غزاله الشيخ الاصلية

Part 10

البارت العاشر

خايف عليها مَن الشمس
حاضنها من اول امس
~~~~~~~~~~~~~~~~~~~~~

غزل خلاني بحظنه ونمت فزيت على عيطت نرجس وهيه تكول
نرجس صعدت داكعد غزل على الصلاة لكيت صگر يمها نايم عاد عطت بيهم هاااااي ليششش انتوا نايمين سوه صگر اكعد والله لو يشوفك يله كوموا

صگر فزيت على صوت نرجس شبيج بويه واذا شافني مرتي هاي مرتي

نرجس عيني استاذ صگر بعدك ماخطبت يله كوم

صگر لج لسانج طولان استغفر الله كايم كايم طلعت لغرفتي صليت ونمت
غزل راحت نرجس وصليت ونمت كعدت الصبح ساعه 8:45 نزلت تريكت ونظفنه البيت وبخرته وشغلت قران امي وخالتي اسمهان(ام صگر) ديسون اكل وخالتي هدى(ام ميار) دتغسل هدوم واني والبنات نظفنه البيت كله ونورس نظفت غرفة الشخ طبعًا الشيخ ميقبل احد يفوت غرفته غير امه وحبوبتي ونورس تنظفها وهسه اني نظفت على القائمه المهم اذن الظهر واجوي من الديوان حطينه الاكل كعدنه ناكل جان تكول خاله اسمهان

ام صگر يمه صگر اليوم العصر ودينه للسوك دنجهز ماضل شي ونحجز صالون وبدلات

صگر صار وره اذان العصر اخذكم

خلصنه شلنه المواعين وسويت جاي وزعتلهم صارت ساعه 2:00 صعدت حظرت ملابسي

صارت ب3:30بدلت ورحنه للسوك جبنه سوالف المهر وحجزنه صالون وبعد خاله وماما اخذو الاشياء اليحتاجوها وبقه الفستان والذهب وحلقات رجعنه للبيت حظرنه العشه تعشينه وكعدنه بالديوان الي بالبيت (اكو ناس يسمو استقبال او غرفه خطار )

حجه حسن

حسن اكلكم والله ضوجه

كيان شسويلك حبيبي اهزلك

مهند يله اني اني ادكلك ونته هزلنه

كيان انجبو

ميار اكلكم صار هواي ماقارين شعر ولا مغنين

حسام اي والله كومو جيبولنه نركيله علمود نسوي جلسة غنائية

كيان من صوتك الحلو دتغدني

حسن اي والله صوتك مزنجر

حسام انجبو

مهند ولكم لتجرحون بمشاعره

حسن اووويييي حبيبي جرحنه مشاعرج

حسام خلف الله عليك مهند دتكحلها عميتها

اجتي ميار ونرجس ونورس شايلين النراكيل وريم سوت جاي وغزل حظرت حلويات وكرزات وهل سوالف

يله شيخنه ابدي انته
صگر يله:؛

لآ تكحلين الرمش مكحول خلقه، زين
الطبيعه مآ يبي زود تجميل. وشلون
أضمك وإنت بالقلب مضموم عمرك
سمعت بواحد ضم روحه.