I lost myself | GL ✓

~03

"අද මන්ත්ලි ටෙස්ට් දෙනවා ළමයි හවසට.. ඉක්මනට කාලා පන්තියට එන්න"

හරිනේ ඉතින්. දැන් කාලත් ඉවරයි. ඊයේ දුන්න පාඩමෙන් අපිට පේපර් එකක් දෙනවා කිව්ව නිසා මට පාඩම් කරන්න ඕන උනා.

ඒත් ඇයි දැන් මේ කලබලය. ඔව් මම කවදාවත් නැතුව පාඩම් කළේ නෑ මේ පාර.දැන් ඔයාලා අහයි කවුද මන්ත්ලි ටෙස්ට් එකකට  පාඩම් කරන්නේ කියලා. මේ මම.. මොකද මම ඉගෙනගන්න දක්ෂ නෑ . මට හැමදේම ගොඩක් පාඩම් කරන්න ඕන. කනාවට වගේ ඕලෙවල් මැත්ස් වලට S එකක් අරන් මම කොමස් කරන්නේ අම්මලාගේ කීමට. මට එයාලාගේ හීන වෙනුවෙන් කොච්චර මහන්සි වෙන්න උනත් මම ඒක කරනවා.

පුළුවන් තරම් ඉක්මනට කාලා ඉවර වෙලා මම පොත අරන් පාඩම බලාගන්න හැදුවේ. ඒත්...

" හරි ළමයි ඉදගන්න . තව පැයකින් පේපර් එක කරලා ඉවර කරන්න"

ඒක හරි අමාරු පැයක්. පේපරේ අතට අරන් කැරකි කැරකි ඉන්න ළමයි අතරේ සමහරු පණ දාගෙන ලියනවා. මමත් පුළුවන් ප්‍රශ්නවලට උත්තර ලියලා වටපිට බලද්දී තමා දැක්කේ එයා මං දිහා බලන් ඉන්න හැටි.

මම ඇහිබැමක් ඉස්සුවා.

දෙයියනේ එයා පේපරේ උස්සලා පෙන්නනවා. මැඩම් දකීද? එච්චර අමාරු නැති නිසා ලියන කොටසේ ගණන් ගොඩක් මට හදාගන්න පුළුවන් උනා. ඉතින් මම එයාට එහා පැත්තේ හිටිය ළමයා පෙන්නලා එයාට පේපර් එක දෙන්න කියද්දී සැක නොහිතෙන්න මම මගේ පේපර් එක එයාට දුන්නා.

තව පැය භාගයයි. මම එයාගේ පේපරේ පැන්සලෙන් කටුවට උත්තර ටික ලියලා දුන්නා. ආයෙමත් මැඩම් රෙකෝඩ් බුක් එක බලද්දි අපි පේපර්ස් මාරු කරගත්තා.

" මේක ඉවර වෙලා ග්‍රව්න්ඩ් එක ගාව වොෂ් රූම් එකට එන්න"

මම ගල් ගැහිලා බලන් හිටියා.. එයාගේ ටිකක් තඩි කැත අකුරුවලින් ලියලා තියන දේ කියවපු මම ආයෙමත් කිසිම දෙයක් තේරුම් ගන්න බැරුව බලන් හිටියා.

දන්නවද මේ දවස් හයට වෙච්ච දේවල්?

එදා assembly එකෙන් පස්සේ එයා මට ගොඩක් ළං උනා. මගෙන් උත්තර අහන එක , උදේම ඇවිත් හිනාවෙලා ගුඩ් මෝනින් කියන එකෙන් , මං ළගට එනවා වගේ ඇවිත් වෙන කෙනෙක් ගාව ඉදන් මං දිහා බලන එකෙන් , හින්ට් ගහන එක , රවන එකෙන්.. මේ හැම දෙයකින්ම මේ දවස් හය මම හිටියේ පිස්සු වැටිලා.