في اعماق الدمار

بارت الثاني

أسد شباچ حسنك لو تعديت
و أضيف إتراب جدمك وردة البيت
و أسئلك لو طفح حسنك بالعيون
حلو بطبعك يل اغنج لو تحليت
والمك لمة الخاطر بالعتاب
واسئلك من عطشتك ليش ماجيت

عريان السيد خلف

_______________________

تماره: مر ؏ وجودنه هنا اسبوع وكل يوم لعصر نطلع نفتر وابوي وعمي جعفر لاهين بل شغل وبس عمتي سعاد وياي كل يوم تاخذني لوحده من جوارينهم تكلي اعرفج عليهن ونتعلعل يمهن ونوب نفتر ونرجع لو نطلع نكعد بره عصريات تغيرت نفسيتي الجو هنا يرد الروح والهوه تحسه نقي مابودك تفارك هل مكان
بس قرب موعد رجعتنه بيوم جنه كاعدين بره وشفت الشيخ قيس جاي من بعيد توترت وين اضم وجهي واني اشوفه يقترب من اخر موقف بعد ماصادفته

شيخ قيس: الله بلخير بويه شلونكم

كامتله عمتي سعاد
.. كل الهلا بل شيخ تفضل تفضل شيخ ياهلا بيك زارتنه البركه خن اصبلك چويه

: لاام حسين ستريحي انه جنت مار منا كلت اسلم عليكم واشوفن خاف معتازين شي شني خطاركم لساع هنا

: اي والله شيخ باگيلهم يوم ويرحون وتفاركنه هل وجوهه الحسنه لتفتلي وبتسمت

: خير نشالله وينه ابو حسن كونه موجود عبن عندي ويا شغيله

: هساع اصيحنه انطرني يشيخ

باوعتلي وكالتلي عمه انطريني يم عمج الشيخ شوي وجايه
مانطتني مجال اجاوب وراحت بسرعه

رفعت راسي لكيته يباوع

قيس: شلونج بويه

: زينه

: شني رادين نشالله

: ايي باجر

: ها ومن كونكم رادين مالكم رجعه هنا لو تردون تجونه

: شني الهه لزوم هل اسئله

شوهاذه باوعلي وضحك بصوت عالي

شيخ قيس: شني بويه علموج عله لهجتنه

ستحيت ونصيت اني ويه عمه سعاد من تحجي احب سوالفهه فه اخذ كم كلمه وارددهن واضل اعوج بحلكي عود احجيهن مثلهم جاوبته

: لا بس احب حجاياتكم

: واحنه شني ماننحب

رفعت راسي بسرعه لكيته مبتسم ويباوع ؏ الكاع ومن رفعت راسي رفع راسه وياي سكتت شويه وجاوبت

: لاليش اني حبيت البصره واهلهه وحجيهم كلش احبه وحته ناسهم وندلعت بل حجي مثلا عمه سعاد اخذتني لجارتهم ام حميد كلش حبابه وسوالففهه حلوه واخذتني ال ام فليح هم حبابه لو شوفهن وهاي ام....

جاي اكمل جاوبني

: بويه انتي منين تطفين

رديت بفهاوه
: هاا