هيلووو اليوم جيت بقصة جديدة واعرة و بزااااف
قصة كاتجمع ما بين طياتها العديد من الأسرار و الأحداث المبهمة
امين ♥️ هاجر
******
امين : كانبغيك و كانموت عليك و هادشي غير شوية من داكشي لي كانحس عارف راسي قاصح فتصرفاتي و لاكن غير صبري معايا
هاجر : صاف بعد...
وسط العاصمة الاقتصادية ✨✨ درب غلف 🌌 جوايه التنمية ديال الليل الدنيا باقا عامرة و شي غادي و شي جاي دراري صغار عامرين تراب كايلعبو كورة و الدريات كايلعبو الحبل و لاستيك و مالين الحوانت حالين و الخضارة و القهاوي عامرين بالناس صغار و كبار و الشباب العاطل عن العمل أو باللغة القح شومور واقفين مجموعين و شادين الحيط لا يطيح ( بمعنى رجل فالارض و آخرة على الحيط) و الدعوة مخلطة هادو هما الأحياء الشعبية ديال الدار البيضاء كانو ديور مختلفين شوية كاين لا جات شي شتا مجهدة تريب و كاينة لي باقا شادة و كاينة لي جديدة و الأحياء كذالك كاين لي نقي و زوين و كاين لي لا فواحد الدار من دوك الديور كانت باقا جديدة شوية مصبوعة بالابيض و الباب فالاسود كانت متكونة من 2 ايطاج و عاد السفلي فواحد البيت كان متوسط الحجم فيه ناموسية و بلاكار و كوافوز فيه مرايا متوسطة و شي مكياج و عاد حداه بيرو ديال القرايا فيه المكتوبة الا ما آخره كان البيت مرتب و زوين معلوم ماهو ديال الحادكة بنت الحادكة كانت مراهقة عندها 16 عام لي كانت لابسة واحد البيجامة خفيفة فالغوز بارد حين كان شهر 9 باقي شوية الصهد حطات راسها على الكرسي بتعب من بعد ساعة ديال الرسم هزات الرسمة من بين يديها و كاتشوف فيها
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
ناضت من فوق الكرسي و هبطات لعند مها لي كانت باركة فالبيت ديال الكلاس لي كاياكلو فيم و فيه حتا التلفازة كانت مرا فعقدها 4 اي 40 سنة كالسة كاتفرج و حاطة حداها 2 دراهم ديال الزريعة بركات هاجر حدا مها و هزات شوية من ديك الزريعة و بركات حدا ماماها هاجر : ماماتي عايشة( ماماها د هاجر) : "شافت فيها بنص عين و قالت و هي مكملة الفراجة" : نعام هاجر : ياك انا بنتك الصغيرة عايشة : اايه هاجر : و عزيزة عليك ياكي عايشة : و كاين شي حد ماعزيزش عليه ولدو هاجر : "ضحكات" رآه بغيت نطلبك عافاك عايشة : ياراها باينة لالة هاجر كاملة تجي و تبرك بلا ما نعيط ليها اوا حتا لهادي لا راك عجينة ايديا كاتظلي هازا القلم و تخطي و لا خاشية وجهك فداك المشقوف و لاكن باش كا تسالي معايا كاتقراي مزيان هاجر : " بافتخار" اوا شفتي شوفي هانتي رآه عندي واحد البحت خاصني نديرو ضروري راك عارفة اللول ديال العام هدا و بغيت ندير بلاصتي مع الأساتذة و بغيت ربعمية دريال باش نديرو رآه عندي غدا عايشة : " حلات واحد العقدة من الزيف و جبدت ربعمية" و مدتها ليها " هاهي ربعمية و لاكن ما تخرجي بوحدك رآه الليل هادا نخاف عليك ا بنيتي هاجر : اوا نوضي يلاه معايا نتي عايشة : سيري عند يسرى تمشي معاك رآه حلقة مهمة ناضت هاجر و طلعات عند ختها لي كانت شادة تليفون بركات هاجر فوق الناموسية و نغزات يسرى / هاجر : هيه يسرى يلاه معايا يسرى : و فين ا لالة. هاجر : غا لسيبير رآه عندي بحث يسرى : سيري راسك هاجر : ايه دابا كون كنتي مصالحة مع أيوب كون هبطتي تجري. ناضت يسرى بالزعاف و هبطات معها دازو على عايشة قالوها ليها و مشاو تشادو فالطريق و تمو غادين بالبيجات و الدراري كايتبسلو عليهم وا بالص سيف و هما لاطاي عندهم هي هاديك مشات هاجر و يسرى و قداو غراضهم و رجعو للدار و قبل ما يدخلو تلقا ليهم أيوب أيوب : ختي هاجر عافك بغيت ندوي معا يسرى. هاجر ما جاوباتوش و دخلات و لكن بقات غا عند الباب تسنا يسرى باش يطلعو بجوج عند يسرى و أيوب يسرى : هانا كانسمع ش كاين ش باغي أيوب : صاف بلا ما نبدا نهلل بزاف رآه كنت معصب صاف سمحيلي يسرى : صمت أيوب : واصاف راك عارفني ما قصدتش كملو هدرتهم و يسرى سمحت ليه و دخلاتis كاضحك لقات هاجر كاتسناها و طلعو بجوج طلعات يسرى للسطح فواحد الكليسة تما و بركات حداها هاجر و بقاو داويين حتا سمعو عايشة كاتعيط ليهم و هبطو لقاو مهم موجودة العشا بركو و كلاو و جمعو الطبلة و كل واحد مشا لبيتو *
