انه بروحي الحزن من لحظه الميلاد
عريان السيد خلف
__________________________
اميره: هسه عرفت ليش اكرهك طول هل 8 سنوات الي عشتهن انته من عمرك اني عايشتهن بضيم ابوك
وحته من يقتلك لتضن اوكف بوجهه علمودك لاتنتضر مني هل شي اني مو امك
باوعلهه بقهر مگتوم ونطق ...
دمار: ياريتج قتلتيني ابطنج ولاجاي شنو الذنب الي اقترفته حته استاهل يصير وياي هل شكل ذنبي الوحيد اني ابنكم
اميره: ههههه اي موت وخلصني اوووي هسه اني عايزه دوخت راس شو دكوم اطلع وسد لباب وراك اريد اناملي كم ساعه صدعتني
.. تمددت تنام ولفت راسهه
ضل كاعد بمكانه صافن بل سكف يسترجع الاحداث الي صارت ويا من نولد لهل لحضه جان يتعاقب ع اشياء تافهه كض راسه اب ألم يحاول يتذكر اذا هوه
اقترف ذنب لو اخطاء بحقهم بشي يستاهل يسون ويا هيج الاجله ماكووو ماكووو الاغلاط جانت حته حرام تتسمه غلط وخصوصا انو هوه طفل فه من حقه يطلع يلعب مثل باقي الاطفال ومن حقه ياگل ومن حقه ينام بس كل هذني جان محروم منهن ابسط شي جان محروم يكون صداقات بسبب شخصيته العداونيه الي خلقهوهه من انعدام رحمتهم خلت اي طفل يخاف يتقرب منه لئن يعرف راح يلاقي مصيره يااما تنتهي بعرگه او غيرهه
... كام تقدم للباب حته يطلع يسحل بجسمه النحيل الي تعب من شده الضرب توقف ماكدر يكمل بسبب انتفاخ رجله المحروقه
حاول كد مابي يگمل بس عجز كعد بل باب
يحاول يمنع دموعه الي بدت تتساقط وخذلته بس مواكبر من الخذلان الي صار اله منهم
انطه مجال لنفسه انو يبجي هل مره بكد ماعنده من قهر حته يوعد نفسه تكون هاي اخر مره ساعات وهوه نفس مكانه ع الارض محد فقده او حاول يداري جرحه الي بلش ينتفخ اكثر واكثر اخير شي
عرف انو محد راح يحاول يكومله تقدم بخطوات بطيئه وطلع للشارع جان اكو اطفال بعمره يلعبون تحسر وكمل يمشي خطوه ويكعد يستراح رغم المكان قريب
بس قاوم حته يكمل وصل لبيت بابه مفتوح دفعه ودخل الارضيه متحفره من كثر ماالبيت قديم بس رغم هاذه البيت بقه محافض ع الدفو الحنان البي صاح بصوت متشخر يادوب ينسمع...
دمار: بيبي حسسسنه
طلعت عجوز جبيره عمرهه قرابه ال ٧٠ واضح ع ملامحهه التعب لافه فوطه بيضه ع راسهه زايدتهه حنان بملامحهه الطيبه الي تنطي امان للمقابل واكفه خلفهه طفله زغيره نتبهت للواكف كدامهه شهكت ولطمت ع صدرهه وتقدمتله كوه تمشي ع العكازه
حسنه:يممه وليدي عمت عيني
... ماتحمل يوكف بعد اكثر خانته قوته وكع ع الارض
متمدد وعينه عليهه
أنت تقرأ
في اعماق الدمار
Romanceمصير مجهول عبارات غريبه تتكرر ... من الضلمات الئ النور في اعماق الدمار بصيص امل يقترب نحو الاشىء في عالمنا المليء بجميع انواع الحكايات الذي تسرد بشتى الطرق هناك حكايه تختبه بين طيات الماضي والحاضر تنتضر بفارغ الصبر لتحكي مابداخلها من ألم...
