ကလေးဆိုးလေးက ကျွန်တော့်အပိုင်ဖြစ်ပါသည်

နာမည်ကြီး စားသောက်တစ်ခုရဲ့ VVIP Room အတွင်းရှိ
ထိုင်နေသော Mr.Jeon၏ မျက်နှာမှာ ဒေါသအရိပ်ရောင်တို့ စိုးမိုးနေပါသည်။ အကြောင်းမှာတော့ Mr.Jeonဟာ အဖိုးဖြစ်သူရဲ့
စေခိုင်းမှုကြောင့် ကြင်ဖက်တွေ့ရန် စောင့်နေရခြင်းပင်။
တွေ့ရမည့်သူက ယောကျာ်းလေးတစ်ယောက်ဖြစ်သည့်အပြင်
ထိုလူအားမတွေ့ဘဲ ပြန်လာပါက အိမ်သို့ပြန်မလာခဲ့နဲ့ဟု
တစ်ချက်လွှတ်အမိန့်ပေးလိုက်သောကြောင့် စိတ်မရှည်သော်လည်း ထိုင်စောင့်နေရခြင်း။

Mr.Jeonသည် ထိပ်တန်းစီးပွားရေး လုပ်ငန်းရှင်တစ်ယောက်
ဖြစ်သလို သူ၏ visualမှာလည်း ယောကျာ်းလေး မိန်းကလေးတိုင်း သဘောကျ၍
လိုချင်ကြသည့် ရုပ်ရည်ဖြစ်သည်။ထို့ကြောင့်
သူသည် ရုပ်ရှိရေလျှံ သူဋ္ဌေးတစ်ယောက်ဖြစ်သော်ငြား
အသက် 30ကျော်သည်အထိ လက်တွဲဖော်မရှိဘဲ
တစ်ကိုယ်တည်း လူပျိုကြီး ဖြစ်နေဆဲဖြစ်သည်။

အဖိုးဖြစ်သူက ကြင်ဖက်ရှာပေးသော်လည်း ရှာပေးသမျှ
မိန်းမတိုင်းကို အကြောင်းအမျိုးမျိုးပြကာ ငြင်းခဲ့သည့်နောက်မှာတော့
အခုတစ်ခေါက်တွင်တော့ ယောကျာ်းလေးတစ်ယောက်နှင့် ကြင်ဖက်တွေ့ခိုင်းခြင်းပင်။

အခု ထိုလူကိုစောင့်နေသည်မှာ နရီဝက်ခန့်ရှိနေပြီဖြစ်သလို
အရိပ်တောင်မမြင်ရသေး။ထိုစဥ် Mr.Jeon၏ အခန်းထဲသို့ ဝင်လာကာ သူ့ရှေ့တွင်
တည့်တည့်ဝင်ထိုင်လိုက်သော ကောင်လေးနှစ်ယောက်က လက်ကို ကိုယ်စီ ချိတ်လျှက်။

"ဒီက Jeon Jungkook ဟုတ်ပါတယ်နော်"

"အင်း"

"ကျုပ်က ခင်ဗျားနဲ့တွေ့မယ့် Min Seokjinပဲ သူက ကျွန်တော့်ကောင်လေး Park Jiminတဲ့"

"အဲ့တော့"

မျက်စပစ်၍ မေးလာသော ရှေ့ကလူကြီးကိုကြည့်၍
Min Yoongi စိတ်အချဥ်ဖောက်လာပါပြီ။

"ဘာဖြစ်ရမှာလဲဗျ ခင်ဗျားဘက်က နောက်ဆုတ်ပေးရမှာပေါ့"

ဒီလောက် အရိပ်ရော အကောင်ရော ပြနေတာတောင်
နားမလည်သေးသည့် ခပ်တုံးတုံးလူကြီးကို ကိုကြီး
jin မကြိုက်မိတာက အဆန်းတော့မဟုတ်ပေ။
ဘာတဲ့ ကြားထားတာတော့ Jeon Jungkookဆိုတဲ့
ဘဲ​ကြီးက အလွန် ဇီဇာကြောင်သည်တဲ့၊ ဒါကြောင့်လည်း လူပျိုကြီး ဖြစ်နေတာ​နေမှာ။