- كل شخص لديه قصة ، لم يتكلم بها ابدًا.
Everyone has a story they've never told.
.......................
نور. نمت بفراشي وذكرت ليش رسبت ذيج سنه وشنو صار وياي دموعي لوحدهن نزلن نرجع قبل سنه
جنت توه داخله ثالث بعدنه ب العطله واني ادرس لئن ثالث كلها تكول صعب جان عندي صفحه ب الانستا جنت دائمآ ادخل عليها وانشر جنت كلش احب الانستا ف مره نشرت الانكليزي وكتبت يووو شكد صعبب ف جان يجاوب ولد كال لدراسه محلوه بس شهاده حلوه وتخلين اهلج يفتخرون بيج لمهم جاوبته وبقينه نسولف لولد اسمه سيف عمره ٢٣جان توه مخلص كليه انكليزي جان لولد حباب جان مراسلتنه سطحيه ما نحجي هواي فتره وره فتره كامت تقوه علاقتنه كمنه يوميه نتراسل ونسهر ونسولف لمهمم مجنت اعرف عن سيف شي غير عمره ودراسته واسمه بسس عن اهله حياته كلشي ما اعرف حبيت سيف وتعلقت بي ويومي بدونه صار محلو بقينه نتراسل ٣ اشهر حبيته كلششش عمري ١٥بوكتها كلبي وعقلي وتفكيري وكلشي بيه صار لسيف يومي ما يكمل اذا ما اصبح براسله منه ويومي ميكمل اذا قبل ما انام اكله تصبح ع خير لمهم وره فتره سيف كلي احبج
فرحت فرحه متنوصف ابدد اول مره افرح هيج يعني شخص تحبه
ويكلك اني احبك شعور يخبل
اني هم عترفتله زاد حبنه وره ٣ اشهر يعني صارلي اعرفه ٦ اشهر جان سيف يتغير عليه واسلوبه وطبعه مو نفس قبل سيف كام يجي بس بليل يحجي وياي كلمه وينام اني تحملت وكلت ميخالف خاف ضغوط مشاكل
عذرته وماحجيت اني هملت دراستي وهملت نفسي لخاطره
وره فتره سيف ختفه وصارن متحانات نصف السنه اني ممحضره شي كمت اقره بدون ما انتبه للكتب اقره هيج لمهم نجاح جان بالي كله يم سيف خلصت متحانات واني ما اعرف شنو كاتبه
بعطله نصف السنه دخلت ع الانستا وجان اشوف سيف ناشر ستوري طرت من الفرح رحت للمحادثه مالاتنه حته مشايف لرسايل مالتي
كلش حز بنفسي ونقهرت وكعدت ابجي ونمت واني ابجي ف ثاني يوم
راسلته وجاوب برود ولا جن صارله مختفي سبوعين كتله
شبيك وياي ليش هيج تتعامل وياي علقتني بيك وهسه جاي تبتعد ليش هيج تسوي
كال نور اني اسف بس مشاكل وضغوطات
اني وياك واحد سيف لمشاكل لي تصيرلك تعال احجيها الي
ان شاء الله واني اسف
نور..عادي مصار شيي بس لسوي مره ثانيه هيج
طبعآ سيف ما رجع نفس قبل سيف يتئخر ب المراسله وميجاوب حته لو فاتح نت
نقهرت حيل وعرفت اكو بنيه ثانيه بحياته ما حجيت بس اني كلش
كرهت نفسي كلت ليش هيج وياي ما يريدني يكلي ما اريدج ويفضها
شنو مسويتله اني وهيج يسوي وياي ياربي
خلصت العطله وما طلعت بيها بس نايمه مسويت شي اهلي حسو عليه
ابوي حاجاني بس كتله مابيه شي تمرضت وهوه ولا جن يغيب سبوع ويجي يوم ويغيب شهر ويجي يوم لمهم
جاي نسولف اني وصديقتي وكالت ما بقه شي راح نعطل لمتحانات نهايه السنه
كلت اووو واني مالي خلك ادرس يجوز اعيد للسنه لئن متئكده اني ارسب
لا ولج لتكولين هيج شدي حيلج
راسلت سيف بليل
نور..سيف شونك مشتاقتلك
سيف..هلا نور زين
نور..دومك +شو مختفي
سيف..شغل ومشاكل
نور..الله يحل مشاكلك بسرعه وترجع نفس قبل
سيف..يلا باي
نور..كضيت وعفت الانستا سبوع
جاي ادرس لئن اخير متحان انكليزي باجر وجان كلت خل ادخل اشوفالانستا ضوجه كله دراسه فتتت ع الانستا اجه كبالي ستوري سيف دخلت مسويله تاك
وكاتبين الف مبروك الخطوبه ضليت مصدومه رحت للستوري لثاني هوا ناشر صورته هوه واصدقائه وصوره ثانيه ناشر ايديهم وكاتب واخيرآ صارت حلالي اني بهلحضه عيوني غوشن ومشفت شيي كعدت لكيت روحي ب المستشفى
امي..يمه بنيتي شبيج يمه شنو يوجعج ليش هيج صاير بيج يمه سوده عليه
ابوي ..بابا حبيبتي يوجعج شي
احمد..هل اجه دكتور
نور..مكدرت احجي احس لساني مربوط /ماعرف بوقتها شصار بيه
امي..رتاحي لا تحين رتاحي
نور..نزلن دموعي درت وجهي وضليت ابجي
امي..يمه ع شنو تبجين مابيج شي
نور..تحجي وياي وتمسح بدموعي بطلت بجي وهزيت راسي اجه دكتور كلهم خلها ترتاح عوفوها انطاني ابره مهده وراح نمت محسيت ع نفسي
ابوي..فتحت عيونها كتلها ها بابا شونج ردت عليه بتعب سوده عليه كالت زينه بويه مابيه شي
نور..رجعت للبيت ولغرفتي ما نزلت حته اكلي بلغرفه كمت ما احب اشوف احد ولا احجي ويا احد ابوي وامي تخبلوو
ابوي..جا بويه تعالي يمنه كعدي نريد نشوفج
نور..مالي خلك بويه
ابوي..براحتج يبعد ابوج
نور..عتزلت لوحدي ابوي اخذني لدكتور كال ما ابقيج رحنه لدكتور كلهم اكتئاب لازم توكفون وياها ابوي وامي وكفو وياي وساعدوني كمت انزل يمهم واكعد بس ما اسولف ف اجن النتائج بقيت ساكته درجاتي كلهن ب ٥٠وب الانكليزي ماكو درجه لا اني رحت ولا اهلي تصلو لئن ملتهين بيه
احمد جان متعارك ويا اهلي لئن ماعرف شنو راد ومقبلو ف اجه عليه
احمد..شوفي رسبتي انتِ تاخذين ابن خالتي وتسكتين يا دراسه يا بطيخ انتِ وينج وين دراسه
نور..نزلن دموعي وركضت لغرفتي كعدت ابجي وابجي وابجي بس مفاد شي منه وعلاقتي اني واحمد خربت كمنه ما نحجي ولا نسولف هواي مثل قبل
لزمت مبايلي لكيت حساب سيف شفت لستوري كاتب اجمل ايام للعمر معه شريكه حياتي كضيت وحضرته وحذفت الانستا ونمت
امي..نور نور يمه كعدي لازم تتريكين وتشربين علاج
نور..صباح لخير يمه
امي..صباح العافيه يروحي
نور..نزلي اغسل واجي وراج
امي..مو تتئخرين
نور..ان شاءالله نزلت امي وغسلت وصليت ونزلت وراها تريكت وشربت علاج وصعدت كعدت قريت قران بعدين نزلت يم ابوي كعدت ما حجيت
ابوي..ها بنيتي شونج شون صرتي
نور..الحمدالله ☺️
ابوي..دومج بنيتي
نور..بويه اني اعيد السنه ماريد امتحن دور ثاني
ابوي..الي يعجبج
نور..بست راس ابوي وكمت يم امي بلمطبخ
امي..ها يمه تردين شي
نور..يمه اني الازم اكلج مو انتِ
امي..بنيتي انتِ هيه مريضه من تصيرين زينه
نور..اوك يمه صعذت لغرفتي وكعدت احاول اندمج ويا اهلي وارجع لنفسي
وارجع لنفسي القديمه كعدت اطلع بليوتيوب كيفيه تخلص من الاكتئاب وكعدت اباوع فيدوهات لحد ما صرت شويه احسن ورجع روتين حياتي سويت حساب جديد ب الانستامحد يعرف سويته خاص ومتابعت بي احد واجت سنه ثانيه ورجعت ثالث وادرس وشاده حيلي اريد اطلع معدل عالي
علمود اكسر خشم لي حجو عليه
ابوي..يلا نورر بويه تئخرتي ب ٨
نور..اي بويه اجيتك
ابوي..هاج بويه مصرف
نور..اخذته وبست ايده ونزلت كتله باي
ابوي..باي نتبهي نفسج
نور..ان شاء الله ويا ما راح ابوي لتفتت اريد ادخل للمدرسه وجان توكف سياره ووجان ضليت صافنه ع الي شفته ...............يتابععع
🤍🤍
