أنا سميتي أسماء أنا من لبنات لي كانو لعام لي فات كيقولو "ياربي العام جاي نغسل دوارة في دار راجلي " استجب ليا الله دعاء وهاد العام عيدت مع راجلي فدارنا بوحدنا حيت مكاينش لكونجي عند حسام (زوجي) وأنا بيني وبينكم أول مرة نعيد بلا ميمتي حبيبتي يالا فضيحتي هه .. طلع صباح لعيد ومشينا أنا وحسام لمصلى غاديين في طريق وكيعاود ليا ونعاود ليه
حسام : عرفتي أ أسومتي منين نجيب الحولي من الكراج غادي تبقاي غي حالا فمك
أسماء : علاش؟؟؟
حسام : حولي كبيييير ولحم كيبان من لهيضورة هاد لعام نزردو حتى يخرج لينا لحم من ودنينا باش تعرفي راسك محزمة بسيد رجال
أسماء : تا أنا راجلي العزيز غادوق أحسن شكامبة (كرشة) فحياتك فدارنا ديما كيعطيوني أنا نطيبها متشبعش منها تلحس صباعك موراها
حسام : بصح إيوا الله يخليك ليا ويخليني ليك ... تأ أنا ملي بديت كنصوم وبا كيعطيني نسلخ لحولي
كملنا صلاة وحنا مرتاحين وتايقين في بعضياتنا أنا مشيت لدار نوجد لوازم ذبح وراجلي مشا يجيب لحولي من الكراج ... ملي جابو تصدمت ديال بصح
أسماء : أويلي أحسام هذا حولي ولا مشيش ؟؟؟
حسام : شوفي مزيان راه سيد لحوالا هذا ... نتي لي عينيك كبيرة كتشوفي كلشي صغير وزايدون لمهم هو الأضحية وحنا غير جوج
دخلناه لدار وبقينا شوفيا ونشوف فيك اطاجين الحوت
حسام : أجي المسخوطة تشدي معايا ونتي جالسة بحالا كتفرجي فسامحيني
سناء : لا لا أخويا مابيني وبينك والوا لي دارها بيديه ويفكها بسنيه أنا كبدتي هشيشة وقلبي صغير لا يتحمل
حسام : شوفي أديكا يانتي ياهو هاد نهار اختاري ؟؟ داك لفشوش خليه فداركم
مشيت وأنا كنترعد خفت يولي معيد بيا أنا نيت ... شديت لحولي رجليه وأنا سادة عيني سمعتو كيقول بسم الله ماحسيت براسي حتى جيت مردوخة بقوة ما كيفركل الحولي وحيت قصحاتني ضربة
#يتبع
