#بين_احضان_الرعد
هنتعرف علي اهم الشخصيات دلوقتي
#رعد_الدمنهوري: شاب وسيم جدا صاحب بشره سمراء وعينين عسليتين وشعر بني عنده ٣٠سنه قاسي جدا قلبه لا يعرف الرحمه جسمه رياضي
(انا قلبي ليه مال😂❤️)
#حور_محمد: بنت طيبه جدا كل الناس بتحبها قلبها ابيض تسكن في حي شعبي مع جدتها بعد وفاة امها عندها ٢٢ سنه صاحبة بشره بيضاء اللون وعينين رماديتين وحجابها الذي يزيدها جمالا جسمها مناسب جدا لطولها (هي قزعه حبتين 😂)
دول اهم شخصيتين ف الروايه
#ساره: صديقة حور المقربه صاحبة بشره خمرية اللون وعيون سوداء جسمها نحيف وطولها متوسط
#ياسر_الدمنهوري: اخو رعد الصغير شاب عكس اخوه تماما قلبه ابيض وعلي طول بيعمل اعمال خيريه
#يارا_هانم او ال هنقول عليها مدام سونيا تبقي مرات ابو رعد ومامت ياسر مش بتحب رعد نهائيا هتتعرفوا عليها ف الروايه 😊
#الحجه_زينب: جدت حور
#الداده_رحمه: يعتبر هي ال ربت رعد دي اكتر واحده رعد بيحبها
اتمني الروايه تعجبكوا وطولت شويه ف التعريف دا لسه هنقابل بلاوي زرقه😂
#البارت الاول..
كان يجلس رعد مع والده ف المستشفي
رعد: هتفوق امتي ي بابا هتفوق امتي وتيجي تقعد وتهزر معانه تاني يجلس لعدة ساعات يحدث نفسه ثم غادر المستشفي
ف الحي الشعبي
يطرق باب منزل حور
الحجه زينب: حور يبنتي افتحي الباب
حور: حاضر ي تيتا
ذهبت وفتحت الباب حور بصراخ سااااااااااره كدا يواطيه مش تسالي عليا زي الاول انا زعلانه منه
ساره: معلش يحور والله انا اسفه ي حبيبتي بس انتي عارفه ان ابيه معتز كان حابسني ومش راضي ينزلني
(ابيه معتز اخو ساره شخص اناني وغير محترم اطلاقا بيحب حور واتقدملها كتير وهي رفضته منع ساره من انها تكلم حور تاني)
حور بتفهم: خلاص ي حبيبتي تعالي اقعدي معانا
دلفت حور وتتبعها ساره الي حجرت جدتها رقضت ساره نحو الحجه زينب واحتضنتها
ساره بصوت باكي: وحشتيني اوي ي تيتا والله وحشني كلامك عن ربنا وكلامك معايه انا فعلا بكره معتز ي تيتا انا بكرهه كل يوم يضربني وانا مش بعمل حاجه والله وبيرجع ب الفجر وهو مش ف وعيه انا خايفه منه وتبكي
الحجه زينب: هششش ي بنتي اهدي اهدي ي حبيبتي دا ربنا بيمتحنك وبيشوفك هتصبري ولا لا اخوكي الدنيا عمته يبنتي ومش شايف ال هيحصل فيه ربنا يهديك ي معتز يبني قومي قومي ي ساره يلا علشان نفطر سوا قبل ما ما تمشوا
انتهوا من تناول الفطور
حور اتجهت نحو جدتها وقبلت يداها وقالت: علاجك ي تيتا تاخديه ف وقته ارجوكي مش عايزين نتعب تاني
الحجه زينب: حاضر يبنتي متخافيش عليا روحي وخلي بالك من نفسك ربنا معاكوا ي حبيبتي
اتجهت حور وساره نحو شركة الدمنهوري اكبر شركة ادويا
حور: انا نفسي اوي اشتغل ف الشركه دي انا بجد دا حلمي
ساره باذن الله ي حبيبتي
واتجهوا نحو شركة الجحيم
دخلت حور وساره الشركه استقبلتهم فتاة ترتدي ملابس شبه كاشفه لجسدها تنظر لهم بأستحقار وكره
ميار نظرت لحور ثم قالت: انتي ال عايزه تشتغلي ف الشركه النضيفه دي؟
حور لنفسها: استغفر الله العظيم البت دي شكلها هتبقي اكبر عقبه ف حياتي
ثم نظرت لها حور نظرة ثقه وقالت: اه ي حبيبتي انا وهشتغل فيها
نظرت لها ميار نظرة شر وذهبت
دلف الي الشركه رجل وسيم وطويل صاحب شعر ب اللون الاصفر المختلط ب البني وعيون خضراء ك الاعشاب طويل اسمه حاتم صاحب رعد المُقرب
ساره: يوعدي بصي القمر دا ي حور يبخت مراته والله
حور: بس ي ساره حرام كدا يبنتي غضي بصرك
ساره: يارب سامحني يارب سامحني
ثم نظر ل ميار نظرت كره وقال: ابعتيلي البنت ال هتقدم علي الشغل يلا وتركها وذهب
نظرت ميار لحور وقالت: انتي ي بتاعه روحي ورا الدكتور حاتم يلا
حور ونظرت لها نظره مليئه ب الغضب وقالت: انا اسمي حور محمد وبعدين واحترمي نفسك وانتي بتكلميني والا همسح بيكي ارض الشركه كلها
ساره: ايوااا يحور يجااامد اديلوا يولاه وضحكت
نظرت حور ل ساره بمعني ان تصمت وب الفعل صمتت ساره
تحركت حور وتركت ميار في صدمه من كلام حور معها وقالت ل نفسها: شكلك نويتي علي نفسك يقطه وهتندمي جامد اوي
طرقت حور باب مكتب حاتم
حاتم: ادخل
دلفت حور للمكتب جلست ف قال حاتم
ال Cv بتاعك ال قدامي دا؟
قالت حور بتوتر: ن نعم هو ي دكتور
ابتسم حاتم وقال: ماشاء الله مع ان سنك صغير الا انك عندك خبرات كتيره وبتعرفي تتكلمي لغات كمان
قالت حور: انا الحمد لله ف الاجازه كنت باخد كورسات كتيره جدا
ابتسم حاتم وقال: طيب ي ستي تقدري تعتبري نفسك مقبوله خلاص
ابتسمت حور وقالت: انا بجد بشكرك جداااا ي دكتور حاتم
قال حاتم لنفسه: والله يبنتي انتي صعبانه عليا ثم قال: بصي ي حور عايزك تشرفيني كدا انا اول مره اعين حد هنا الشغل بمواعيد دكتور رعد ما بيحبش التاخير وخصوصا انتي هتبقي المساعده الخاصه بتاعته قالت: وانا باذن الله هكون عند حسن ظن حضرتك ثم شكرته مره اخري وخرجت مبتسما نظرت لميار وقالت: اشتغلت مساعدت الدكتور رعد نفسه مش هقعد قعدتك دي وذهبت مبتسمه هي وساره
وميار تنظر لها نظرت غل وحقد وقالت يانا ي انتي ف الشركه دي يحور ورعد دا بتاعي انا...... يتبع
لو عجبتكوا قولولي اكمل ولا لا😂😂
