أسيرة هوس السادي 18+(كتاب تابع تكملة القصة هنا)

الفصل الثالث: قلوب محترقة (ح193)

شروط التنزيل : فوط★ + ماكس كمنتار ❤❤
ماكنتش نحط فالفيس وقلتلكم قبل لازم نلم حلقات به يتحطو كبارت هنا❣️ ساو تفهمكم😘
♨ الحلقة 193♨
👑 بقلمي ✍: #أناييس_مانو 👑

معز: وصوتي ا نكارين العِشرة.. ماعجبكمش؟
لكل: صوتك روعة وغنيت طووووپ هههه
معز: وانتم الأروع.. بيناتنا هاجر برعت لغناء خامات صوتها هاايلييين
يارا: كون تولي مغنية طربق الدنيا بيه هههه
معز: سيير.. رح تلحق للنجومية صاااروخ ههه
خوخ فرفشلو شعرو وهاجر جبدتو ليها باست خدو بقوة ممتنة للفكرة تاعو.. حشموه بسيف تسلت من يديهم متحمس
معز: مادام شكرتوني يعني أني هاايل.. نلوح مقطع مالفيديو فلي كونت تاوعي ونشوف شحال يجيبو ريااكط
لارا: هذي بايينة.. حط غنيتك لولى طووپ
معز: معلوم.. راني ولد بلادي.. جزااايري حر هههه
مراد: تسمع امك..تبكي على أصلولها لمحڨورة هههه
معز: مانسمعوهاش مالا.. نروح نفري لافييير فالشومبرا لداخل.. خزر فخوه: ياك دوزاني تپلاصا مريييڤل
مراد: مريييڨل.. غير زيييد شوف شغلك
بايلعلهم وناض محمل بكاميرا وكذا تليفونات وزاظ للقصر تبعوه لبراهش.. مام خواتو ناضو
يارا: هيا معانا ا هاجر
لارا: اه.. لي حبت تلحقنا مش غير هي
نوضوها مع أسماء وآية ومهى كقافلة وحدة لحقو الصغار.. دخلو لغرفة الطابق الأرضي.. وتفاجؤو بكم عتاد الانتاج ومونتاج الاغاني.. ضحكو التوأم وساقوهم لفوتايات قعدو حالين فامهم فمعز لي نكز قدام طابلة عليه 3 Pc مع شي أجهزة خلاف..ركب فيهم لكاميرا والتليفونات هز كل ماصوروه.. وبدا يقص من هذا يهز من هذا.. ويدخل الصور هنا ولهيه.. البراهش دايرين بيه خير هذي شوف هذيك معاونينو!

أمير كان برا تعطل يحكي فالتليفون مع واحد من رجالو خبرو انو نفذ ما أمرو بيه.. كوپى عليه خبى تليفونو ودخل شابح طولو ووجهو لقاهم لاهين بالتوانيس.. وقف قدامهم حمحم لافت انتباههم.. سكتو كل وخزرلو زيماه لوح جملتو المبهمة
أمير: مادامكم ملمومين كل.. عندي خبر خص تسمعوه وتكونو على دراية بيه
أسد: شمن خبر؟ عطاه شوفات تحذير: لا حاجة مش مليحة.. خليه عندك تكمل ليلتهم على خير وغدوة نهدرو فلي تحب
أمير: تأ.. لخبر مايحتاجش تعطيل كثر من هك.. وخير تهنى ريح اعصابك
لكاملة: مادام خير.. غير اهدر وهنينا اعصابنا تشبحو بتكسالك فالهدرة هك
أسد: ايييه.. جيب ملخر بلا حرق أعصاب
أمير: سكت 30ثا ولوح قنبلتو: قررت نتزوج
سلوى/الكاملة: واشيييااا؟!
شحقو البقية أغلبهم تفاجؤو.. وأمان كلاه فمو
أمان: وخيرت المراة؟ ولا هذا وان فريتها مع روحك وخرجت بقرار الزواج.. ومازال به تبدا تحوس على لمخلوقة
خليل: ندبة لا مالقاش.. تسمى نص عمو فاتت فالتشاور وأخذ القرار.. والنص لوخر فرحلة البحث عن سعيدة الحظ الرابحة فمسابقة الحلم هذي.. الأمنية المنتظرة التحقيق من الكل
أمير: غير حبس تم.. شمن أمنية الله يهديك بزاايد تغف بيها خوووك تبليوني أنا الثاني
أسد: رعد بالجهد: أميييييير
مع تنطر قلب لكرسي تفرع لور فلرض.. عطاه شوفات قتااالة راكبينو الجنون.. زرب لكاملة ناضت مهدنة لوضع
لكاملة: اش جبدكم فعماارة دااري..اسكت ا رهط انت وياه.. طبطبت على أسد: تهدن ا ولدي.. تلفتت لأمير متبسمة: وانت أخييييرا هداك ربي للزواج رح تدير دار وولاد واا فرح قلبي ليلة سعدي الليلة ذي شحال فرحت بيك
أمير: ماهمكش تعرفي شكون ندي؟
سلوى: شكووون؟ انطق وهنينا
الكاملة: ماتكون غير ببننـ..
أمير: قاطعها: روزا.. روزا بن سالم
بوووم!! فجر قنبلة وسطهم تنطرو كل وقفو يتهادرو يسقسيو.. واشيا؟ كيفاه؟ من وقتاه؟ علااه؟!