"عن سلمان المحمدي (الفارسي) رضي الله عنه قال: سمعتُ رسول الله (صلى الله عليه وآله) يقول: (الحسن والحسين ابناي، من أحبَّهما أحبَّني، ومن أحبَّني أحبَّه اللهُ، وَمَن أحبَّه الله أدخله الجنة، ومن أبغضَهُمَا أبغضَني، ومن أبغضَني أبغضَه الله، وَمَن أبغضه الله أدخلَه النَّار عَلى وجَهه).
وعنه صلوات الله عليه وآله :
(إِنَّ لَلحسين دَرجةً لا يَنَالُها أحدٌ مِن المَخلوقِين).
••••••••••••••••••••••
رقية : صباح الخير استاذ ممكن توقعلي هالاجازة
أ. حسين : صباح الخيرات شو ٤ أيام خو ماكو شي
رقية : كل خير استاذ رايحين للاربعينية ان شاء الله
أ. حسين : للأربعينية شنو ؟؟ بابا النساء ميصير يرحن زيارة
بابتسامة باهتة ع وجهها
: ليش ميصير ماكو نص قرآني او حديث نبوي يگول النساء ميصير يحيون الشعائر الحسينية
أ. حسين : وماكو نص قرآني يقر بوجود الشعائر أصلاً
رقية : استاذ الشعائر وليدة حب الناس للإمام الحسين ومن زمن الإمام الصادق (ع) كان يحث الناس ع الزيارة رغم الصعوبات والعقبات اللي فرضها الحكم العباسي ك..... قاطعني
: زين والتزاحم اللي يصير ؟!! واللي نسمعه عن العلاقات والمواعيد اللي تصير هناك والمتبرجات اللي بالطريق شون اخلي زوجتي وبناتي يختلطن بيهم شنو معندي غيرة !! حتى الإمام الحسين ميقبل
رقية : هذه الحالات الشاذة متواجدة بكل مكان وزمان واذا
تجي للحق برأيي نسبتها متتجاوز 5% من عدد الزوار
لكن للأسف السلوك الخطأ يعم والمغرضين اتخذوها مادة
دسمة وحجج حتى يفشلون الزيارة استرسلت أستاذ اعتقد
زوجة حضرتك موظفة ؟؟
وكل يوم الصبح توگف ع البصمة رغم ازدحامها بالموظفين
والموظفات وحجتها القوية أنو هذا عملها وخ نفرض جدلاً أنو
الوظيفة والتزاحم شي مسلم بي ، زين بالنسبة لمشاركتها
بالاعتصام اللي صار قبل كم يوم وچان التزاحم والاختلاط بي
واضح لكن حضرتك مرفضت ولا منعتها !!! لأن چان عدها رسالة
وهدف وچانوا ديدافعون عن قضية موصح ؟!! زين بنات
حضرتك طالبات جامعيات ويشوفن اشكال بدهاليز الجامعة
وهالموضوع بالذات اذا سلطنا الضوء عليه نحتاج أيام وأيام ،
هل هذا يعني أنو نبطلهن من الدراسة ؟؟ بحجة الاختلاط
والأمثلة كثيرة ، أستاذ قضية الحسين أعمق من هذه النظرة
السطحية اللي مأخوذة عنها الإمام الحسين عليه السلام
هو سرُّ بقاء الإسلام إلى هذا اليوم ، والناس
ـ على اختلاف مذاهبهم وأديانهم واتّجاهاتهم ـ
يحسون بأعماق نفوسهم وبصميم قلوبهم باندفاع نحو
الإمام الحسين عليه السلام بالذات ؛ وعدهم رغبة عارمة
لتأدية شعائره المقدّسة للحصول على الثواب الجزيل الذي
أعدّه الله جل وعلا لزائر قبر الإمام الحسين عليه السلام في
الآخرة هذا الثواب الذي انذكر بصراحة بعشرات الأحاديث
الصحيحة المعتبرة اللي لا شكّ فيها ولا ريب علاوة على فضّل
الله تعالى على زائر قبر الإمام الحسين عليه السلام من
سعة الرزق وطول العمر ودعاء الملائكة له ، وغيرها من
البركات التي نطقت بها الأحاديث والروايات الصحيحة المعتبرة.
** بإمكانك ـ أيّها القارئ الكريم ـ أن تقوم بمراجعة كتاب كامل الزيارات ـ للمحدّث الجليل الثقة : ابن قولويه ـ لتقف على جانب من تلك الأحاديث الشريفة المرويّة في هذا المجال.
أ. حسين : بضحكة والله شگلچ يابنتي أفحمتيني ع گولة سعيد صالح !!!
رقية : بخجل ههههه العفو استاذ مو قصدي بس حبيت أبين وجهة نظري
أ. حسين : ليضل بالچ مجرد ممازحة وهاي اجازتچ وقعناها
ترحين وترجعين بالسلامة ديري بالچ ع نفسچ وادعيلنا
رقية : قضاء الحوائج يارب وإلك مني 100 خطوة هدية
:
:
:
:
بعد عدة أيام وبعد انتهاء مراسيم الزيارة المباركة التحقت رقية
كسائر الناس بعملها استقبلها مديرها -الذي بدوره اصطحب
عائلته بسيارته الخاصة لنيل شرف المشاركة بركب العاشقين-
وكذلك استقبلها زملائها المتنوعي الطوائف جلست تروي لهم
كيف كان سفرها بطريق الحسين مبدئتاً حديثها
بـ (من هنا بدأنا) مشيرة الى قلبها ......
رحلة مباركة بذكر الحسين سبط الرسول .. أحبتي ستكونون برفقتي اختكم زينب عبدالله للسير بطريق الحسين مع زواره ومشاهدة مايجري بها عن كثب .
مع امتناني ... دمتم بخير وفرحة أحبتي ❤️ ••
لتنسون التصويت حبايب ⭐️
