لُِم يتوُقٌفُ،حٍبَهما بَلُِ نحٍن من نتوُقٌفُ،عٍن سرٍدِ حٍڪايتهم ___ للحكايه نهايه. ______ اني اسمي فيروز ١٩٧٨ طالبه ابتدائيه عايشين ب كربلاء ابوي اصله كردي و امي من الحله احنه خمس بنات و ولد واحد احنه ناس الحمدلله حالتنه زينه عدنه بستان ونزرع بيها امي تشتغل فراشه ب مدرسة المتوسطة الي بصفنه بس محد يدري جانت امي متقبل ابد نكول ابوي يشتغل بل بستان الي يجي منها يبيعه اختي الجبيره هنده مقعده يعني ما تمشي بسبب ابره صخونه اختي الثانيه سيناء طبعا هاي عبالك هيه ام البيت ودائما تكتلني وتسحلني وتجي وراها اختي سندس هاي مشرده ولد المنطقه و دائما ويا ابوي تشتغل كلشي بل فلاحه وكلما تشوفني تكتلني وراها اني ونوب اخوي احمد هذا وياي بكل مصيبه ونوب اختي فاطمه احنه تلاثه دائما نسوي مصايب وياهو الرايح والجاي نكتله __ عندي خاله وحده عدها ٨ولد وثنين بنات من تجي للمنطقه كلها تدري منورا ولدها و وكاحتهم __ كاعدين ع البزل (نهر صغير) اني و احمد نفكر ب خطه حتى نكتل ولد بيت ابو علاء فيروز : احمد شرايك نكص حبل الهوايش مالتهم احمد: خوش فكره بس حتى مكص ماعدنه فاطمه : اني عندي اخذته من خانت هنده متدري رحنه نتختل ورا النخل وصعدنه ع مكان الهوايش فيروز انتِ كطعي يلا اني اراقب عسريع فيروز : تعاي فاطمه الزمي كطعنا كل الحبال وشردنه لنهايه بستانه نلهث من الركض فاطمه: يمعودين وكت غروب امشي نرجع للبيت لا امي تكتلنه رجعنه نتمشى نسولف وناكل من الفواكه الي بل بستان اول ما طبينه للبيت سمعت امي تحجي ويا ام علاء ام علاء: ولج خيه شردن هويشاتنه مدري ياهو كطع الحبال ام احمد : انشالله تلكوهن يحبيبه لا تبجين طبينه اني واحمد وفاطمه نتمشى ع اطراف اصابعنه ودخلنه للغرفه يمه متنه خوف فيروز : تدرون عبالي جايه دكلها جهالج شردوهن فاطمه: والله امي تشردنه من البيت احمد :بس انتن اني اضل اتفرج ههههه باوعنه عليه اني وفاطمه صفح وكمناله كتلنا وكفلنا متحلف يكول اله اكول لامي شردن هوايش بيت ابو علاء فاطمه :بيك خير روح كلها اكلها يمه ابنج يبوك حليب من بيت ابو ناصر كعد ساكت ماعاجبه صاحت امي حتى نحضر وياها العشه معدنه كلنه نتعشى بدون نفس لن لا امي ولا ابوي يقبلون نحجي ع الاكل حترام النعمه ناكل وساكتين كملنه اكل كمنه ملتمين يم ابوي وامي نسولف وياهم ونضحك ام احمد : اختي باجر تجي هيه ولدها ابو احمد :كل الهلا بيها ام احمد :جايه تخطب سيناء ل حسنين ابو احمد : تجي ويصير خير احنه كاعدين ونستمع فاطمه : يا عيني راح تزوج سيناء بعد عناء كتلتنه بهل حب فيروز :شبيج خلي تزوج ونخلص يمعوده احمد :لعد اني شوكت ازوج فيروز : بعدك هلكدك دور زواج لو تكبر شسوي فاطمه: هوه انتَ افلح بل دراسه بعدين ازوج الله يالله احمد: امداجن وامدا الي يحجي وياجن عافنا وراح يهز بايده امً احمد : يلا نامن حتى نكعدن من صبح نطبخ ونضف خالتجن تجي رحنه نفرش علمود نام فيروز ب همس: فاطمههه يتبع.....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
