سجناء في الحرب

في الحـــرم الجامعـي 4

#سجنـاء_في_الحرب
#منـــار_العجــيل
#البارت_الرابــع

بيـوم اتجهت لجامعـة بس هلمـره من بعيـد ارقب، جانت هستوها طالعه من مختبر لابسه لابكوت وتمشي باتزان وثقه، كل شخص اله زميـل الا هيه وحيـده ، واذا شخص اجا حجه وياها ترد بابتسامه بسيطة وتسحب نفسها بهدوء، فاجا شخص حجه وياها، ما اسمـع يس اخذها وكعدوا باقرب مقعد ، حسيت الحراره صعدت وخفقت دكات كلبـي، نظراته تبين نيته وشنو يريد، بعد ما كعدوا تقرب بهدوء وكفت على بعد مسافة بدون ما ابين وجهي الها واسمـع الهم .
وسالها:"امتحـان التشريح كان سهـل"
هزت راسها تايد كلامه :"كثيغ(كثير) وحتـى متوقعت بهذهِ السهولة ، حتى حسيت قغايتنا(قرايتنا) زيادة"
ضحك وهو يباوع بعينها، اما هيه فنظراتها بالفنـاء :"اريد اقولج شي"
باوعت عليه وكالت بتوتر:"قــــــول "
:"اكيد ممتوقعه اجيت علمود التشريح"
:"اكو شي ثانـي؟"
وزاد تعرقه معلن عن توتره:"اني دحقتك انتِ انسانه مليحـة، رغم ما مختلطة ويه ويحد، بس حبيت اخلاقك ما اعغف(اعرف) اول ما دحقتك حسيت انتِ الانسانـة الي اغيد(اريد) اكمل باقـي حياتـي وياج"
ما اعرف شخـص اذا مكاني شنو ممكن يصرف، بس صرفت بدون تفكيـر والاول مره تكون تصرفاتي ما مدروسه، تقربت بهدوء وثقة وبابتسامـة بسيطة:"مرحبــا"
صدمتها بوجود زميلها واعترافه الها زادت بوجودي. رد الولـد:"اهـلاً"
للحظات ما اعرف اسمها وما اعرف شنو اكول ولا حتـى اعرف انطق بس باوعت عليها، يمكن فهمتني وحست، كامت وابتسمت:"اجيت"
:"بلي حبيبتي نطلع اذا خلصتي؟"
اندهش الولد وكال بعد ما تنقلت نظراتي عليه :"كنت يمها علمود اسالها على مادة التشريح عندي سؤال صعب وغدت(ردت) ، يعني غدت(ردت) اسالها"
خليت ايدي على كتفه بهدوء وباتسامة:"اذا هيج كمل سؤالك عادي انتظر"
نزعت لابكوت ولمت كتبها واغرضها وكالت
:"لا خلصنا يعني اخذ جوابه اعتقد"
هز راسه يايد كلامها، مديت ايدي الها، بقت صافنه على ايدي، ونبهتها:"يله حبيبتي"
هزت راسها ولزمت ايدي ، باوعت للولد وكالت:"مع السلامة"
ابتسم وهز راسه بتوتر وحزن :"الله وياج"
واخذتها بعيد بصمت:"مجان لازم تقبلين تكعدين ويا وحدج"
:"عوف ايدي بالاول"
غمضت عيني وتركت ايديها، باوعتلي:"ليش دخلت انت شعليك"
:"شنو شعليـه دشوفي جاي ويريد يعترفلج شترديني اسكت مثلا"
:"لتدددخل مغه(مره) ثانية ما اسمحلك تدخل بهيج مواضيع انت منو وشايف نفسـك وتدخل بحياتي"
:"اني منو؟ صح صح اني منو الي حتى اسمج ما اعرفه، حتى معرفت شحجي وشنو اكول يمه واني اشوف الانسانه الاحبها كاعد واحد ثاني يمها ويكلها اريد اكمل باقي حياتي وياج"
صفنت وبلعت ريكها وهمست :"الاحبها؟"
بللت شفتها، غمضت عيني وفركت وجهي، كعدت على المقعد بدون كلام، كعدت بصفي، جان نهايـة الدوام والجامعة فارغه، باوعتلها:"شنو اسمـج؟"
:"معليك لتدخل بيه بعد"
رادت تكوم سحبت ايدها وكعدتها غصب:"اسمعي"
:"تاخر الوقت اغيد(اريد) اغوح(اروح)"
:"اسمي باهــر"
بللت شفتها ورجعت خصـل شعرها لوره اذنها:"المطلوب؟"
:"ريحتج بعدهي بخشمي"
باوعتلي بصدمه، رجعت تاكدت ماكو احد ، اخذت خصله من شعرها وشميتها رفعت راسي:"تذكرين من دخلت لغرفتج، ريحتج بقت متعلكه براسي"
كامت واخذت كتبها:"بعد لتجي هين"
:"قريتي الرسائـل"
هزت راسها بالنفـي، ندارت :"باهر لا تجي بعد"
ضحكت:"طلـع اسمي هلكد حلو"
رادت تروح لزمت عكس ايدها ودرتها :"اقري رسائـل لخاطر الشـي البسيط الي بيناتنا"
ما ردت وراحت اختفت خلف الاشجـار، جريت نفس بقوة وشميت كف ايدي اللزم شعرها، رفعت راسي شفت من بعيـد نفس الولد من شافني انتبهت عليه انطاني ظهره ، ركضت عليه وقفته واني اصيح عليه ، اندار عليه ودنك بتوتر:"تفضـل"
:"كلتلي سبب جيتك"
:"اسمـع اني كانت نيتي واضحه مو لعب وما كنت اعغف(اعرف) هيه مغتبطة(مرتبطة) حتى منو اساله يقول ما عندي علاقة بيها فما كنت اعغف(اعرف)"
:"اعرف واني عاذرك ، بس هسـه صار عندك علـم انو هيـه ملك انسـان غيرك، اني ما اعرف شنو المشاعـر الي بداخلك ناحيتها بس متاسف لمشاعـرك فعلاً صعب تحمل مشاعـر الانسان ما يفكر بيك، وانت مبين خوش شاب واتمنى من كل كلبي شوف الانسانة الي تنطيك المشاعـر التستحقها"
ابتسم بحـزن:"اشكرك"
واختفى بعدهـا رغم الانكسار النرسم بين ملامحه، وانتهى الشهر وانقضى اليوم وطغى الاشتياق لكن كنت مؤمن بالصبر بعد هذا الفراق، صعدنه للحدود وبقينه اشهر هناك يمكن مر على فراقي اربع اشهـر مشايفها، وبعد نزولنه كل شخص اتجه لمحافظته، ردت اروح اشوفها لكن وقفني قهار :"يلة اصعد شبيك .."
:"وين؟"
جان فاتح باب السيارة ومتكيء علية :"شنو وين لبغداد"
بلعت ريكي، الدنيا الصبح ، كتله:"اريد اشوفها قهار بعد ما اكدر"
جر حسرة :"مدكلي شهلعذاب"
فتحت باب السيارة وكتلـه:"حتى هذا العذاب طعمه لذيذ مع الرغم مر"
ضحك وصعدنه لسيارة :"انت مجنون خوش"
ابتسمت كال :"وين لبيتها؟"
"لا لجامعة"
واتجهنه لجامعتها قبل لا انزل نبهني:"باهر لا تتاخر الطريق طويل واني تعبان"
:"لا والله بس اشوفها واجي"
ودخلت للجامعة ، واتجهت لمكانها ، قل خفقان قلبي كأن نبضاته توقفت بعد ما جانت تتراقص شوقاً لرؤيتها ، ليش مو بمكانها؟ تكيئت ايدي على الشجرة ودنكت بيأس ، تلاشه بمجرد سماع همساتها:"قي دور على وحيده(دا دور على وحده)؟"
ضحكت وانداريت"دا ادور على هاي العيون"
ابتسمت "لقيتها؟"
:"لكيتها بعد مجنت ضايـع بدونها"
راحت كعدت على المقعد ، كعدت مقابيلها ، متوتر وضاع الكلام ، كتلها :"راح اعوف العتاب"
:"اني ما اغيد(اريد) نتعاتب"
:"اني انسان صبور بكلشي بس بفراكج مو صبور"
سكتت :"اني ما اعرف شنو سويته ، بس اذا اني غلطان ف اقدملج اعتذاري"
:"لا ، لا تعتذر ، لان الي صاغ(صار) ما الك ذنب بيه، قريت رسائل"
بللت شفتها ورجعت همست:"تضح كلشي ما اغيد(اريد) نتعاتب"
سحبت اديها جانت لابسه جفوف من البرد، نزعت جفوفها وحشكت اصابيعي بصابيعها الدافئة .همست
:"مشتاقلج"
ابتسمت ، ما ترد ، ملامحها ترد نظراتها ترد ، كالت بعد صمت طويل :"اني لازم اغوح(اروح)"
:"اني هم لازم اروح ، اليوم نزلتنه من الحدود ولازم انزل لبغداد "
عقدت حاجبها :"يا حدود .."
:"على الحدود السورية"
"وانتوا ايش تسون بالحدود"
:"نقاتل الارهاب ، دمشق محتليها وحسب الاخباريات يحاولون دخول العراق من خلال الموصل وهناك دنحاول نمنع هذا الشي"
كمت وكتلها :"لازم اروح "
ابتسمت وكامت :"ديغ(دير) بالك على نفسك "
همست "انتي هم"
هزت راسها وراحت ، هذهِ الطيور التي ترفرف في قلبي لم تسكن بعد، خرجت من الحرم الجامعي ولم ارغب بالخروج ، باوعت قهار متكيء ع السيارة ويلعب بالحصو برجله ، رفع راسه وهو مجتف ايده :"هلا والله لو باقي بعد شويه مو احسن"
ابتسمت واتجهت لسيارة :"شتسوي اخوك وكع بعد
:"وكع وبراسي"
صعد السيارة وكال :"مو صوجك ، بعد ما ارجعك وياي كلمن يرجع وحده "
اخذت من وره حلويات هو مشتريهن وكتله:"شنو يعني تبيعني هيج "
مد ايده واخذ وحده :"والله ابيعك بعد لو مو اخوي دولي ناقصني واحد يتمعشك"
ابتسمت :" جرب الحب، تمتع بالقبل، وفي موعيد اللقاءات، في تلك المشاعر الدافئة التي تلتقي في نهاية الطريق بجسدين اتعبهما الفراق، لا تحرم نفسك من شعور يختفي في داخلك ، لا تحرم نفسك من الهوى؛ فهو الشيء الوحيد الذي يكون فيه طعم المر لذيذ ، هو الشيء الوحيد الذي نحلق به في الى عالم لا يحتوي احد فقط انت ومن وقعت اسيـراً بحبه"
"استمر استمر اخ لعبت نفسي"
:"لعبت نفسك من الحب فلا عندك ذوق"
:"خليت ذوق الك"