قساوة العشق

الجزء الخامس

الأرض فازكة دنيا خاوية طاح الضلام صوت الريح لي كايتسمع بوحدو الضواو ديال البوطوات شاعلين الدخان كايخرج من فمهم بحكم بروودة الجو كانت واصلة ليه لصدرو غادين معانقين و كايضحكو بجوج فرحانين هي كاتحس بالأمان و هو كايحس بالحياة
: يالاه ا برهوشتي خاصنا نرجعو الحال بارد عليك و غدا قارية مع 8
: خلينا غير شوية عفاك
: لا شوفي رآه 2 هادي خاصك ترجعي لدار
: بشرط
: هاي هاي وليتي كاتشرطي وخا الآلة شناهو هاد الشرط
: نعاودوها مرة اخرة
: اممم خليني نفكر
ضرباتو فكتفو كاتضحك
: صاف صاف مايكون غير خاطرك
ركبو بجوج فموطور و تحركو مدات ايدياتها حيدات الطاكية و طلقات شعرها يلعب فالريح و هو حيدات ليه ديك الكاسكيط لي كان داير و عنقاتو من اللور و هي فرحاانة
....                
تحنى عندها باس ليها راسها و شد ليها فيديها باسهم حتا هوما هي تبسمات ليه ديك الابتسامة لي كاتدوبو سلتات يد من عندو و حطاتها على حنكو فين كاينة ديك اللحية الخفيفة و بدات كاتدوز يديها على وجهو هو لي غمض عينيه مستمتع بلمسات يديها لي رطبيين على وجهو وقفات على صباع رجليها و حطات شفايفها المنفوخين و الحمرين على حنكو بايساه بعدات هو لي حل عينيه ف عينيها هي لي هبطاتهم حشمانة و طلقات من يديه و دخلات لدارهم بالحس هو لي تنهد تنهيدة طويييل كاتأتر عليه و بزااااف وقفات فالدروج فاش تفكرت بلي نسات شي حاجة هبطات عندو كاتجري لقاتو يالاه غايسد الباب
: اميين
: (شافيها باستغراب) مالكي
قربات عندو و بدات كاتشوفيه دوك الشوفات لي ما كايخفاوش عليه و هو فهمها طايرة و حيد الكاسكيط من راسو و دارها ليها فوق راسها ضحكات ليه بحب و مشات لدارهم كاتعوج هو لي بقا واقف حتا بان ليه الضو ديال بيتها شعل حك لور دراسو بابتسامة و دخل نااشط دخلات بشوية و طلعات لبيتها سدات الباب و بدلات حوايجها لوحدين ديال النعاس و جمعات شعرها كعكة مهملة تكات فبلاصتها شوية ناضت بركات بحكم الشرجم فوق الناموسية بدأت كاطل و هي كاتفكر فالديب لي دخل لقبها بلا إنذار و لحياتها بلا اشعار دازت 10 دقايق على داك الحال شعلات تيل تاعها لقاتها📍 03.07 📍 مسحات على وجها و تكات تنعس هو لي برك فبيتو الدار من برا عادية و لكن من الداخل مجهزة و مقادة و مرتبة على حقها و طريقها بقا مقابل مع انعكاسو فالمراية حيد داك تيشرت البيض لي كان لابس لي مبين عضلاتو من ورا ما حيدو بان داك الوشام سميتها لي كانت محفورة بدقة فوق صدرو  بدا كايقيس فداك الوشام و عينيه كايضلامو بديك نضرة الجنون لي فيهم هادا هو امين لي شافها ديالو و لي ما شافهاش عندو نص فيها هو الغبار الحشايشي هو البزناز هو العاشق الولهان
📍06. 30📍
بدا كايصوني تيل مدات يديها طفاتو و نايضة مبوقة
دارت روتينها و لبسات سروال جينز سليم و هودي فالكرونة صبادري بيضة و طلقات شعرها هزات ماسكارا دارت منها و هزات مرطب دارتو لفمها و ختمتها بديك الكاسكيط دارتها مقلوبة هزات شكارتها و هبطات
: صباح الخير الحنانة
: صباح النور جلسي تفطري
: على انا نقوليك لا
غمزات يسرى : مال الزين كاعي
حركات ليها  يديها بمعنى تال من بعد و هي فهمات البلان بلي مع داك الشماتة ديال أيوب قلبات عينيها حيت ما بقات ماتفهم فيها والو كاتبغي و كاتبيضقو حارت  و بدأت كاتفطر سالات مسحات فمها و هزات شكارتها و خرجات كي ديما وصلات لراس الدرب لقاتو واقف طول فالعرض فالارتفاع لابس Nike tech فالكري و الكحل و ضارب كاسكيط فالكحل و سبادري فالبيض شافتو و حسات بالفرشات فكرشها و ضحكات بلا ارادة منها اما هو لي واقف وجهو مخسرو بالنعاس ولكين اش يدير ما يطاوعوش قلبو يخليها تمشي راسها للمدرسة و الزنقة خاوية و الدرب خاطار تسالمو بالوجه و تمو غادين فسكات هي مدواتش حيت عارفاه كايفيق خاسر و ماكاميش حيت ماكايبغيش يكمي قدامها
: طابليتك
اخيرا نطق من بعد شي 15 دقيقة ديال سكات
: مالها
: كاتسلم عليك لبسيها
: اه وا غانوصل غانلبسها
: و انا قلت ليك لبسيها دابا و لا باغا تفرجي بنادم فخيرك و لا شنو
: لا ماشي هكاك
: لا هكاك لبسيها دابا
ماطولاتش معاه الهدرة و جبدات تلبسها
: هاهيا لبستها مزيان دابا
: ما مزيان ما تا قل*ة مزيرة عليك بزااف
تنهدات حيت تا حاجة ما عجباتو
رجعو غادين و ساكتين شوية و هي تعطس
هو كان غادي حتا سمع شي عطسة خفييفة ضحك عليها حيت كلشي فيها زوين و عامر انوتة حتا من عطستها مأنتة مد يدو و جرها عندو بقاو غادين تاوصلو حدا ليسي وقف و هي مقابلة معاه
: يالاه دخلي قراي مزيان باش تولي داكشي لي بغيتي
: ههه ان شاء الله
: شنو الآنسة هاء بغات تولي بعدا
ضحكها بديك الآنسة هاء و قالت
: باغا نولي مراتك
: هي لي متعاودش هازا معاك لاكارط
: اه
: اوا يالاه
ضحكات و دارت غادا داخلة لمدراستها فرحااانة
هو بقا متابعها حتى دخلات و هز جوان و شعلو و تم غادي و الدخان كايخرج من ريتو بقا غادي على رجليه
دخلات للقسم كانت عندها انجليزية جبدات كتوبتها و دارت نظاضر ديال protection و هزات تيل دخلات لانستا على ما يجي الاستاد، دخل الحارس العام كولشي سكت و وقفو احتراما ليه دار ليهم إشارة باش يبركو
: الاستاذ ماجايش هاد الساعة بقاو هنا راجعو و لا شوفو ش ديرو المهم بلا صداع
خرج و كولا واحد و شنو بدا كايدير ها لي نعس ها لي تجمع ها لي شد تيل اما الآنسة هاء فجبدات تيل تاعها على تصويرة لي كانت صوراتو على غفلة بلا ما يعيق او لا عاق و ما بغاش يحرجها جبدات ستيلو و ورقة بيضة بدات كاترسم فيه
بقا غادي كايتمشا هز راسو لقا رجليه وصلوه لدرب السلطان خدا طاكسي لحي الانجليز برك القدام و عقلو غايب كايفكر
: غاخلي عندك صرف
ضرب على الباب و زاد لي داز يسلم عليه هو كايحرك راسو صاف مشا تقابل مع واحد الدار لي كانت الصباغة ديالها مقشرة بحالها بحال لي حداها الباب ديال الحديد مصدي شراجم ديال العود متوسطين جبد الساروت حل الباب دخل طلع للبيت جبد منو شي سلعة و هبط لكوزينة جبد الحبيبة الطويلة و برك فضالون و حط السلعة فوق الطبلة و بدا كايقطع ف داكشي بقا شحال خدام سالا داكشي و طلع جبد ميكة كحلة حلها فيها ماصوات ديال الفلوس حسب داكشي و رجعو طرف قاد كولشي و هز مليون على قبل شي سلعة هز تيل لقاها 📍11.30📍خرج سد الباب مزيان كانت الحركة دايرة تم غادي فالدرب خرج للشارع و خدا طاكسي حطو فدرب غلف سالات الحصص ديالها و خرجات لقاتو فنفس البلاصة مد ليها ساشية فيها شي حاجة ما بانتش ليها
: شنو هادي
: حلي و غاتعرفي
حلاتها لقات طابلية شافت فيه باستغراب
: قيسيها
سدات الميكة و قالت  : وخا تال الدار
: لا دابا باش لا ما جاتكش نبدلوها حلات الميكة على سعدها و وعدها و لبستها قدامو  : صاف مزيان
: شوف را جاتني بحال الجلابة
شاف فيها بنص عين و كملو الطريق بجوج  هي كاتعاود ليه و هو كايتصنت ليها داز النهار عادي و هكا داز شهر
اليوم فقت على الصداع فالدار هبطت نشوف لقيت بابا جا من بعد 4 سنين ديال الغيبة جا كانت ملامح الصدمة على وجهي انا و يسرى ما توقعنا هادشي كاع و لي زاد علينا هوما عمتي و عمي و مراتو و ولادهم حتا هما جاو سلمت انا و ختي عليهم و صاوبنا الفطور
: يسرى سربي
: وا هاني
شدات فيا يسرى و تمينا غادين للمخبزة لي كانت بعيدة شوية
: ناري قفااارت علينا بابا جا ما كاين لا خروج لا دروج و عاد السم ديال دوك اللفعات ناري ققرناها
: غير سكتي انا شداتني الدوخة
وصلو لراس الدرب كانت 11 ديال الصباح كانو دايرين حتا بان ليهم الديب واقف كايتكيف بديك الهيبة و العروق ديديه باينين و عينيه حمرين و فمو حتا هو شافهم و لاح جوان و عفط عليه هزات فيه هاجر عينيها و هو عطاها بوسة فالهوا
: عرفتي اهاجر هاد الديب شحال كايعجبني شحال عيت ندور بيه و والو بغينا الديب تصيد لينا الضبع تفو
هاجر لي تقرسات و ما دواتش جابو السخرة و فطرو مجموعين ناضت عايشة كادير فالغدا و العزبات حداها كل واحد كايقضي فشغلو تحط الغدا كلشي بارك و هي تنطق ديك عمتي
: اوا العزبات كبرو و عطاو العين حاضية معاهم ا عويشة و لا والو
:ههههه اوا  لاواه ا لوستي علاه انا بناتي كي بناتك
و بقاو فديك الحرب الباردة ديال الهدرة تفركت كولشي  هاجر لي لبسات كاب عليها و هبطات عند امين بان ليها عاد مشات عندو هو لي حل الباب بالخف قبل ما يشوفها شي حد حيت شرفها من شرفو و ما يبغى لي يدوي عليها بالخايب بالأخص هو غير زوفري
دخلت كانت أول مرا تجي عندو و دخل هنا للدار طلع فالدروج و هي تابعاه غير حل الباب ديال البارطمة و تحلو عينيها كانت زوينة بزااف و عصرية كيما كاتعجبها تماما دخلات هو سد الباب
: بركي مالكي واقفة
هي بركات فوق الفوتوي
: دارك زوينة بزااف
: بغيتي تقولي دارنا
بتاسمت ليه بخفة
: بغيت نشوف الدار لا كان ممكن
: اهاه نوضي
ناضت وراها الدار كاملة و اخيرا حل باب البيت
: و هادا بيتنا
دخلات كاتشوف فيه حلات الماريو لقات حوايجو هو خلاها على راحتها تقدر تخرج سد الباب و خرج حيت عرفها بغات تلبس من حوايجو حيت ديما كايعجبوها حوايجو خدات من عندو تيشرت نص كوم و لقات قرعة الما فزكات شعرها و مشطاتو بيديها طلات على راسها فالمراية
خرجات عندو هو لي كان كايشرب فقهوة و تفاحة ادم كاتحرك بجاذبية و إثارة حط الكأس و مشا عندها رجعها للبيت لاحها فوق من الناموسية و طلع فوق منها هي لي تخلعات
: متخافيش
هي رتاحت نوعا ما حيت عارفاه عند الكلمة قلبها جات هي فوق منو هبط عينيه لشنايفها و بدا كايبوس فيها بشوية قبل متقطعة
نطقات هي بهمس خفيف و حنين : امين كاتبغيني
قرب لودنيها و همس : كانموت عليك انا نفديك بروحي
حطات راسها على صدرو و هو بدا كايلعب ليها بشعرها داز الوقت هكاك بجوج ساكتين غير قلوبهم لي كايدويو
: هاجر حبيبتي
: امم
: يالاه نوضي ا بنتي زوينة ديالي رآه غاتعطلي و تصدقي فالمشاكل
هزات فيه راسها و قالت
: دابا لا جراو عليا دارنا تقبل بيا
: انا الصباح بغيت نتزوجو و نتي مشيتي و خليتني
ضحكات و ضربات ليه على نيفو و ناضت هزات تيل تاعها و تمات غادا شوية حسات بيه شدها شافت فيه باستغراب مد ليها الكاب تاعها  هاكي لبسي هادا رآه الحال بارد عليك لبساتو و جرها عندو باس جبهتها نزلات فالدروج و حلات الباب طلات ما بان ليها حد و خرجات كاتجري لدارهم دفعات الباب لي كان محلول و دورات راسها لقاتو كايطل عليها من الشرجم لاحت ليه بوسة فالهوا و دخلات طلعات لقات الدنيا خاوية طلات فالساعة لقاتها 3 عرفتهم ناعسين دخلات جبدات pيسي تاعها و بدات كاتفرج فالمسلسل ديالها عند امين لي  هز موطور هبط المدينة و بالضبط حدا l prince بقا واقف شحال شوية تعصب  و بدا كايخسر فالهدرة و لي داز كايبقا يشوف شوية جا عندو واحد كايطل موراه
: ساط هانا ارا السلعة
امين شم فيه ريحة الغدر ما دواش بدا كايطلع فيه و ينزل مشا ركب فموطور و كسيرا و فعلا كان من الحناش ما كاملة جوج دقايق حتا كايبان امين مكسيري و 2 طونوبيلات د البوليس تابعينو بقا غادي عافط و ناس كاتفرج
Lbnat hahowa part fih 1753 klma and sorry ela t3tal o 3tewni ara2kom o smhu Lia 3la l aghlat
Chno ghytra l amin?
Amine et hajar ?
Twaqo3atkom ?
Hna bdat l 9issa dealna w hna ghtbda قساوة العشق
bonne journée / nuit ❤️