطت العافيه امك ترزل بيه وانا كوه كاتمه ضحكتي

طلع متصل

كتب
: ها ترزلتي تره انا كاعد من امي ردت عليج

: هااا جا ما ترد عليه من اراسلك

: تعبان اريد انام شويه حته اطلع اغسل السياره

: تغسل السياره بهالبرد؟

: جا شسوي انتي قريتي لو لا

: لا توني كعدت

: يله انا رايح اصعد لغرفتي ابدل وانام

: جا انتَ نايم يم امك؟

: اجيت وكالتلي "زهراء" (اخت حميد) امي كالت من يجي حمودي كليله خلي يجي الغرفتي

: يي وشتريد منك

: تريدني اعرس

: ييي وشكلتلها انته طبعاً كيفت

: اي كيفت ردت اكللها تجي تخطبج انتي واشو كالتلي اريد اخطبلك اخت فاطمه مرت اخوك يحيى

: حميد وتالي وياك كللها ما اريد اخطبها وفض السالفه

: شكللها مثلاً ما تقتنع

: كللها ما اريد اخطبها احب وحده ومنتضرها تكمل دراستها من الثاني متوسط واخطبها

: هيهي حته تعفطلي كبل

: 😂😂😂😂😂😂💔 شخطت المره على كبر تعفطلك

: اكلج شو تضحكين انتي

: جا ابجي شسوي اكلك الباب تفلش تفليش يمكن اهلي نايمين اشوف منو بالباب واجي

: خوش

نزلت جوه واشوف امي نايمه بالصاله واختي ساره الجبيره يمها وبنين نايمه بحضنها واخوي يوسف يلعب بالفون مالته

طلعت للباب فتحته طلع سيف ابن عمو محمد

سيف: انطيني مسدس ابوج بسا؏

صفنت بوجه كلتله شسوي بي

عاط بيه كال جيبي بسسساا؏

ركضت كعدت ماما واخذته وانطيتهياه

ماما كعدت تخابر بعمتي تسالها شكو

كالتلها عمي متعارك احنه عبالنا وي واحد من يمهم على مود الطيور شو لمن دكت علينه عمتي مرة مصطفى تسال بامي شكو شصاير عمامي وولد عمامي كلهم مسلحين ومتجمعين ببيت جدو

يتبع...

اخوان هذا البارت596 كلمه وباجر هم هيج وقت يجوز هم انززلكم بارت

احبكم ♥