قيود الروح

إعلان

_ سحبت الشال حطيته على راسي شلون مچان
وطلعت اركض للشارع بالدشداشة ...

اريد بس اخلص منه لدرجة حتى نعالي نسيت البسه اركض واني حافية ومحاسة بنفسي ...

شفت جارتنه چانت تمشي وتطگ العلچ كالمعتاد
الوگت چان ظهرية صيف والجو حار
باوعتلي بأستغراب واني اركض بهالحالة ....

مهمني بذيچ اللحظة لا ناس ولا اي احد
غير شي واحد اريد انجو بنفسي وبس ...

هذا حصيلة الجنيته بأيدي وهاي ثمار عنادي ...

حسيت راس الشارع صار شبعداته
مدري اني رجليه صارت بعد متحملني ...

وكفت وصارت الافكار توديني وتجيبني
حتى لو رحتلهم ودكيت الباب
مستحيل راح يطببوني
مستحيل راح يقبلون بيه بعد الصار
وحقهم ما ألومهم كل الصوچ مني
وقليل لو شميسون بس وين انطي وجهي هسه ...

واني واكفه وموج الافكار يوديني ويجيبني
فجاءة حسيت بعباية صارت على راسي
انداريت مفزوعة چان الگاه كدامي
لزم ايدي بقوة عصرها بيده حيل
لدرجة حسيتها حتنكسر بيده وگال:

_ امشي گدامي بهدوء لا تشوفين مني شي مايسرج ...

هذيچ اللحظة حسيت نفسي
مثل الي احتركت بالنار ولا هي الميتة وخلصانة
ولا هي الگادره تداوي نفسها وعايشة مثل هالناس ...

كل مكان بجسمي جان يون من الألم و يوجعني
سحبني من ايدي بهدوء ورجعني للبيت
صعدني للطابق الثاني
طببني بسرعة وشمرني بالغرفة
اقترب من وجهي وگال بعصبية:

_نفس ماااا اسمممع فاااهمة ؟!
واعرف شلون اعلمچ على هالتصرف راجعلج ...

طلع وقفل الباب عليه دمعت عيوني
وصارت دموعي تنزل وحده وره اللخ
وين راح لساني وين راحت قوتي
ليش هيج انهاريت گدامه
وصارت مالي كلمة وياه
ليش هيج مستضعفني ...

گمت وگفت گدام المراية مباقي مكان بيه صاحي
وجهي كله زراك لا وكدمات ودم
رگبتي مليانه شطوب
وجسمي بعد اكثر متتوصف حالته ...

لحظات من الضعف خلتني انهار اكثر واكثر
وعقلي صار يصورلي شغلات بشعة
شراح يسوي بيه هالمره وشراح اسوي
اعرف دماغة واعرف اذيته مالها حدود ويايه...

وكفت گدام الشباك
استنشقت هوا والغصة مالية صدري
چانت الكتيبه مال الشباك ناصية لحد ركب الرجل
ويطل على الممر الخلفي مال البيت
احس دموعي نشفن من گد ما بچيت ...

فجاءة فگ الباب واني احس
نشف دمي بجسمي من الخوف
اجه بسرعة لزمني من شعري
وگام يغلط غلط مصاير هذا غير الضرب والراشديات

واني ادفع بي واحاول ابعد نفسي منه
محسيت غير فلتت من ايده
رجعت ليوره بخطوات لا ارادية
وهويت من الشباك للكاع ...

لحظات ما اعرف شلون اوصفها
مسمعت بعدها غير العياط يمي
وجع يموت ودم بكل مكان كولشي صار مشوش
وحتى عيوني صارت ما شوف بيهن زين
غمضت عيني واني اتمنى
اموت واخلص من هالعذاب ...

꧁يتبع꧂

⛓️⛓️ رواية قيود الروح ⛓️⛓️

روايتي القادمة بأذن الله

رواية واقعية باللهجة العراقية

انتظروني بيها قريباً...

ضيفوها للمكتبة عدكم
حتى اول ما ابدي انزل البارتات
تجيكم إشعارات بيها ...

واهم شي كبداية صوتوا للمشهد
و كولولي رأيكم بيها بالتعليقات ....

ولا تنسون تسوون تاكاتكم
لأصدقائكم التحبون يقروها وياكم
وتصير لمتنه سوه أحلى😘

متابعة لحسابي Lahn_ALnoor
ليصلكم كل جديد

تحياتي ومحبتي لكم ....
الكاتبة لحن النور
متابعة ممتعة للجميع ...