البارت السادس والعشرون 🙂❤️
ما مريت صدفَه ببالك اليوم ؟
ما مَر موقف وذكرك بيه ؟
ماتشتاقلي ؟
ميگعدك الليل
مافكرت مرة تشوفني شويه
معقوله نسيت ايامنه بساع
معقوله المشاعر كلهة چذبيه ؟
نرجع للحاظر/
صكر/خلص التسجيل والكل مصدوم ها مروه وهسه هم جذب على كل حال راح يجي اخوج وتاكدي
شاهين/جبت حيدر من المخزن اسمع لك ديربالك احد يدري بالي صار بس شغله وحده من يسئلوك تكول اني اعترفت على مروه ممنوع تجيب طارينه فهمت
حيدر/فهمت والله فهمت
شاهين/خوش فتنه والوجوهه تتلاطم شمرت حيدر بالصالة هذا اخوج وسئلي
مروه/بكذب تبجي حيدر اسمع شنو يتهموني وعلساس معترف عليه حيدر كللهم جذب
حيدر/دموع التماسيح مسحيها وكل الحجي صدك اني اعترفت انتي السبب بالي صار علمود صكر يتزوجج ويعوف بنت عمه بس انت هسه فشلتي لان صكر متمسك بيها وماعافها خلاص خلي الناس تعيش براحتها امج توزج وانت تنفذين قبل جانت امج وهسه انت وبالنسبة الي اني مابقه بعد بالعراق تريدون تجون آهلًا وسهلا متريدون اني مسافر واعتذر من الشيخ ومن صكر ومن حرمته على الي صار اعرف الاعتذار ميسوي شي بس مابايدي شي وشنو تكول اني حاظر وبالنسبة الي جانت فكره انتقام من صكر لان ماقبل ينطيني اخته وجنت حابه ووكت الي حجت مروه بهل موضوع وافقت بدون تردد بس علمود الانتقام بس يشهد عليه ربي متندم ومن هل لحظه بعد حتى بيتكم يحرم عليه بسبب الي صار
نرجع لغزل ونشوف رده فعلها
غزل/طبعًا وره مانزلني صكر العائلة كلها مجموعة ومروه الي تباوعلي بنضرات انتصار ابويه الي نضراته جانت كلها حب وحنان هسه ماشوف بيها غير الكرهه امي اما جدي نضراته عبالك يدري بالي راح يصير كلش ماعنده فضول للي راح يصير وبالنسبة لعمامي ونسوانهم ابد مدخلو يعني عمامي لا حجو ويايه بخصوص الموضوع ولا من يشوفوني يحجون بس من ورايه مادري اما اخواني فجانو كللش مسانديني ولا شكو بيه واختي وبنات عمي وولدهم اما صكر اخخخخ الوحيد الي وكف ويايه وساندني وهسه لو يريد عيوني انطيهيا المهم نزلت كعدت بصف صكر اشتغل تسجيل كامره البيت وووووو...تعرفون الباقي بجيت من الفرح لان ظهرت الحقيقة وحيدر صح حس بالسواه ومتندم واعتذر بس ماسمحه ولا اسامح اي شخص أذاني لان بسببه وبسبب اخته اهلي فقدو ثقتهم بيه اشوف اهلي نظرات الندم الباينه على وجهم بعد ماخلص حيدر كلامه كمت وكتلهم
ها شفتو برائتي كدامكم شكد بجيت شكد صيحت شكد حجيت مصدكتوني وهسه اشوف نظرات الندم والاعتذار بس مستحيل اسامح اي شخ اذاني لا انتو الي تسمون اهلي ولا انت الي تسمه جدي ولا حيدر ولا حتى مروه ليش هيج انداريت على ابويه وانت الي المفروض متشك بتربايه بنتك اني الي مستحيل تغلط لان حاطتكم ابالي واكول تعبو عليه وربوني لازم ماخون ثقتهم لازم اخلي الناس تتمنى تربايتي وهسه تشكون بيه ليش وانتِ يمه حجيج اليطعن لو الكتل اووو نسيت ام فهد ومهند وريم لانج تبريتي مني ميشرفج بنيه مثلي خلوها ابالكم انسو اسامحكم وعسى ربي حوبتي متتعداكم وحسبي الله ونعم الوكيل بيكم كلكم شكو واحد طعن بيه الله يطلع حوبتي بي لكم طفلة طفلة كلي16 سنه شنو شفت من حياتي حتى هيج اتهموني كمت اشهك من البجي اجه صكر يهدي بيه والبنات يبجون والولد عيونهم حمر اما فهد ومهند هم يبجون
صكر /صدك انقهرت واني اشوف غزل هيج حالتها شنو ذنبها اخوانها حالتهم حاله يبجون على حجي اختهم المهم اعتذر حيدر وراد يسافر جدي كله اخذ اهلك وياك ميصير يبقن هنا وهنه نسوان عاد كله راح احجز لاربيل اطلع ونزوركم ان شاء الله بالافراح سلم وطلع غزل انهارت وتخربطت اخذتها بغرفة حبوبة والبنات يمها ابو غزل يبجي وامها كتلهم عليمن البجي مو انتِ نفسج البارحه موتيها بين اديج عفتهم وصعدت سبحت ونزلت يم غزل بعدها مكاعده
غزل/انهاريت من البجي حسيت الدنيا ضلمت بعيني ماحسيت على شي بعد وره فتره كعدت لكيت صكر كاعد يمي والبنات والولد وحبوبه تقره قُرآن شافني صكر اجه يمي صكر/ ها يروحي شلون صرتي
غزل/زينه الحمدلله جوعانه
صكر /يخسه الجوع نرجس كومي سويلها اكل
نرجس/سويتلها شوربة وعصير طبيعي وديته وكعدت تاكل
حسام/شوف هاي وكعت كم ساعه الاكل ليمها وأني لو يجبوني بتابوت متهتمون
جميله /اسم الله تابوتيش تنجب لو شلون
حسام/ها جميلو اعترفي تخافين عليه اووووي فدوه للتخاف
جميله/يايايا دهر صابك كون كوم لابارك الله بيك
نورس /حبوبة ماسمحلج تحجين على اخويه
حسام /بعد روحي يروحلج فدوه صكر وشاهين
نرجس/قصدك انتَ تروحلهم فدوه صكر/بعد روحي والله
حسام/خلي يفيدج العلاليك بعد بس نورس وريم وميار وغزل وانتِ خلي ذوله يفيدوج
نرجس /ديله هنه جبس وعصير ذليتنه بيهن
جميله/ولكم كافي مناكر امشوا طلعوا البنت تعبانه وانتوا تتناكرون فوك راسها
غزل/اني تعبت اريد اصعد لغرفتي
صكر/كومي اصعدج صعدتها نامت ونزلت اشوف الندم والحزن الي بعيونهم طبعًا حيدر اخذ عائلته وراحو المهم صارت بالوحدة ونص بليل الكل نايم اني طلعت بالحديقه صارت بالثنتين قفلت وصعدت مريت من غرفه غزل جان أسمع....
يتبع.....
توقعاتكم للبارتات الجايه +رئيكم اعرف قليل بس هسه كتبته ونزلته +ان شاء الله ماضل شي وتنتهي ❤️❤️
الانستا @Wattbad9
783كلمه 🤍
أنت تقرأ
غزاله الشيخ الاصلية
Любовные романыمشهد 💔 مروه شيخ حفيدتك غزل عرضت روحها على اخويه وشافهم صكر بالغرفة والله اليعلم شنو شايف الشيخ شنووووو هاي عار لازم تنذبح علي ابو غزل وينها هل عار هيج ربابي راح الشيخ هلا بالعار هلا بعار العشيرة علي أبو غزل هاي تاليتي يكلولي بنتك عار ليش بويه ل...
