زواج اضطرارى...( الكاتبة أروى عادل)

الفصل الخامس عشر وقبل الاخير

أورى ٠٠ عمر انا حامل
عمر٠٠ حامل ازاى..قصدى منين...قصدى فين
أروى ٠٠ عمر .. عمر .. ششش ... خد نفس بعد كدا اتكلم
عمر٠٠ حامل بجد
أروى ٠٠ ايوه بجد
عمر٠٠ و انتى ازاى ماتقوليش حاجة زى دى
أروى٠٠ عمر انا لسه عارفه إمبارح
عمر٠٠ بنت ولا ولد.
اروى٠٠ انت تقول ايه لسه بدرى على الكلام ده
عمر٠٠ اه كمان بلاش مش عايزين نعرف بنت ولا ولد بس انا عايز بنت شبهك..مش ممكن انا هكون أب
اروى٠٠ عمر اسكت ششش
عمر.٠ ششش هسكت.. اه هتولدى امتى
اروى٠٠ عمر لسه بدرى انت بتقول ايه
( هنا حضنها عمر و بيقول)
عمر٠٠ شكرآ انك موجوده فى حياتى



عمر٠٠ اسمعى انتى تقعدى ماتقوميش من مكانك و انا هعمل كل حاجه.. اه قوللى فى حاجه وجعكى انتى تعبانه
أروى ٠٠ عمر انا كويسه
عمر٠٠ بس انا بسمع ان الحامل بتكون تعبانه
أروى٠٠ انا لسه فى الأول الكلام ده مش دلوقتى خالص
عمر٠٠ يعنى انتى مش حاسه باى حاجه
أروى٠٠ طبعا حاسه
عمر٠٠ طيب حاسة بأيه
أروى ٠٠ حاسه انى عايزه حضن كبير اوى
(هنا حضنها عمر ثم رن جرس الباب)
عمر٠٠ ماتتحركيش انا إللى هفتح

■■■■■■■■■■■■■
عندما رأت ناديه فرحة عمر قالت.

نادية٠٠ مساء الخير
عمر٠٠ مساء الخير
نادية٠٠ من الفرحه إللى فى عينيك يبقى أروى قالتلك مبروك
عمر٠٠ مبروك عليكى انتى كمان هتكونى جده لو انى مش مقتنع..بصراحه
نادية ٠٠ مش مقتنع بأيه بالظبط
عمر٠٠ انك تكونى جده بصراحه شكلك صغير اوى على الموضوع ده
نادية٠٠ اعمل ايه فيكم كبرتونى
أروى٠٠ ماما (حضنت أروى أمها )
نادية٠٠ يلا ممكن تغيرى هدومك و تلبسى ده
أروى٠٠ ايه ده ياماما
نادية٠٠ لبس هيكون ايه يعنى ... يلا غيرى وبسرعة
عمر٠٠ على فين
نادية٠٠ عزمكم على الغدا
عمر٠٠ بس بشرط انا إللى هدفع
نادية٠٠ وانا موافقه

■■■■■■■■■■■■■■
فى مطعم على البحر

نادية٠٠ ايه رأيك فى الاكل على فكره المطعم ده من احلى المطاعم إللى بتعمل مأكولات بحرية فى اسكندرية



عمر٠٠ فعلا انا عارف اكلت هنا قبل كدا
ناديه٠٠ بجد انت على كده بتيجى اسكندريه كتير
عمر٠٠ اه طبعا انا اعرف كل حته فى اسكندرية
أروى٠٠ اه.. محسوبك صايع قديم
نادية٠٠ لسانك يا أروى
أروى٠٠ هو انا قولت حاجه
عمر٠٠ ابدآ يا حبيبى
( هنا قرصها عمر فى رجلها)
أروى٠٠ اى ى ..
نادية٠٠ فى ايه
أروى٠٠ شوفتى قرصنى ازاى
عمر٠٠ انا .. امتى
أروى٠٠ دلوقتى
نادية٠٠ خلاص الناس بتتفرج عليكم .. بطلوا شغل عيال ده
( قضيت ناديه اليوم كله برفقة عمر و أروى )
نادية٠٠ هترجع القاهرة امتى
عمر٠٠ المفروض بكرة
أروى٠٠ بكرة كدا على طول
عمر٠٠ معلش عندى شغل فى الشركة
نادية٠٠ هتوحشينى يا أروى
أروى٠٠ رايحه فين ياماما ماتجى معانا القاهرة
نادية٠٠ اروح فين اعقلى شوية
اروى٠٠ خلاص بس على الاقل خليكى معايا حتى النهاردة
نادية٠٠ حاضر من عينى