شروط التنزيل : فوط★ + ماكس كمنتار ❤❤
وهكاةلحقتو حصريا مع التنزيا فالفيس صبركم😔 ودعمكم بويسك تاع الصح مود لكتيبة تخسر💔 بانو فأخر لي بارت حمسولي طلعولي لمورال😔
♨ تتمة الحلقة 177♨
👑 بقلمي ✍: #أناييس_مانو 👑
زيارة لمريضة خفيفة.. مي مش للعيلة والحباب.. جيداء شدت لحديث مع سمرة حملها ووضعها محور الساعة.. علياء شاركتهم زمان حبت تستفرد بسراج تحججت بطوالات وطلبتو يخرج معاها لبرا يدلها.. غير دارو فالكولواغ حبستو تستفسر بلهفة
علياء: عطيني لخبر الزين فرحني عليها.. ولدت ياك ولدت صح
سراج: بانكار: شكون؟
علياء: ضيقت عينيها فيه: ماتلفنيش علابالك على من نهدر بلاما دوخني
سراج: ماولدتش شكون قالك ولدت شكون؟!
علياء: ماتضيڨش ومن عصبيتك تأكدت انها ولدت.. بنتي ولدت ولدت ا ربي الحمد والشكر ليك
تلاحت عنقتو تباركلو كأنها هي لي قدامها.. مش واعية بتصرفاتها حتى حط يديه على جنابها ضمها ونطق بغصة
سراج: اه ولدت.. الكبدة تاعك دارت وليدات جابت 3 أشبال يحتلو القلب من اول شوفة
علياء: سخرت دموعها سبالة: علاه ماقلتيش علاه مخبي عليا.. بنتي تولد وانا لاخبر.. للدرجة ذي ماحنتيش فيا وفرحتني بفرحتها!
سراج: شكون خبرك ومن وقتاه عرفت اصلا؟
علياء: حفيدي قاللي.. جواد لي بشرني وقت عيطت نفقدكم.. انت ومرت ماتجاوبوش.. عيطتلو عارفة مايحڨرنيش كيفكم
سراج: ماحناش حاڨرينك.. حالتنا حالة مكش تشوفي
علياء: شفت وعليها نلوم فيك.. ولدكم يعرف للصواب خير منكم
سراج: ماتجبديهش قدامي نروح نعتلو حلان الفم زييماه.. وانتم بطلو سلان الهدرة منو.. ماتنطقوهش يرسبلكم لأخبار.. زززمرر اللقطة ذي قلت عااام ربي بطلوووها رح ترجعوها عادة فيه.. لي يسقسيه كلمة زوز يجبدلو مخ راسو
علياء: ماتلفناش على موضوعنا منبعد عاركنا فأمر ولدك.. درك خلينا فبنتي.. شحوالها؟ هي ووليداتها بخير؟ بغصة: عيشك طمني عليها
سراج: كلهم لباس.. كانت ولادة صعيبة بصح حمد الله فوتتها على خير
علياء: يا فرح قلبي نهار سعدي هذا.. الف حمد وشكر ليك يا ربي.. حمد الله حمد الله.. مسحت دموعها: يله نسهلو قبل مايحرمولنا
سراج: وين نروحو؟!
علياء: نطل عليها ونباركلها بيانسير.. واا رحمتك ا ربي رجعتلي بنتي ومش غير هي رزقتني بيها وبأحفاد بزااف
سبقتو شادة قلبها تحلم بشوفتها زيماه تلقاها وش دير اول ماتشوفها.. وش تديها كادو النفاس؟! مخها يرون مش شايفة قدامها حتى جبدها بنطرة لفتها ليه
سراج: شمن روحة وباروك.. كادو ما كادو.. شكون قالك رح تروحيلها
علياء: وااشياا؟! قصدك مانروحش نشوفها
سراج: ماتشقايش مايخليوكش تدخلي
علياء: علاه مايخلونيش شكون لي مايخلينيش بنتي هذيك بنتي تسمع فيا
سراج: مانيش طرش.. وبنتك طول عمرها بنت وحدة خلاف غيرك..
علياء: تبكي بهستيريا: مش بنتها بنتي انا بنتي.. كبدتي لي تشوات وتحرقت عليها
سراج: اشش اهدي بلاما تحرحري مواجعك كثر
أنت تقرأ
أسيرة هوس السادي 18+(كتاب تابع تكملة القصة هنا)
Любовные романыالفصل الثالث للرواية: قلوب محترقة بين للتمرد والقسوة وقعت أسيرته... اذاقها العذاب ألوان فتمردت عليه عاندتنه ولم تستسلم... إلا ان حولت قسوته لعشق وعزفت ألحان عشقها على أوتار قلبه... فإنقلب السحر عالساحر وتحول من آسرها لأسيرها هي أسير قلبه العاشق لها...
